ماذا تريد من طائرك؟؟؟؟؟

[asadyya]

السلام عليكم ورحمة الله وبركاته

أخواني وأخواتي الأعزاء

كلنا في هذا المنتدى ممن يقتني أو يحب الطيور ولكل منا وجهة نظره الخاصة في التربية فلنتعرف على ما بداخلنا وماهي أهدافنا وبالتالي نتعرف على الأولويات والتي يجب علينا البدء فيها لتدريب الطائر عليها لنصل لمبتغانا.
ومن هنا نرى من الأعضاء من خلال مشاركاتهم أهدافهم من التربية ومن ثم تأتي الردود من المختصين والمتمرسين وحتى من المبتدئي تجاربهم الناجحة.

عني أنا أود من طائري أن يكون متحدثاً وأن يطلق صافراته ويطلع على اليد وأمسح على كامل جسمه بدون عض ويقوم ببعض الحركات الإستعراضية. (يعني كل شئ>>>> يبي لها مصباح علاء الدين السحري)

فماذا لديكم أخوتي

تحياتي وتقديري

[فور أيفر]

أبي طيري البادجي أذا كبر يفهمني أني صاحبه وأحبه ويتكلم شوي أو يقلد أصوات وحركات بس بالمرررره صعبه وأبي يحبني

[asadyya]

شكراً فور أيفر على هذه الإفتتاحية الجميلة

ولكن هناك أولويات فماهي أهم حاجة في نظرك؟

[فتفوته]

موضوع حلو وشيق

طيري اسمه (حبوب ) هو حبوب على اسمه ولعوب ويطلع ع الكتف بس لو يترك عنه العصبية الزايدة وطولة اللسان علي

[asadyya]

هل يسمح بالمسح على كامل جسمه؟

[ظاهر]

اذا تبي كل الي قلته يصير لازم اجيب طير بعمر 4 شهور ولي تبي منه يصير لك

انا جبت ببغاء الدره بعمر 4 علمته كل الي قلت عليه انت والحين يتكلم يقول كوكو منو هو اسمه كوكو بس مو عارف هههههه[]

هو هذا الي اريده من طائري بس الحين عندي كاسكو كامل فيني عمايل تعبني بس اصبر عليه لمى يصير اليف ما ابيه يصير تاء ههههه

[كوكاتـو]

ان احب طائري يكون عادي انا واضع له العاب بالقفص يلعب اليوم كلو و كل اسبوع باخرجوا من القفص الى غرفة كبيرة يضل يطير حين يجوع يرجع لقفص و باسد عليه و تمضي الايام

[الأليف]

أهلا أخوي كيف الحال
أنا عندي ببغاء غيني اسمه:كيكو
وله عندي 3 أسابيع وأول ما اشتريته مو أليف والحين أليف ويطلع على اليد ويصفر على الإستاند قدام أي شخص الحمدلله
والي أبغاه منه الكلام ان شاء الله يتكلم يارب
والله يوفق الجميع

[almer]

اهم شى بالطير انه يكون يتكلم
هذا اهم سبب يخلينى اشترى كاسكو
باقى الامور غير ضرورية بالنسبة لى

[mh15]

انا الان ما عندي اي طير لكن بشتري ان شاء الله بعد رمضان وهدفي من التربيه اني اخليه ذكي ويعمل خدع
وفهم لي وافهم له ويمكن اذا عرفت واحترفت في كيف اوصله الى كذا بربي وابيع

[فتفوته]

نعم اخوي اقدر امسح على جسمه وراسه طبعا هذا بعد التدريب

[AMOORO]

ابيه يحبني ويتعلق فيني ويقول اسمي بسسس

[الشفق الأحمر]

الله يعطيك العافية على هذا الموضوع الرائع .
أنا عندي مكاو علمته يعطيني بوسة ، وإن شاء الله أعمله على الطيران !!
وكذلك عندي "سنغو" السنغالي وإن شاء الله أروضه وأخليه يعمل حركات حلوة مثل الدوران على نفسه وينقلب على ضهره ... الخ .هذا مخططي الحالي .

[asadyya]

أشكر لكم جميعاً مداخلتكم التي أسعدتني.
أتمنى مشاركة البقية لأن فيه شئ مهم في نظري له الأولوية في التربية والعناية بالطائر.
وهو مفتاح التربية السليمة

تقبلوا تحيتي وشكري لمروركم

[فراس19]

يطلع على ايدي ويتكلم وامسح عليه وبس

[يانكا]

انا اهم شيء عندي راحه الطير وسعادته حتى لو ماكان يتكلم او يرضى امسكها او .. الخ

مانكر اني اتمنى طيوري تكون مدربه كلها بس ان الطير يحس بالامان والراحه معي هذا اهم شيء عندي

ومع الوقت هو يتعود علي مثل ماصار مع طير الكوكاتو حقي كان مفترس وبقوه لكن مع الوقت والمعامله الزينه

وربي قام ينام بحضني ويبقاني امسح عليه طول الوقت

,, وانا املك بادجي يحب يبوسني ويبقى يبوسني طول الوقت واذا انا عطيته بوسه يطلع صرخه من الوناسه ويتكلم بعد ويقول حبيبي ونودي اسمه يعني وكلمات ثانيه بس بصعوبه ينطقها المهم قولوا ماشاء الله عليه

اما اللي راسه يابسه الكاسكو صار له عندي قريب السنتين ولحد الحين ماتروض بس فرق كبير بينه وبين قبل الحين عادي اذا قربت منه بس ممنوع المس وماعاد يصرخ ويجعر مثل اول

وعندي كروان يكفني اشوف الراحه بعيونه ومايهم لو تكلم وغيرها

[asadyya]

شكراً لكم كلآ بأسمه.

نعم كلنا نريد سعادة الطير وراحته وأيضاً صحته

[صقر شجاع]

امم

كاسكو اليف يطلع ع اليد

وبث

مشكور ع الطرح ..

[FrEe LeGeNd]

انا الغرض من الاقتنى تربيه شخصيه


انا كنت اتمنى طير زي الحمااام ويحبني واذا شافني ينهبل يفتح باب القفص ويجي

لاكن جربت جربت جربت واكتشفت!

مستحيل تتحق هالاشياء من طير مصيوووود
خذ لك فرخ وغره بنفسك وشكله على كيفك

[عاشق الطائي]

ابيه يصير افضل الطيور :wao:

[eaglesa38]

انا بدات تربية الببغاء تقريبا قبل عشر سنوات
وروضت وعلمت ببغاوات وبعت ببغاوات
اخر ببغاء بعته الاسبوع الماضي اسمه كنعان
وماشاء الله عليه ربي يسعد الي اشتراه
الطير يتكلم بطلاقة
امنيتي اعلم الامازونات الي عندي ويتكلمون بطلاقة
عندي كيمو اليف جدا يطير ويجي عندي
وعندي محبوب شبه اليف ويضحك ويبكي مثل الطفل
وعندي الكاسكو سراج بدا يتكلم باقي بس ترويضه
اقدر امسح عليه عادي بس يعض


تحياتي

[The - Hard]

شباب بسألكم انتم فاضين ولا مرتبين وقتكم ؟

[asadyya]

شكراً لكم جميعاً دون إستثناء

[asadyya]

طيب مافية مداخلات ثانية؟
وإذا قلت لكم ان أهم شئ المفروض من المربي أن يعود طيره على المسح عليه وتحسس كامل جسمه قبل كل شئ.

ما هو رأيكم؟

تحياتي وتقديري