اسئله من اجل الحرباء خاصتي

[kakahi]

السلام عليكم ورحمه الله وبركاته


انا اليوم شريت حرباء:88:

وعندي كم سؤال:)

1-كيف اشربها الماء

2-هل يحتاج تعريضه الى نور لكسب الحراره وكم المده

[|| PyTHoN ||]

الماي تنقط على حلجها و اهي بتشرب مره او مرتين باليوم
و إذا شربت طبعا < في حالات ما تاكل ولا تشرب

تمسكها و اهي تفتح حلجها و صب ماي فيها

مثلاً بأبره أو بأيٍ كان ^^ < مو أبره مبوزه تذبحها :D

و بالنسبه للضوء !

أساساً حوضها درجة حرارته تكون 25 - 32 درجة مئويه
و للإضاءه ان صادف و حصلت لمبه UV يكون ممتاز جدا
لو ما حصلت حط لمبه عاديه + دفايه عشان الحراره

و بعدين شمسها كل يوم أو كل يومين لمدة 10 دقايق ^^"

و لا تنسى الرطوبه بالحوض :)

[kakahi]

مشكور اخوي على الافاده

[kakahi]

اليوم صدت لها صرصار بس ما تبي تاكله ليش وفتحت فهما وحطيته فيه وطلعتها


مع العلم ان الي اخذت منه الحرباء قال تاكل الصراصير

[|| PyTHoN ||]

اول مره تطلعه سوه كذا مره و ان حطيته حاول تخليها بروحها
خصوصاً ان هذا اليوم الأول لها لازم ترتاح بمكانه :)

عموماً لو انه حي هده عندها و تاكله

بس انتبه لا يكون مرشوش بمبيد تراه يضر الحربا و ممكن تموت بعد !

.
.

[فخاخ]

شوف اذا اشتريبت لمبة الـ u.v

خلهآ مشغلة عندهآ 12 ساعة وطفهآ 12 سآعة و تكون 7 وآط

طبعا اللمبة ما تغني عن الشمس

و الاكل الميت حركه لهآ لين ما تآكله

و البآقي ما قصر فيه بآيثون :D

>>يآآربي متى اشتري حربآآآآء :(

ادعوا لي قريييب يآرب ..!ّ

[kakahi]

ههههههههه
الصرصور فيه شلل لاني خليته يدوخ بضربه من الناعال (((((((((((الله يعزكم))))))))))))
يعني لازم حوض

لاني انا حاط لها شجره اصطناعيه وقصيت لها اغصان من شجر بيتنا

وحطيتها بالصاله


واقعد اليوم واحصلها فوق الستاره والمشكله الشباك والستاره طوال ما يمديني انزلها

[كاسيكو 2009]

الله يساعدك حاول تصفر لها loooool

[kakahi]

صارت طير مش حربا

هههههههههه

مشكور على مرورك

[|| PyTHoN ||]

ههههههههههههههه

لا لا لازم حوض عشان الرطوبه و درجة الحراره
أنا مريت بحالتك قعدت كم يوم بدون حوض يوم عالوايرات و يوم تحاول تدخل
بأحواض ثانيه يوم عالسرير ولله مشكله ههههههههههههههههههههههه :D

المهم حاول بأسرع وقت تحصل حوض لها ~

[kakahi]

تم بحمد الله انقاذها من المئزق:D

بشتري لها حوض بس ما اتوقع احد فاتح الحين عيد:rolleyes:



بس ابي توضيح شلون اشربها ماي
انا اشربها بالابره وافتح فمها

ولا اخلي يم الحنفيه واهي تشرب

ابيك تقولي بكل دقه:p شلون

[*حامي الحيوان*]

هلا أخووي

وعيدك مبااارك

تقدر تشرب الحربااء بطريقتين

أما بالتقطير بفمها بأستخدام الابرة أجباريا ههههههه

أو أنك تشتري لها قفص جوانبة من الشبك وعند ترطيب القفص

رااح تتجمع قطرات من الماء على الشبك أو الديكور وهي رااح تشربها

طبعا لا تفكر تضع لها وعااء مااء لانها ما تشرب بهذه الطريقة

وبالطبيعة أذا نقص عنها المااء فهي تلجأ لأكل أوراق النبات الغنية بالماء



بالتوفيق,,,

[مهووس الحيوانات]

شفتك كاتب انك عطيتها صرصار

لاتعطيها ابد صراصير المجاري الوصخة -وانتو بالكرامة-

[kakahi]

