مادري وش الحل مع الرمادي

[ياسر111]

السلام عليكم ورحمة الله وبركاته

صراحة اول مره اكتب موضوع بس مادري حسيت اني بحاجة مساعده منكم

عندي ببغاء جامبو ( الرمادي ) شريته الاسبوع الي راح عمر تقريباً سنه واربع شهور
شريت من سوق الحمام وااعرف الي يبيعه قالي انه يتكلم وانه مايجعر ومايطلع على اليد
لك اسبوعين اذا ماتكلم رجعه قلت مو مشكله مايهمني يطلع ولا مايطلع اهم شي يتكلم بس والباقي امره هين
شريته ( 1800 ريال )
اخذته البيت ماتكلم ابد لمدة ثلاث ايام الان بداء يقول اسم اختي الصغيره لانه وقتها دايم معه ويعطي بوسة وكثير يصفر كذا نوع
بس اذا قربت له انا بس منه يجعر على طول برغم اني انا الي احط الاكل والموية واصلح كل شي له بس مو طايقني مره برغم ماصر مني اي شي برغم شكله وريشة كامل وكبير حجمه حلو ماشاء الله مره ويطلع من الشبك ويرجع مكانه وافتح له الشبك بس جالس فوق مايتحرك ولا شي بس يصفر ومارفتعه الشبك مع الاستاند حقه يعني ارتفاع تقريبا متر واحد

وانا الان محتار ارجعه للرجال ولا اخليه عندي لانه قالي لك اسبوعين

ياليت تفيدوني وش الحل اخليه ولا ارجع مادري والله احترت فيه

[الجااارح]

السلام عليكم ورحمة الله وبركاته .....
أخوي ياسر 111 :)
أولا أحب أبارك لك على الطير اللي أدهشني ما كتبته عنه ما شاء الله تبارك الله عليه :eek:
من ناحيتي أنا أنصحك تخليه معك دام إنك تقول إنه نطق بإسم أختك الصغيرة وهذ وحدها تكفيك لأنه باين عليه ما شاء الله يتكلم لأنه نطق بإسم أختك وهو جديد عليه وهذا دليل إنه قادر على نطق غيرها إنشاء الله وأما من ناحية أنه يزعق كل ما شافك فهذا أمر أشوفه طبيعي مع الوقت راح يتعود عليك وما دام إنه يتكلم ليش ترده لصاحبه خله معك وإنشاء الله إنك راح ترتاح معه
هذ وجهة نظري لا أقل ولا أكثر ;)
والسلام عليكم ورحمة الله وبركاته

[ياسر111]

السلام عليكم ورحمة الله وبركاته .....
أخوي ياسر 111 :)
أولا أحب أبارك لك على الطير اللي أدهشني ما كتبته عنه ما شاء الله تبارك الله عليه :eek:
من ناحيتي أنا أنصحك تخليه معك دام إنك تقول إنه نطق بإسم أختك الصغيرة وهذ وحدها تكفيك لأنه باين عليه ما شاء الله يتكلم لأنه نطق بإسم أختك وهو جديد عليه وهذا دليل إنه قادر على نطق غيرها إنشاء الله وأما من ناحية أنه يزعق كل ما شافك فهذا أمر أشوفه طبيعي مع الوقت راح يتعود عليك وما دام إنه يتكلم ليش ترده لصاحبه خله معك وإنشاء الله إنك راح ترتاح معه
هذ وجهة نظري لا أقل ولا أكثر ;)
والسلام عليكم ورحمة الله وبركاته


اشكرك على ردك واتحفتنا بقلمك
والله زي ماقلت لك يعني ماشاء الله اقل من اسبوع قال اسم اختي بس مادري ليه ماطايقني
وحتى عندي اخوي الصغير اصغر من اختي واسمه شوي صعب اسمه ( يوسف ) عمره اربع سنوات منهبل يقولي ياسر ليه ماقال اسمي غيره غيره ومسكين والله ارحمه ينبح صوت وهو يردد اسمه على الببغاء ههههههههههههه ولا قال اسمه الببغاء

وغير كذا ياكل من اليد وباذات اخواني الصغير ياكل منهم ويحكون على ارسه انا لااااااااااااااااااااااااااااااااااااااا لو اقرب على طول يجعر

[كاسكو البحرين]

ياسر111 اسمح لي ان اتدخل في موضوعك :)

اولاً مبروك عليك الطير

عزيزي مسألة الجعير ماهي ؟

الجعير عند مايجعر الطير هو ليس عنده عداوة بينك وبينة !

