بداية الترويض بهذه الطريقه هل استمر ؟ لا تحرمونا ارائكم

[لقلوووق]

السلام عليكم ورحمة الله وبركاته

اخواني اليوم بعد الفطور انا ما اكنت بالصاله والطير حقي مخليه على الاستاند بالصاله له يومين مع الاهل عشان يتعود عليهم المهم اخوي الله يهديه تهور وراح يبي يعطي الطير اكل من ايده خاف الطير ونزل من الاستاند عاد رحت وحجرته لين راح غرفه مغلقه وطلع فوق كرسي انا جبت العصا وبعد فتره خليته يطلع عليها المهم رجعته على الاستاند وقمت احاول امسحه بالعصا واخليه بعد كل مسحه يطلع على العصا وارجعه الاستاند وهكذا مره على المسح بالعصا ومره على الطلوع عليها والطير ماله يومين بالبيت بس لاحظته بدا يتجاوب مع العصا في خلال نص ساعه السؤال طول الله اعماركم هل استمر على هذي الطريقه خمس ايام وبعدها اطور الموضوع باليد؟؟

اسف على الاطاله

وشكرا جزيلا اخواني ومبارك عليكم العيد يوم الجمعه ان شاء الله

[اسير القلم]

اكيد اخوي دام الطير بدا يتجاوب معناها ان شاء الله رح تقدر تمسح عليه بيدك

تابع ان شاء الله

[fawzi]

هذه بدايه طيبه والحمدلله ان الطير تجاوب معاك استمر بس اهم شيء الصبر وطوله البال ونصيحه اذا بدربه خله في مكان مافيه ازعاج او حركه علاشان تركيز الطير يكون كله معاك الله يوفقك ان شاء الله

[لقلوووق]

شكرا جزيلا شباب الله يعطيكم العافية انا ما راح استعجل عليه بخليه على العصا 5 ايام وبعدها اشوف كيف تكون ردة فعله باليد والله يسهل الامور

ببض الله وجيهكم