مكينه تفريخ للزيبرا!!! تعااااااااال

[DR.rashid]

بسم الله الرحمن الرحيم
يا اخوان انا اليوم كنت قاعد اتصفح بالانترنت باليوتيوب ولقيت واحد امريكي عنده اكثر من 20 زيبرا مروضه!!!!! وانا ما صدقت وقلت شلون شلون شلون؟؟؟؟؟؟ (ما ذكرت ربي ههههه) المهم على اخر الفيديو الامريكي صور المكينه اللي عند وهي مكينه تتسع ل5 بيضات فقط . المهم معروف الزيبرا يبيض ويبيض كثيرا والمشكله الفرخ ما يطلع من عدم جلوس الام جيدا على البيض اما اذا عندك المكينه هذي ههههه كان الحين ما في احد في المنتدى هههه
وانا الحين قاعد ادور المكينه في الانترنت وحالما احصل الفيديو سأضعه بالمنتدي تحياتي


DR.Rashid
...زيبرا وبس

[sparki]

تسم على الخبر الحلو

[إحســ عابث ــاس]

شي حلو بس وين المقطع عشان ندور معك :D ..

الله يعطيك العافيه ..

[ملك الحيوانات]

ههههههههههههههه حلو مكينه تفريخ

[ملك الزيبرا]

فالبدايه تسلم يا د. راشد عالموضوع الجميل

اللي يخص ماكينة تفريخ طير الزيبرا

بس فيه ملاحظه:

لنفرض أنك جبت المكينه وحطيت فيها البيض

وبأذن الله فقس فقولي كيف بتقدر تهتم بالفرخ

لأنك لو شفت فرخ الزيبرا بساعاته الأولى بعد الفقس

بتخاف خوف فضيع لأنك ما تشوف قدامك إلا شيء صغير

يتحرك وما تعرف راسه من ريله فبالله عليك كيف بتأكله

ووين بتعرف مكان فم الطائر لأنه الفرخ كله براسه وجسمه

أكبر من حبة الحمص بقليل والشعر يملأ جسمه

ناهيك عن وجبات الطائر واللي يحتاج بأول ثلاث أيام

إلى 12 وجبه باليوم بمعدل كل ساعتين وإذا زاديت

عالجرعه اللي تعطيه أياها على طول يموت لأنه

ما يتحمل ومعدته صغيرة

أنا ما أبغي أحبطك لكن تربية الزيبرا من أول ساعة

تفقيس تعتبر صعبه إن لم تكن مستحيلة

وتحتاج إنسان متفرغ وخبير بهاي الناحية

تحياتي لك

وتقبل مروري

[طارق (الشام)]

أول شي شكراً على الموضوع ومجهودك رائع وانتظر آخر أخبارك
وانا كمان مع الأخ ملك الزيبرا بأن الموضوع مش سهل أبداً ولكن لو عندك القدرة جرب
يمكن الله يوفقك وتصير أحسن من الامريكي يلي شفته في النت
وانتبه لو ما تقدر على التجربة ترى هذي أرواح مو لعبة
وفقك الله

[بايا]

**** واللهـ الامريكي ذا شنب اقوولكـ جرب ولا انت بـ خسرانـ شي يعني هو نجحت وياهـ وانت بـ تفشل :D جربـ وانا وراكـ لما يرخص سعرها :D ****


مشكووور اخويـ ع الفكرهـ

تحياتي ,,حسون الزيبرا,,

[زعيم البلابل]

أنا أعرف واحد بالكويت شري المكينه من أمريكا وسعرها كويتي 20 دينار يابلاش بس هو جايبها من أمريكا ويربي زيبرا وخليهم يلحقونه بالشارع بس الرجال يقول والله تعبت ونا أعلمهم يعني الشغله مو صعبه ولا سهله يبيها واحد فاضي ماعنده روحات وجيات بره البيت واحد فاضي

[صديق المكاو]

مشكوووووووووووووووووووور ع الخبر الحلووووووووووووووووووووووو

[هارد]

مشكور بس ممكن تحط الفيديو والمكينة كيف شكلهى

[ايس]

يسلموووووووو ع الخبر

مافي صور عليها