بغبغائي سنغو يطلع برع القفص

[الشفق الأحمر]

بسم الله الرحمن الرحيم
والحمدلله والصلاة والسلام على رسول الله

~ ~ ~ ~ ~

اليوم جايب لكم فيديو لـ سنغو وهو يطلع برع القفص ، الصراحة فاجئني الصبح وأنا قاعد من النوم أحصله واقف برع القفص . فقلت لازم اشوف شلون يطلع ... اترك لكم المتابعة :

hg5Uifd4Pes

الرابط (http://www.youtube.com/watch?v=hg5Uifd4Pes)

~ ~ ~ ~ ~

طبعاً إلى الآن ماروضته ومانتقلت للمرحلة التالية في الترويض أن أجرب العسل معاه ، ولكن الحمدلله ياكل من يدي وإذا قربت له أيدي من غير أكل تحديداً "بسكوت" يخاف ويطير ، وإن شاء الله راح أقص أجنحته حتى تسهل عملية ترويضه .

[المألوف]

>




هههههههههههههههههههههههههههه
هذا ملكع من اولها اول شيء اهنيك عندك طاير ذكي مررررة
بس جرب المغيط اربط فيه القفص
و ايااااااام لين ياحول يومين ثلاثه اربع وبعدين شيله و ينسى الطريقة هذي

[الأليف]

ماشاء الله تبارك الله
الله يعطيك خيره ويكفيك شره
والله أنا كان عندي فرخ روز وكان يطلع من القفص مثل ببغائك
وكان يطلع ويروح يدخل عند طيوري البادجي في القفص لأنه كان وحيد

[محب للكاسكو]

مشاء الله علا طيرك ذكي مرره ,, كان عندي من زماان كاسكو كبييييييير مرره كان موو متروض ويطير ولا كنت اطلع وصار اخر ايامه معي يطلع من القفص ويروع البزارين ههههههه لا وبعد كان يطلع من الباب الكبير اللي قداام ولكن الحمد لله عندي الحين واحد شاريه من يومين وبديت الترويض امس ,,
الله يعطيك خيره ويكفيك شره يارب ,,
تقبل تحياتي :: عزوز

[الامل]

لااله الاالله مره ذكيه حركته بالبدايه حسبته يبي ياكل واثاريه يبي يطلع وبعد حاشر روحه عشان يطلع الله يخليه لك

[عاشق الطيور a t]

وربي اهنييييييييييييييييييييييييييك ع ــسنغو

طيرك ذكي وانتبه تتركه حاول تدربه على حركات وراح يستجيب واستفيد من ذكائه الله يوفقك ويحفظ لك طيرك

[جوسلين]

مشالله طير فعلا ذكي ممممم ربي يحميه و يحفظه

[الشفق الأحمر]

>




هههههههههههههههههههههههههههه
هذا ملكع من اولها اول شيء اهنيك عندك طاير ذكي مررررة
بس جرب المغيط اربط فيه القفص
و ايااااااام لين ياحول يومين ثلاثه اربع وبعدين شيله و ينسى الطريقة هذي


شاكرلك مرورك العطر أخوي ، وإن شاء الله أجرب الحركة الي ذكرتها ، وأعتقد سبب أنه يطلع برع القفص لأن آخر يومين مافتحت له القفص من فوق ، مكاو عض العصى الي افوق وكسرها :( هههه
يعطيك العافية ، وبالتوفيق .


ماشاء الله تبارك الله
الله يعطيك خيره ويكفيك شره
والله أنا كان عندي فرخ روز وكان يطلع من القفص مثل ببغائك
وكان يطلع ويروح يدخل عند طيوري البادجي في القفص لأنه كان وحيد


ما شاء الله ، شاكرلك مرورك أخوي ، والله يعطيك الصحة والعافية .
موفق خير يارب .


مشاء الله علا طيرك ذكي مرره ,, كان عندي من زماان كاسكو كبييييييير مرره كان موو متروض ويطير ولا كنت اطلع وصار اخر ايامه معي يطلع من القفص ويروع البزارين ههههههه لا وبعد كان يطلع من الباب الكبير اللي قداام ولكن الحمد لله عندي الحين واحد شاريه من يومين وبديت الترويض امس ,,
الله يعطيك خيره ويكفيك شره يارب ,,
تقبل تحياتي :: عزوز


ههههههههههههه ما شاء الله عليه ، والله يحفظلك طيرك الجديد ، شاكرلك مرورك أخوي ، والله يعطيك العافية ، موفق خير إن شاء الله .

