اللحقوني قطتي الشيرازيه الجديده في خطر :(((

[سام]

السلام عليكم

اخواني انا قبل 3 ايام اشتريت قطه شيرازيه من السوق

اخذتها معاي البيت تبلغ من العمر شهرين

اول يوم كانت مثل العسل تتحرك و تنط و تلعب

لكن ثاني يوم بليل بدينا الهم .. بدى عليها التعب و الارهاق و بدت تنام طوول اليوم

اخذتها للبيطري عطاها ابره و قالي حرارتها مرتفعه جدا جدا

و عطاني دوى قالي اعطيها ربع حبه كل يوم

المهم في نفس اليوم رجعت القطه تلعب و تصحصح لكن بعد 12 ساعه من الابره بضبط عطيتها الدوى

و بعدها نامت طول اليوم مع كسل و تعب مره ثانيه .. و قبل ساعه تقريبا استفرغت ( رجعت ) و تعبانه و نايمه طول اليوم

طبعا ما تاكل ولا تشرب

ممكن المساعده لو سمحتوا الخبراء اللحقوني الله يخليكم !!

[الخبيرة ناديا]

مبروك القطه الجديده

دائما القطط الصغيره تكثر امراضها ومشاكلها الصحيه ولازم انك تعتني فيها اكثر .

لانها عرضه للموت اذا مااهتميت فيها.

الان واضح ان القطه لازالت مريضه وحرارتها مرتفعه. الان اشتري من الصيدليه البيطريه

مضاد حيوي لها اسمه بيتاموكس واعطيها منه ربع قطاره فقط مرتين في اليوم .وحاول انك تخليها

في مكان دافي .

ولعلاج الاستفراغ اعطيها شراب موتيليوم من الصيدليه البشريه مقدار 1سم واتركها بدون اكل فقط

خلي عندها ماء الشرب لمده 6 ساعات .

وبعدها اعطيها زبادي اخلطه بملعقه عسل ويكون دافي مو بارد.واكلها باسرنجه شوي شوي حتى تتقبله.

والمضاد استمر عليه لمده خمس ايام حتى لو لاحضت صحتها تحسنت.

وشراب الاستفراغ اعطيها منه مره واحده في اليوم فقط حتى يخف استفراغها.

وطمني عليها

[سام]

شكرا الخبيره ناديا ..

ممكن اسامي الدوى بلانجليزي ؟؟

بنسبه لدواى الدكتور اوقفه ؟

و هي استفرغت مره ثانيه اليوم .. نايمه طوول اليوم ما تاكل ولا شي بس تشرب مااي و تنام

حاس ان الموضوع بدى يكبر :((

[سام]

و خوفي اعطيها الدوى و تزيد حلتها سوء ... لانها بعد ابرة الدكتور صارت تمام

بس لما بديت معاها في الدوى رجعت على ما كانت عليه

:(

[دلوعةقطوتي]

http://www.iraqup.com/up/20100907/4VyuY-U2v0_842540278.jpg (http://www.iraqup.com/)

هذي صورة للعلاج والجرعه كل 12 ساعه وزي ماقالت الخبيره ناديا ربع القطاره لان قطوتك صغيره لمده خمس ايام والله يشفيها ومايحرمك منها

[سام]

يعطيكي العافيه اختي دلوعه ان شاء الله اجيبه اليوم

[دلوعةقطوتي]

الله يعافيك وطمنا عن قطوتك

[genan]

مبروك والله يشفيها ويخليها لك وع سؤالك جااوبي عليه

[الخبيرة ناديا]

ايه حبيبتي وقفي علاج البيطري لان الحبوب صعب تبلعها القطه وراح تعانين معاها

لاكن العلاجات اللي وصفتهم لك ممتازين جدا ومامنها خوف ابدا .

البيتاموكس معروف وجزاها الله خير دلوعه جابت لك الصوره

والموتيليوم (motilium) تلاقيه في الصيدليه البشريه على شكل معلق ( شراب.