الطير متخوف والمدة اللي حاصله الحين معاك جداً قليلة 3 أيام لا شي :cool:

عند ما يذهب الخوف منه ويآمن على المكان الجديد راح يترك الجعير تدريجياً إن شاء الله

بخصوص نطق اسم اختك الله يحفظها سبحان الله طير في خلال 3 ايام ينطق بإسم أحد المتواجدين في البيت هذا شي جداً ممتاز بس ما ادري هل راعي الطير قال لك انه يتكلم ويمكن من ضمن الكلام يكون اسم اختك ، تأكد قبل لا تستعجل الامور اسأل راعي الطير عن الكلمات اللي يرددها الطير سابقاً واذا ما كان اسم اختك من ضمن الكلمات اللي الطير ينطقها فلا تفكر ترجع الطير هذا دليل ذكاء وستيعاب الطير في خلال ايام بسيطة وهذه نادر مايحصل مع الطيور وعتقد سعر الطير معقول والله العالم

تحياتي لك واتمنى لك الموفقية

[ياسر111]

مرحبا عزيزير/ كاسكو البحرين

اشكرك على ماخطته أناملك

انتم الان ارغبتوني في الطير اكثر والله وماكان عندي اي معلومه
زي ماتفضلتو اخوي كاسكو البحرين واخوي الجارح
والكلام الي كان يقوله الببغاء قبل ليسا من ضمنه اسم اختي الصغير ( روان ) لان الكلمات كانت مكتوبه في ورقة عندي
وكان خوفي هو سبب الجعير والان انتم وضحتو لي سبب الجعير لانه مااخذ على المكان وفعلاً الفترة بسيطه جداً ووضحتو لي ان الطير استعابه جميل جداً

وراح اغير رايي في ارجع الطير لصاحبه السابق

اشكركم جزيل الشكر واشكر القائمبن على هذا المنتدي الجميل والمبدع بأعضائه

[كروان]

لالالا ياسر لاترجعه هذا نطق اسم اختك الصغيره و هو اصلا ماكان يعرفه من اول وهذا شي طيب

بالعكس مشاء الله عنده قابليه لتعلم بعدين المحل قال لك اسبوعين واذا ماتكلم رجعه بس هو الحين تكلم يعني صاحب المحل على حق بس انت اصبر شوي عليه لانه الحين مابعد وثق بصاحبه الجديد وهذا شي طبيعي لان فيه ببغوات تتعود على كل الناس وفيه ببغوات لا . تتعود بس على صاحبها بس وشكل اللي عندك مثلهم

[سكود]

تبيعه لي :D

ياخي هذا ببغاء مايتفوت مدام نطق اسم اختك بذا السرعه ماشاء الله

بعدين تبيه يتولف عليك على طول !!!

لازم تصبر شوي وتتعب معه شوي

[عبيد المزعج]

على البركه اخوي ياسر
ماشالله جامو وبالسعر ذا ويتكلم لا تفوته..وترى طبيعي الببغاء مايجعر عند الحريم :cool: ولا عند الأطفال..بس يجعر عند الرجال.. الحونش:D ..بعدين يمكن انك تصارخ على روان والا يوسف عنده:D تراه حساس الأفريقي:D
اصبر له ولا تمل ويمكن يطول معك حبتين..شف لا أحد يحط له أكل أو شرب أو ينظف قفصه غيرك خاصة في الفتره الأولى من فترات توطيد العلاقه..
أتمنالك التوفيق

[صويب الرمش]

انا اجد انك تخلي اختك تبعد عنه شوي و تحسس الببغاء انك انت رفيقه ... لانه الى الان لم يستوعب وضعك بالنسبة له و اخذ اختك رفيقة له ... و لذلك يسمح لها بحك رأسه و مثل هذه الامور ...
وبالنسبة للجعير لا تحسس الببغاء ان الجعير حل نافع لكي تبعد عنه يعني حسسه بعدم فعالية الجعير لانه اذا كل ما جعر بعدت عنه راح يستمر في الجعير لفعاليته في ابعادك عنه ...

اتمنى اني و الأخوان افدناك و الصراحة الببغاء واضح عليه مميز لكن يبيلك تقوي علاقتك به ...


وبالتوفيق .

[هيبه اسد]

اول شي احمد ربك انك سألت هنا ........لان الاعضاء ماقصرو........ولانهم عطوك الجواب..........وقالو لك اصبر ولا تستعجبل..........انا اول ماشريت الرمادي قطع اصابعي من العض والجعير .....بس مع الايام صار يلحقني صرت انا اسوي فيه اي شي اتحداه يعض.......ليش لانه واثق في صاحبه .......وزال خوفه منيّ..........انت اصبر عليه وطيرك يعتبر درجه اولى لعده اسباب......وكلها كم اسبوع ويزعجم بالكلام والتصفير........ وتذكر كلامي هذا...تحياتي لكم جميعا

[ياسر111]

لالالا ياسر لاترجعه هذا نطق اسم اختك الصغيره و هو اصلا ماكان يعرفه من اول وهذا شي طيب

بالعكس مشاء الله عنده قابليه لتعلم بعدين المحل قال لك اسبوعين واذا ماتكلم رجعه بس هو الحين تكلم يعني صاحب المحل على حق بس انت اصبر شوي عليه لانه الحين مابعد وثق بصاحبه الجديد وهذا شي طبيعي لان فيه ببغوات تتعود على كل الناس وفيه ببغوات لا . تتعود بس على صاحبها بس وشكل اللي عندك مثلهم

اهلين اخوي كروان منور

صدقت والله في النقطه هذي ان بعض الببغوات تتعود على كل الناس وفيه ببغوات لا ماتتعود الي على صاحبها اشكرك عزيزي

[ياسر111]

تبيعه لي :D

ياخي هذا ببغاء مايتفوت مدام نطق اسم اختك بذا السرعه ماشاء الله

بعدين تبيه يتولف عليك على طول !!!