[الشفق الأحمر]

لااله الاالله مره ذكيه حركته بالبدايه حسبته يبي ياكل واثاريه يبي يطلع وبعد حاشر روحه عشان يطلع الله يخليه لك


اي والله ماتوقعت يسويها ، تفاجئت الصراحة اليوم ، شكراً على مرورك أخوي ، آمين ويخليك لأهلك ومحبينك .
الله يعطيك العافية .


وربي اهنييييييييييييييييييييييييييك ع ــسنغو

طيرك ذكي وانتبه تتركه حاول تدربه على حركات وراح يستجيب واستفيد من ذكائه الله يوفقك ويحفظ لك طيرك


إن شاء الله أكيد ماراح أتركه ، شاكرلك مرورك العطر والرائع أخوي .
الله يجازيك الخير ، وموفق يارب .


مشالله طير فعلا ذكي ممممم ربي يحميه و يحفظه


شكراً على مرورك أختي الفاضلة ، جزاكي الله خير ، وموفقه يارب .

[بندولة حب]

ماشاء الله

ومعروف باالسنغالي سرعة التعلم

وسهولة التدريب

عليك فيه

[الشفق الأحمر]

ماشاء الله

ومعروف باالسنغالي سرعة التعلم

وسهولة التدريب

عليك فيه

شكراً على المرور الرائع أختي ، وإن شاء الله أدربه .
بالتوفيق يارب .

[no0La]

ماشاء الله تبارك الله

هـ الحركه تسويها عندي الدره جوجو ماشاء الله عليها

حركه سنغو ماشاء الله تدل ع الذكاء وسرعة استجابة الطير

الله يبارك لك فيه أأإخوي وأاهم شي لاتهمل التدريب أإبد اأإبد

[fawzi]

هههههه الله يحفظه لك ان شاء الله هذا السنغالي عنده قوه تركيز وذكي مرررررررررررررره اخوي حاسب عليه قص جناحه افضل

[merit-55]

ماشاء الله تبارك الله

[عاشقة الظلام]

ما شاء الله علية الله يحفظة لك
شكله دارس طريقة الخروج دراسة عدلة
احترس لايتعور ولا يفر منك لا سمح الله

[الشفق الأحمر]

ماشاء الله تبارك الله

هـ الحركه تسويها عندي الدره جوجو ماشاء الله عليها

حركه سنغو ماشاء الله تدل ع الذكاء وسرعة استجابة الطير

الله يبارك لك فيه أأإخوي وأاهم شي لاتهمل التدريب أإبد اأإبد


ما شاء الله ، الله يحفظ لج جوجو ، وشكراً على الإطراء والمرور الرائع ، إن شاء الله ما أهمل تدريبه .


هههههه الله يحفظه لك ان شاء الله هذا السنغالي عنده قوه تركيز وذكي مرررررررررررررره اخوي حاسب عليه قص جناحه افضل


آمين ، ويحفظك يارب من كل شر ، إن شاء الله بقص أجنحته بس مب الحين ، عما قريب إن شاء الله .

[الشفق الأحمر]

ماشاء الله تبارك الله


شاكرلك مرورك أخوي ،
بارك الله فيك ،
بالتوفيق .


ما شاء الله علية الله يحفظة لك
شكله دارس طريقة الخروج دراسة عدلة
احترس لايتعور ولا يفر منك لا سمح الله


هههههههههه أي خلاص صار يتقنها الحين كل شوي يطلع برع ههههه ، بس باقي يدرس كيف يدخل مرة ثانية .
لا إن شاء الله مايفر إن طلع من القفص مايروح بعيد ، الله يعطيج العافية ، وشكراً على المرور الرائع .

[The - Hard]

الله يخليه لك


كم سعره يالغالي ؟ افكر اخذ ببغاء __ كاسكو _ يلوناب __ اي شي حلو وسعره معقول

[الشفق الأحمر]

الله يخليه لك


كم سعره يالغالي ؟ افكر اخذ ببغاء __ كاسكو _ يلوناب __ اي شي حلو وسعره معقول


آمين ، ويخليك لأهلك يارب .
أنا الصراحة خذته بـ 400 ريال ! غالي شوي مقارنة بالسعر عندكم بالسعودية لكن إن شاء الله بروضه وأدربه وأخليه يسوى هالسعر وفوق .
والله يوفقك يارب وتاخذلك الزين وتستانس معاه .