كم الفتره اللي اترك فيها الحمام الجديد في العشه

[الولد الذي كويس]

السلام عليكم ورحمة الله وبركاته
يا شباب انا امس اشتريت زوج حمام باكستاني كم الفتره اللي اخليهم فيها في العشه بعدين اطلقهم
تكفن

[الولد الذي كويس]

وين المساعدات والردود ياشباب تكفووووووون

[الولد الذي كويس]

وين يا شباب ابغا رد سريع تكفون

[ملينيوم]

خلهم اسبوعين

واذا انت صبور خلهم شهر احسن

واذا هم صغار يعني بصايص يعني مايطيرون يكفيهم اسبوعين

والعلم عند الله

[ملينيوم]

ولاتنسى تحط لهم علم او شي مميز عشان ينتبهون للبيت ومايضيعون

[د و بر]

على حد علمي خليهم إسبوع

وضع لهم ماء سكر يعني موية فيها سكر

ولا تنسي ضع لهم ماء السكر طوال الأسبوع

علشان كل ما طارو ا يرجعون مرة ثانية

وتقبل مروري

[الولد الذي كويس]

الله يجزاكم خير الجزاء
على ردودكم الحلوه
وشكرا.

[فرخ الخعنفق]

افضل شي ماتطلعه الى اذا بيض عندك بلعشه
مشان تتئكد انه يرجع
مستحيل يروح الجوز والبيض بلعشه
ارجو انك تستخدم هاذا الطريقه
وارجو اني قد افدتك

[الولد الذي كويس]

الله يزاكم خير وبارك الله فيكم
ولا تنسوني من دعواتكم

[AL-MARD]

يكفي شهر علشان تضمن او نتف ريشهم او اربطة و فتح لهم الباب علشان يتعرفو على المكان

[الحنوووون]

نتف ريشه

[الولد الذي كويس]

مشكو رين يا شباب لاكني ابغاه يروح ويجي
وما ودي انتف ريشه
بس عطوني طريقة ربط جناحه
ويا شباب والله ما عندي صبر واذا فكرت في شي عن الحمام او الدجاج لا زم اسويه من اليوم الثاني والحمام الجديد مشتريه قبل اربع ايام تقريبا وانا خططت اني افتح عليه بكره عصر ان شاء الله وحطيت له امس مويه فيها سكر (لا تنسون تعطوني الطريقه تكفون ).

[fotoo]

افضل شي ماتطلعه الى اذا بيض عندك بلعشه
مشان تتئكد انه يرجع
مستحيل يروح الجوز والبيض بلعشه
ارجو انك تستخدم هاذا الطريقه
وارجو اني قد افدتك
__________________
زي كلام أخونا فرخ الخعنفق

[الولد الذي كويس]

والله انا حزنان لاني فتحت عليه اليوم عصر عيا ورفض يطلع قمت طلعته بالقوه وبعد هذا كله طلع مايطير واذا مسكته يطلع صوت مثل صوت الزغاليل وجسمه مو كبير مره.
لاكن على كل حال مشكورين.