حامي الحيوانات مشكور على الافاده

مهوس الحيونات الحمد لله ما رضت انها تاكل الصرصار (وانتو بكرامه)
واشكرك لانك نبهتني

تحياتي لكم

[kakahi]

اليوم حفرت في حديقه البيت وحصلت دوده الارض وعطيتها تاكلها

سؤال هل من الممكن اعطيها الدود الي يطلع بالذره

[مهووس الحيوانات]

نعم تقدر تعطيها أي كائن حي متأكد انه مو سام ولا مرشوش بمبيد ولا قذر مثل الصرصار

و أحيانًا لو جبت حشرة مقتولة ، تكون طريقة القتل سيئة ، مثل الضرب بالنعال أعزكم الله

لأنها احتمال كبير تكون مليانة قرف و مواد خطيرة فممكن تنتقل للحشرة و بالتالي للحربا :)

[مهووس الحيوانات]

بس عمومًا أفضل أكل للحربا هو الجراد ، و الجدجد (صرار الليل) و الجنادب بشكل عام

و يرقات الفراش و العث و الخنافس ، و الفراش و العث نفسه

فإذا لقيت شي من هذي لاتردد تعطيه للحربا لأنها مفيدة أكثر من غيرها :)

[kakahi]

مشكور والله يعطيك الف الف عافيه

طيب هل من الممكن اعطيها فواكه
مثل الزبيب المجفف او خيار وشلون اقدما لها هل احركه او اوكلها اجباي

[مهووس الحيوانات]

لا ، هي تتغذى على الحشرات بشكل رئيسي

لو بتعطيها خيار مثلاً يكون شي قليييل يعني تقريبًا 5 % من نظامها الغذائي بالكثير

يعني قطعتين ثلاث قطع مرة وحدة في الشهر لو كنت تبغى

بس مامنها فايدة و الحربا في البرية ماتاكل نبات الا عشان الماء الي فيه لكن ماتتغذى عليه الا ناااادر

على فكرة تقدر تعطيها حيوانات صغيرة مو بس حشرات ، أقصد مثلاً لو لقيت وزغ (برعصي) تقدر تعطيها اياه ، أو حتى فار من البيضا الي يعطونها للثعابين تقدر تعطيها واحد صغير

[*حامي الحيوان*]

مثل ما قالك أخوي مهووس الحربااء

نظامها الغذائي حشراات بالاسااس

وبالطبيعة ممكن تلجأ لأكل أوراق النباات للحصول على المااء بشكل نادر

وطبعا هذا شيء لا يحدث في الاسر لانك توفر لها المااء

وأنا عن نفسي اوكلها حشرة أسمها كركيت أو شيء يشبهها

هي تكون مثل الجرااد بس لونها أسود



بالتوفيق,,,

[kakahi]

اشكركم على الافاده

الله يعطيكم الف الف عافيه


تحياتي لكم

[kakahi]

من اول نا شريت الحرباء وانا اعطيها دود الارض احسها مش متقبلته كثير

وذبان ما احصل مع اني احط فواكه معفنه بره علشان يتجمع الذبان

فا ياريت تعطوني حل للموضوع

[مهووس الحيوانات]

مو مشكلة عطيها دود لين تلقين بدايل

طيب ليه ماتجربين تربين أكل حي ؟ صراصر أو جراد أو خنافس (بس الخنافس ماتعطينها للحربا تعطين يرقاتها للحربا)

=-=

على فكرة الحربا حقتك تاكل من حالها ولا اجباري ؟

[*حامي الحيوان*]

الحل أنه يكوون عندك مصدر أكل حي للحربااء

فا حاول أنك تربي حشرات مثل الجرااد وهو متوفر بكثرة

واخووي مهووس منزل موضوع خااص بهذا الشيء

أو أنك تتفق مع شخص يربي حشرات انك تأخذ منه كل فترة



بالتوفيق,,,

[kakahi]

مشكورين اي انا اوكلها اجباري

هل في هذا مشكله

[مهووس الحيوانات]

نعم لازم ماتتعود على الطريقة الإجبارية

حاولي تجربين حيَل عشان تاكل

و بحاول أساعدك شوي

=-=

- لازم الحربا تكون أليفة و ماتخاف منك

- في التدريب على الطريقة الطبيعية ، لازم ما يكون معك أحد يعني روحي غرفتك و طبقي على راحتك <<مثل ماكنت أسوي

- حاولي في المحاولة الأولى ان الحشرة تكون حية ، جرادة مثلاً أو صرار الليل أو يرقة (مو دودة) ويفضل انها تكون جرادة لأن الحربا تحب الجراد

