للاخ حب استطلاع

[جبل عمر]

اولا انا اسف لفتح موضوع جديد ولكن لايوجد طريقه لاسئل الاخ حب استلاع الا بالموضوع لايوجد معلومات اتصال لديه (يعني مقدر ارسل له رساله خاصه)

المهم

عندي افريقي له اربع ايام عندي له يوم ونص تعب وخمول وفضلاته سائل اخضر مع اصفر ..الظن انه اسهال

المهم قريت لك موضوع وتنصح بالعلاج اسمه(باي تريل 10% ) انا اشتريت باي تريل 5 % هل ينفع للطير ولالا

واذا عندك نصايح اخرى علاجات عن الاسهال شامله اتمنى الرد والافاده لي وللاعضاء الكرام

[soso 99]

هو بيفيدك بس شوف

انت ماخذ 5% وهو قايل 10%

دبله الـ 5% عشان تصير10%

والله يشفي طيرك

[جبل عمر]

سوسو

ماحصلت 10% وقال لي المصري في ******* انه 10% مركز وينفع للمواشي مو للطيور..انا اخذت 5%وسحبت من العلبه الدواء 2 ملم و1 ملم ماء..وبعدها رحت خذت ليبتون وحطيته مع مويه وشرب منها الطير يقولون انه يفيد الطير

انا عارف انه بيطري بقر وغنم ولكن وش نسوي مافيه الا هذا الحل ..

[fawzi]

الله يشفي طيرك ان شاء الله اما بخصوص العلاجات ترى في ادويه كثيره لكن الافضل منها هو التايلان وبرضو التايلان في 5ملم 10ملم ال10قوي لكن5 خفيف بس انا انصحك انك تستخدم الواء الي اعطاك اياه البيطيري لانه هو المختص وبرضو في مواضيع للاخوان في المنتدي بخصوص علاج مرض الاسهال .

[جبل عمر]

الببغاء له 24 ساعه ماااكل وجسمه هزييييييييييل ونحيف وعضم صدره واضح جدا وش اعطيه اكل ؟؟اعطيته جزر مهرووس شوي بس مافيه فايده

ارجو الرد اخوي حب استطلاع الله لايهينك

[حب استطلاع]

حياك أخوي جبل عمر

وكان بإمكانك مراسلتي على الخاص لأن مشاركاتك تسمح بذلك

على العموم لا هنت صورة واضحة للطير

وهل طيرك محجل ؟
وإذا فيه أعراض ثانية غير الإسهال ( أعزكم الله ) أذكرها

لأنه تقريباً أمراض الطيور محصوره في أمراض الجهاز التنفسي
والإسهال ( أعزكم الله ) بأنواعه

ولي رجعه بإذن الله

[الشفق الأحمر]

مايشوف شر ، وإن شاء الله تتدارك الموقف ويقوم بالسلامة .
والأخ حب استطلاع ماراح يقصر معاك إن شاء الله .

[جبل عمر]

هلا ومرحبا حاولت اراسلك لاكن مالقيت

الطير غير محجل

والطير كان نشيط ويصفر ويطير بس من امس لاحت الخمول واعراض الاسهال ..واليوم رحت واشتريت (باي تريل 5%)ماحصلت باي تريل 10% المهم اعطيته 2 ملم من الدواء و 1 ملم ماء مع نفس العلاج بعدها بساعه اعطيته ماء مع ليبتون شاهي وشرب شوي..ولاكن خامل وجسمه هزيل ونحيف واسهال علطول

ارجو كم الحل معه

[جبل عمر]

ياعالم ردو الامر يزداد سووء

[samn]

حاول تغر الطير


رز ابيض مسلوق

[جبل عمر]

هل فيه بديل عن الرز..اعطيته جزر بالابره شوي

ابي اي شي ثاني

[بايبي]

اعطيه سريلاك بالابره


الخلطه سهله...........؟

اولا تجيب صحن وتحط السريلاك من ثم تحط الماء وزيد الماء شوي بس لاتخليه ثقيييل مره خليه خفيف وغره لو بالخصب اهم شي ياكل

[جبل عمر]

الطير مافي تحسن

[بايبي]

اخوي اقرب بيطري عندكم في الرياض

[مجنون الامازون]

اخوي " جبل عمر"

اسلق الرز في ماء لمدة نصف ساعة .. وبعد كذا خذ موية الرز واسقسها طيرك ان شاء الله يوقف الاسهال .

[AMOORO]

اتوقع لو تحط نفس كمية الـ5%

احسن له

انا حطيت قليل لببغائي وتحسن

[asadyya]

تسلق بطاطس وتهرسة وتعطيه بالأبرة
وتحط له موية البطاطس المسلوقة للشرب إذا كان يشرب من حاله أو بالأبرة

تحياتي

[جبل عمر]

بسوي الي تقولون لكن جسمه جدا هزيل وغضم الصدر واضح وخاااامل ونوم

هل فيه بيطري ببغاوات في الرياض ولا في المملكه ممتاز؟؟؟؟؟؟؟؟؟!

[كاسكووووو]

ارسلتلك علا الخاص

[حب استطلاع]

بسوي الي تقولون لكن جسمه جدا هزيل وغضم الصدر واضح وخاااامل ونوم

هل فيه بيطري ببغاوات في الرياض ولا في المملكه ممتاز؟؟؟؟؟؟؟؟؟!

سويت شي من ردي لك على الخاص؟!!!

[جبل عمر]

اي نعم اعطيته كل شي حق الدود والاسهال واعطيه اكل بالابره بس مايبغى ياكل واعطيه بالغصب شوي

ماادري اذا فيه حلول ثانيه قبل مايموت او تدلوني على طبيب طيور فاهم او يتكرم احد ويعالجه اذا يعرف وحقه محفوظ المهم لايروح على الطير لانه غالي سعرا ونفسيا

[امجد نبيل]

ازا بعد الدويه كمان مااتشافى مشورة الاخ حب استطلاع الله يعطي العافيه
مالك غير تقرا عليه بنية الشفى
لانو الدكاتره الي عندنا والله مايفهمو *******
والله يعينك

[حب استطلاع]

اي نعم اعطيته كل شي حق الدود والاسهال واعطيه اكل بالابره بس مايبغى ياكل واعطيه بالغصب شوي

ماادري اذا فيه حلول ثانيه قبل مايموت او تدلوني على طبيب طيور فاهم او يتكرم احد ويعالجه اذا يعرف وحقه محفوظ المهم لايروح على الطير لانه غالي سعرا ونفسيا

لا تتوقع التحسن في 24 ساعة

وخليك متابع إطعامه يدوياً