هل هذي المعلومة صحيحة

[shark2055]

السلام عليكم

سمعت من أحد الدكاترة البيطرين أن كلمة البينو لا تطلق إلى على اللون الاصفر فقط فهل

هذا صحيح؟

و صراحة يا شباب أنا حبيت تربية الثعابين و ما أدري ابدأ تجربة تربية الثعابين باي نوع؟

و جت نوع في احد المحلات سمكة أنحف من القلم الرصاص و لايتجاوز طولة المتر طوال حياتة

و يعيش في الرمل و قيمتة 100ريال سعودي و لكن صراحة أنا حبيت شكل الking و ال milk

و ابغى اعرف فين أقدر احصل منها في مدينة جدة باسعار مناسبة و احجام صغيرة أو متوسطة

(افيدوني يا جماعة الخير)



.

[fawaz01]

السلام عليكم

نعم صحيح كلام البيطري ، وأنصحك تربي البايثون الذهبية ( العادية ) .

أخوك / أبو فيصل

[المعتصم باللة]

ابدا بتربية ثعابين البيض لان تربيتها سهلة بضع الشىء

[ابراهيم]

عزيزي ان كنت ترغب بشراء ابو السيور فأنا اقدر اساعدك فهو متوفر عندي وبأسعار معقولة جدا جدا مقارنة بسعر السوق في جدة

ارجو مراسلتي على الخاص

[shark2055]

مشكوورين ياشباب على الردود الطيبة
_
______________________________________________________
الأخ فواز

يا ريت لو في صورة لهذا النوع تزودنا بها
_______________________________________________________
الأخ المعتصم بالله

مشكور على النصيحة و راح ابحث عن مواصفات هذا النوع و طريقة

معيشتة و انشاء الله يوافقني
_______________________________________________________
الأخ ابراهيم

مادام انك من جدة لازم يكون بيننا اتصال انشاء الله


.

[hellboy]

انصحك بتربية الاصلات أو البوءات لانهم مفتوحات الشهية وتعمر معك إذا اعتنيت فيها,
المشكله إلي اعرفهم من تجار الحيوانات كلهم في الدمـــــــــام ومدري يوصلونهم جدة ام لا.

[كوبرا]

والله بالفعل اختيارك صائب
الميلك والكينغ سنيك من الثعابين الممتازة في التربية كذلك الكورن سنيك وايضا الاصلات مثل البورمية واصلة الدم ويا البواء العاصرة
وانا انصحك انك تتجنب الثعابين صغيرة الحجم لان غذائها صعب توفرة
واسعارها تقريبا الاحجام الكبيرة من الكورن او الكينغ 1500ريال

[shark2055]

يسلموا يا شباب

صراحة معلومات جيدة و ياريت أخوي هلبوي تزودني بالمحلات الموجودة بالدمام

لاني اعرف ناس دايمن بيرحون الدمام و بيردون جدة




.

[بنوته]

عبالكم إني بنت مافهم شي ؟؟
انا الحين اقطعكم كلكم .. بما ان الثعابين هي حياتي ..
الألبينو هو مرض .. يصاب به الإنسان .. اظن من الكروموسومات أو الجينات والله نسيت .. يوييلي من أبله انتصار .. خخخخ .. امم المهم هو يصاب فيه الإنسان وينعدم عنده اللون فيكون لونه كله ابيض حتى شعره ابيض .. والماده اللي تعطينا اللون اسمها الـ ؟؟ نسيت امم والله نسيت بتأكد وبقوولكم .. المهم نكمل الدرس .. والالبينو ما يكون عندهم تحصين ضد الإشعاعات الultra-violet ولا اي نوع .. ويصابون بحروق الشمس بسرررعه .. والألبينو هو مو نوع من الثعابين ولكن ثعابين تنعدم عندهم اووه ياربي شسم الصبغه .. ؟؟ اظن الميلانين melanin .. والميلانين هو اللي يعطي الانسان الـ freckles & skin color tan مشكله ماعرف مصطلحاتهم بالعربي اعذروني .. دراستنا كلها بالانجليزي ما سووا خير .. :( ..
وبما انك مبتدأ .. انصحك انك تبدى بثعبان الذره أو ثعبان كاليفورنيا الملك لان ما يكبرون وايد يعني تقدر تقول 3-5 اقدام .. و سهل تربيهم .. على عكس الأصلات .. يصير طولهم 20 قدم !! وبعدين قول مثلا لفت على ايدك شلون بتشلها ؟؟ لازم له طررق علشان انت ما تتاذى ولا الثعبان .. ويعني لو سألت اكثر بتلاقي ان اغلب الناس في اوروبا المحترفين ابتدأو بثعابين الذره و كاليفورنيا الملك .. :)
وتعبت واناا اكتب .. خخخخخخخخ
اذا تبي شي اسأل ترى انا والأعضاء حاظرين .. :) يلا
تامرني على شي ؟؟
وفكر قبل لا تاخذ الأصلات مستعد ان توفر بيئه مناسبه حق ثعبان طوله 20 متر ويعيش اكثر من 20 سنه ؟؟
ومشكور
أدري قطعتكم .. :):):):):):):)
شكرا شكرا لاداعي للتصفيق خخخخخخخخ :p
وبالنسبه لأبو السيور .. تقدر تلاقيه في البر بما انه منتشر في السعوديه وقطر .. واخذ لك بعد تراهم يعضون وفيهم سم .. لكن مو ذاك السم اللي يقتل الانسان .. لكنه يصير لونه بنفسجي ويعور مووووووت .. ويتم كم اسبوع .. وانا نفسي ماواطن ابو السيور احسهم دوود من دون إهانه جي ضعاف ومادري شلون .. ماحبهم .. :(

[Ghoroub]

السلام عليكم

تصحيح على الكلام اللي فوق
ترى أكبر ثعبان موجود بلغ طوله 8 متر وعلى ما أظن كانت أصلة بورمية وأكبر أكبر ثعبان اكتشفوه كانت أصلة من نفس النوع وطولها وصل لأكثر من 10 متر
بخصوص أبو سيور فيه أنواع تشبه له هي اللي سمها ممكن يكون مؤلم للإنسان (غير قاتل) أما أبو سيور العادي ما أظن عضته يتغير لونها ولا كان صرت أزرق من كثر ما عضوني، المؤلم في عضته لما ينغرس السن في اللحم أما قوة الفك فأعتقد إنها بسيطة وممكن بسهولة الشخص يجبره يفتح فمه.

تحياتي

[petercola1982]

تربية الثعابين شىء ليس بالسهل ، فأنا أنصح المبتدئين بتربية الأنواع الغير سامة و الرخيصة الثمن لأن خبرة المربى تكون قليلة و من أفضل الأنواع على الإطلاق للمبتدئين هو ثعبان أبو السيور .