- روحي عند مكان أبيض ناصع (مثلاً طاولة بيضا أو بلاط أبيض) لكن يفضل مايكون مكان وسيع لأن الحربا لما تشوفه وسيع يمكن تحاول تهرب

- اتركي الحشرة على السطح الأبيض هذا بس لو كانت جرادة أو شي ينط اكسري رجله الخلفية (الكبيرة) أول

- خلي الحربا على الأرض و قربيها من الحشرة (بينهم مسافة قصيرة وتقدر الحربا تمد لسانها بس ماتكون لازقة فيها)

- ممكن تحطين الحربا على شي مثلاً غصن أو أي شي عشان تكون مرتفعة شووي عن الأرض عشان ماتهرب

- لو ماتحركت الحشرة انفخي عليها أو دقيها الين تتحرك و تمشي ولما تشوفها الحربا بتاكلها

- لازم تكونين هادية و ماتتحركين لأنك بتلفتين الحربا أكثر مما تلفتها الحشرة

=-=

لما تصير الحربا تاكل بالطريقة الطبيعية ، انحلت معظم المشكلة
و في حال صار الحصول على الأكل الحي صعب :

فيه عدة طرق ، و ممكن انتي تبتكرين خطة عشان تاكل الحربا حشرة ميتة
كل المطلوب هو ان الحشرة تتحرك بدون ماتلمسينها ، بأي طريقة ، وهذي بعض الطرق :

1- تتركين الحشرة قدام الحربا و تكونين انتي على جنب ، و تنفخين على خفييف إلى ان تتحرك الحشرة بس حاولي قدر الامكان ان الحربا مايجيها هوا لأنه بيشتتها

2- خذي خيط نحييف ، و اربطي طرفه ربطة خفيف برجل الحشرة ، و خليك بعيدة شوي عن الحربا و حركي الحشرة من بعيد باستخدام الخيط ، الحربا بتفكر انك رحتي خلاص ومابقي غير الحشرة ولما تشوفها تتحرك بتاكلها ، و لما تاكلها لاتسحبين الخيط الى ان تمضغها تمامًا وتبدا تبلعها بس حاولي ماتسحبينه بسرعة عشان ماتطلع الحشرة من فم الحربا

3- خذي علك مأكول :D و مطيه الين يصير خيط نحييييف ، و لصقي طرفه برجل الحشرة ، و سوي مثل الطريقة الثانية ، و لما تاكلها بس اقطعي الخيط من بدايته ، يعني مايبقى في فم الحربا الا الطرف بس ، و خليها تاكله
بس هذي الطريقة مو مفضلة لأنها لما تتكرر الحربا بتاكل كمية من العلك وهو ضار لها

=-=

و ان شالله تنفع معك و يتسحن الوضع :p

و على فكرة موضوع الأكل هذا معقد و ياما حاولت و سويت و ابتكرت فيه لما كانت عندي حربا ، لأنه ماكان عندنا حشرات ، و الحاجة أم الاختراع :D

[kakahi]

هههه شفيك مصمم على اني بنت:D انا ولد(BOY):)


انشاء الله بكره اطبق الفكره بالخيط واشوف تجيب حل ولا لا:confused:


ومشكور على متابعتك للموضوع :rolleyes:

الله يعطيك الف الف عافيه

[مهووس الحيوانات]

العفوو

و سامحني حسبتك بنت مادريت انك ولد

[*حامي الحيوان*]

مشااااااااااااء الله أخوي مهووس

ما قصر

والطريقة الاجبارية مضرة لأي حيوان مع الوقت

وممكن يمووت لان حصل هذا معاي بالغوانا



بالتوفيق,,,

[kakahi]

الحمد لله نجحت الفكره ربطت له حشره ابوي بشير (ما اعرف لها الا هل اسم)*_^

[*حامي الحيوان*]

حراام عليك هههههههه

أنا هاذي الحشرة بالتحديد أحبها

ومن أشووفها بأي مكاان تجيني فرحة مو طبيعية

صدق ألي سماها أبو بشير



بالتوفيق,,,

[مهووس الحيوانات]

نجحت الفكرة ؟ و الحربا مدت لسانها و أكلت ؟؟

[kakahi]

هههههههه شسوي بعد مجبور اعطيها اي نجحت


بس الحين شريت لها حوض وحطيت فيه اغصان

واول ما حيطتها بالحوض صدت لها حشره الخنفسه السوداء وكلتها

بس اخاف تضرر منها

مع اني وكلتها 2

[مهووس الحيوانات]

الحمدلله

زين ، أجل لاعاد توكلها إجباري :)