مشكلتي مــــع الببغاء (إلى الخبراء)ارجو الدخول

[AL-MOHANDES]

السلام عليكم ورحمة الله وبركاته ..

انا عندي ببغاء افريقي صار له عندي شهر واسبوعين تقريبا وودي اسأل اللي عنده تجربه مجربها بطيره ...

وسؤالي هو :

انا ودي الببغاء يجي فوق يدي ؟؟
ويصير اليف كيييييف !!!
:o :o :o :o :o
وش الحل وعلما بأنني اعطيه الأكل من يدي من داخل القفص .!!!

ورافع القفص فوق مترين تقريبا ..

ومعطيه 3 انواع من الأكل ( فول سوداني-دوار الشمس-ذره) وبعض الأحيان اعطيه خس يعني مدلعه:)

فهل احد عنده حل لمشكلتي ياليت لو تكرمتوا وتحلون لي اياها .. واكون لكم شاكرا

ومعليش كاني طولت عليكم


al-mohandes






:D :rolleyes: :o :p :) ;) :cool: :confused: :( :eek:

[aimmh]

حبيبي شوف بالمنتدى يمكن تلقى مواضيع تفيدك

[AL-MOHANDES]

aimmh

مشكور اخوي بس وين احصلها .

ياليت الأخوان يعطوني تجاربهم علشان نستفيد ..

وجزاكم الله خير

[كاسكو البحرين]

حبيبي الأخ AL-MOHANDES شهر واسبوعين مو كفاية ترى :rolleyes:

جوف اخوي خل الطير يكمل الشهرين بدون محاولة لمسة انا حالياً شريت بغبغاء رمادي جامبو بخليه يكمل الشهرين وانا فقط اجلس جنبه اغلب اوقاتي لانه في غرفتي وجنب الكمبيوتر اللي اكون جالس على الجهاز وهو يشاهدني وانا اشاهده وتكلم معاه ، تصدق صار حركي في القفص ولعوب يعني تجوفه انت تقول الطير متعلم ويتجاوب مع اني لم ابدأ بالترويض فقط ابدل الماء والأكل وتنظيف القفص بشكل يومي وبعض الايام اخفف ضو اللمبات وتقرب صوبه وهو دااخل القفص وتكلم معاه يعني اردد عليه كلمة يالله او اناديه بإسمه (وسام) الطير بكون عنده أمان في هذه المرحلة ويكون يحبك ويوم اللي تبتدي بالترويض يكون اسهل وأفضل لانه فترة الصبر اهم نقطة في الترويض الحمد لله انا الاحظ هالايام ان يحاول ينطق الكلمات لكن ليس بوضوح تام لكن يبدأ يحاول وهو يصفر كم صفره حلوه ، انصحك بالصبر قليل الى الشهرين وبدأ عملية الترويض بالطريقة الجيدة هي طريقة المسح على الطير .

اي سؤال انا بالخدمة ولي عودة

تحياتي

[AL-MOHANDES]

مشكور اخوي كاسكو البحرين

ابحاول اسوي طريقتك .

بس اذا بغيت انظف القفص يخاف وش الحل معه .؟

وشكرا ...

al-mohandes

[كاسكو البحرين]

مشكور اخوي كاسكو البحرين

ابحاول اسوي طريقتك .

بس اذا بغيت انظف القفص يخاف وش الحل معه .؟

وشكرا ...

al-mohandes

اخوي في اقفاص واغلب الاقفاص اللي بالسوق زي هذه الاقفاص

بإمكانك فصل القاعده عن القفص بإكمله

ماعليك من الصراخ اللي يصدره الكاسكو يوم بعد يوم بيفهم انك ماتبي تآذيه مجرد تنظيف القفص

بصارخ وشوي اشوي بخف الصراخ تدريجياً


سو روحك ماتسمع الصراخ :D

تحياتي لك

[AL-MOHANDES]

والله انك كفو يا كاسكو البحرين

الله يجزاك خير ..

اخوك :al-mohandes

["O_O"يــــعـــقـــوب]

فول سوداني-دوار الشمس-ذره الاكل هذا يعتبر عند الببغاء مزمزة وليسة وجبة دسمة ولو استمريت على هذا الاكل راح ينتف ريشة
1- لابد من تشكيل الاكل .. عظم دجاجة .. تفاح . عنب .. جحة .. موالح لاتقربة
2- حاول انك تغير محلة بيت فترة وفترة يعني ساعتين با الحوش وساعتين بالصالة لا تكتمة في محل واحد
3- بعد فترة وبعد مايتعود على المكان حاول ان تتقرب منة يعني بعد شهرين ثلالثة
4- الطير حساس وسبحان الله يحس من حرارة جسمك (( اليد )) اذا كنت خايف ومترددماراح يركب فوق اليد خلك جزوم وبلا خوف الاصابع بدالة اصابع

وهذي وجهة نظري لاني ماني خبير ولاغيرة بس تجربة شخصية مع ببغاء والببغاء الحين عندي له 4 سنوات ماشاء الله تبارك الله ويسوى عندي اعيالي

والله يوفقك

[AL-MOHANDES]

مشكور اخوي يعقوب

بس انا اعطيه تفاح ويحطه في فمه ويرميه ..

وتغيير مكانه بجرب وشوف ..

الله يجزاك خير ...

((( التوقيع رووووووووعه هههههههه)))