لازم تصبر شوي وتتعب معه شوي


هلا والله اخوي سكود انت وهذا الي محمسني انه نطق اسم اختي في السرعة هذي مشاء الله
وان شاء الله مع الوقت راح يولف وخلاص قرارت انتظر وماراح ارجعه وراح اقولكم وش يصير معي في الايام الجايه ان شاء الله

[ياسر111]

على البركه اخوي ياسر
ماشالله جامو وبالسعر ذا ويتكلم لا تفوته..وترى طبيعي الببغاء مايجعر عند الحريم :cool: ولا عند الأطفال..بس يجعر عند الرجال.. الحونش:D ..بعدين يمكن انك تصارخ على روان والا يوسف عنده:D تراه حساس الأفريقي:D
اصبر له ولا تمل ويمكن يطول معك حبتين..شف لا أحد يحط له أكل أو شرب أو ينظف قفصه غيرك خاصة في الفتره الأولى من فترات توطيد العلاقه..
أتمنالك التوفيق
هلا والله اخوي عبيد
والله سعره كويس حصلت عنده اثنين واحد 2600 والثاني هذا 1800 واخذت هذا والحمدالله ماشي معي بس الملاحظات الي قلتها عليه والحمدالله انت عطيتوني اراكم ونصايحكم وان شاء الله ماراح ارجعه خلاص


انا اجد انك تخلي اختك تبعد عنه شوي و تحسس الببغاء انك انت رفيقه ... لانه الى الان لم يستوعب وضعك بالنسبة له و اخذ اختك رفيقة له ... و لذلك يسمح لها بحك رأسه و مثل هذه الامور ...
وبالنسبة للجعير لا تحسس الببغاء ان الجعير حل نافع لكي تبعد عنه يعني حسسه بعدم فعالية الجعير لانه اذا كل ما جعر بعدت عنه راح يستمر في الجعير لفعاليته في ابعادك عنه ...

اتمنى اني و الأخوان افدناك و الصراحة الببغاء واضح عليه مميز لكن يبيلك تقوي علاقتك به ...


مرحبتين اخوي صويب الرمش
انت ملاحظ من اجد احس اختي الصغير تبي تاكل الجو على وانا ناوي اخليها تبعد عنه شوي بس المشكله تحب الببغاء بشكل عام لو اقولك سالفه تموت من الضحك اليوم تبي تصحى لاختبارها الصباح واول ماصحت من النوم وهي تقول روان روان تحسب نفسها عن الببغاء والله تقطعت من الضحك .
الجعير بعد والله مو ذاك الجعير يعني على الخفيف تحس جعير جعير خوف ومايطلع كل وقت بس اذا انا قربت له طلع
واشكرك على اطراك اخوي


وبالتوفيق .

اول شي احمد ربك انك سألت هنا ........لان الاعضاء ماقصرو........ولانهم عطوك الجواب..........وقالو لك اصبر ولا تستعجبل..........انا اول ماشريت الرمادي قطع اصابعي من العض والجعير .....بس مع الايام صار يلحقني صرت انا اسوي فيه اي شي اتحداه يعض.......ليش لانه واثق في صاحبه .......وزال خوفه منيّ..........انت اصبر عليه وطيرك يعتبر درجه اولى لعده اسباب......وكلها كم اسبوع ويزعجم بالكلام والتصفير........ وتذكر كلامي هذا...تحياتي لكم جميعا

صباح الخير كوكاتو

الحمدالله على كل حال واكيد في اي شي برجع للاعضاء واكيد هم خبرتهم اكثر مني وماسلجنا هنا الي عشان الفائده تعم للجميع
والله انا إلى الحين ماعضني ولا عض احد من الي عندي وان شاء الله عقبال ما نوصل المرحلة الي يلحقني فيها مثلك ماشاء الله وراح اصبر عليه التصفير الان مره كثير كثير التصفير

[ياسر111]

السلام عليكم ورحمة الله وبركاته

الببغاء صار كويس معي اليوم صرت احك على راسه وعلى ظهره واعطيه اكل من يدي مره يرميه ومره ياكل بس احسن من اول كثير ولا صار يجعر ولا شي ماشاء الله
هذا اخر ماوصلت له اليوم ومادري وش يبي يصير بكره ان شاء الله
اشكر الجميع وبدون تحديد على النصائح

[F9o0oL]

هههههههه ماشالله يتربى بعزك أبيك تشوف الموضوع بس هذا http://www.2zoo.com/vb/showthread.php?p=202680#post202680
مقصدي أنه لازم ياخذ وقت

وحبيت أسأل وش الفرق بين الجامبو و العادي