اشتريت كاسكو لاكن العمر مجهول يوجد صور

[جاري الاتصال...]

السلام عليكم

الله يحفضكم ويحفض لكم طيوركم ويحميها من كل شر

انا الله يسلمكم اشتريت كاسكو لاكن العمر ماقدرت اقدره بالضبط والصور عندكم الان كمل عندي 13 يوم

وعندي استفسار بخصوص الكلام لانه مايصفر ولايتكلم اتوقع علشان عمره عنده تصفيره وحده بس :mad:واحيانا يجعر خفيف بس اخوكم استفاد من مواضيع المنتدى وروضه وخلاه يطلع على اليد ويصفر :12::12:

وديته لبيطري قبل اشتريه وشافه وعطاني فيتامينات لمده 5 ايام وقالي سليم لاكن عنده نقص بالفيتامينات لان ريشه متقصف وهو ماياكل فواكه او خضار ابد بس فول سوداني وحب مع انه ياكل من يدي لاكن يرمي الفواكه

ادري كثرت عليكم بربره لاكن اخليكم مع الصور وعطوني اقتراحاتكم وارائكم فيه وشكرا

ماشاء الله تبارك الله
اذكرو الله ياجماعه

http://www.gmrup.com/gmrup.com-9-2010/gmrup12843767811.jpg
http://www.gmrup.com/gmrup.com-9-2010/gmrup12843769241.jpg

[اصلي سيامي نادر]

الصور مو طالعه

[جاري الاتصال...]

غريبه طالعه عندي يمكن من اتصالك بطيئ لان حجمها كبير وتحتاج وقت لتحميل

[الكروانّ]

عمره صغير :) 9 -12 شهر

[fawzi]

عمره صغير ماكمل السنه ماشاء الله طير لونه فاتح بس ياريت لو تصوره كامل الجسم

[lll_o]

ماشاء الله مبرووووك يتربى بعزك

العمر تقريبا سنة تقل او تزيد

[البادجي الاحمر]

مبروك اخوي علطير

و عمرة صغير ماشاء الله;);)

و هاذا احسن وقت للتدريب;);)

و اصبر عليه و كيف يصفر اذا انتة مو معلمة تصفير:confused::confused::confused:

و اذا علمتة يبلش يصفر انشاء الله

و تقبل مروري


و شكرأ..

[القلب الجريح]

حلو ما شاء الله الله يخليه لك

بصراحة أنا مبتدئ ما أقدر أفيدك

بس ودي أسألك بكم أشتريته

[جاري الاتصال...]

مشكورييين حبايبي على مشاعركم الطيبه وربي انكم فلله

انا كن افتكر ان عمره 7 او8 شهور صراحه

القلب الجريح السعر مو مهم اهم شي سلامه الطير من الفيروسات والامراض يمكن تاخذ الطير ب1000 ريال وبعد اسبوعين يموت وتخسر فلوسك لان الرمادي حساس جدا

على العموم انا اشتريت ببغائي ب900 ريال من العزيزيه سوق الحمام لاكن انا جازفت يوم اخذته وخفت من الامراض عليه لانه مصيود ولامعه شهاده او تحجيل

لقيت رمادي ب500 و600 لاكن العيون صفرا كبير سن

[mr.meshooo]

مااااا شااااااء الله

الله يخليه لك

[بووسلطان]

اخوي الطير ماتجاوز 8شهور صغير مرة واذا حبيت تتاكد من كلامي بان عمره صغير ولاتجاوز 8شهور يمكن عمره 7شهور اكيد روح كذا محل عنده خبرة بالكاسكوات ويقولك هذا فرخ ماتجاوز 8شهور واسئل الخبراء عندنا بالمنتدى راح يقولون لك عمره بالضبط وانه ماتجاوز 8شهور يعني الحمدلله توفقت بالطير لكن اصبر عليه وانتبه تروض بالفترة الحالية لان الفرخ حساس جدا خله على الراحة وراح يكون اليف مع الوقت

[عاشق الأطلال]

الطير ما شاء الله تبارك الله صغير عمره ما يتعدى الثمان شهور والمصيود أفضل من الهولندي بأمور كثيرة ومن أهمها قوة المناعة عند
الافريقي ( المصيود ) فلا تخاف عليه من الامراض وفي نفس الوقت لا تهمله .

وان شاء الله تشوفه ينافس اليكس

[جاري الاتصال...]

الله يجزاك خير على الدعوه الطيبه اخوي مسترميشو

[جاري الاتصال...]

الله يسمع منك اخوي عاشق الأطلال ومشكوور على المعلومات القيمه

[جاري الاتصال...]

بووسلطان والله انك فرحتني بجد وانا بخليه يتروض على مهله بأذن الله

[كاسكـــو]

ماشاء الله لسه صغير

العمر بحدود الـ 8 شهور واضح من العين

[merit-55]

مشاالله تبارك الله

الطير حلو مثل الى معي صغير (العين) فاك من الاسود الى الرمادي

[ابو عبدالله**]

ماشاء الله تبارك الله الله يخلي لك
بالتوفيق

[3doli]

هذا عمره مايعدي 10 شهور نهائيا

[المحب للدرة]

ماشاء الله تبارك الله
الله يحفظه لك ويباركلك فية طير في قمة الجمال والاخوان افدوك في العمر ماقصرو

[SILVER LOVER]

اخوي عمره مره حلو وجرمه اكوس

و اذا ما رضى ياكل فواكه بس حب شمسي و فول سوداني

شل عنه الاكل ما تخلي عنده الا المويه شل عنه الاكل لمده 7 - 8 ساعات

وعطه بيدك ربع برتقاله بياكلها غصب من الجوع بيلاحظ ان طعمها حلو ثم عطه شوي تفاحه عنب موز .,, إلخ

واذا ما اكل بعد 8 ساعات او 6 ساعات زود ساعه واذا ما اكل زود ساعه هو مو قاعد طول اليوم مو ماكل


بيكل خصب عنه والله يوفك في طيرك ما شاء الله طير جميل

[الكاكي]

العمر 8 شهور بالضبط اذا لم تخونني الذاكره
والثوم افضل علاج قاتل للدود
والزنجبيل افضل مضاد حيوي
وبالتوفيق

[جاري الاتصال...]

مشكوورين حبايبي على المعلومات المهمه من جد

[مياه عذبة]

ميزة في هذا المنتدى فقتها في كثير من المنتديات وهي التفاعل وكثرة الخبراء والكل للواحد والواحد للكل والكل يب يفيد بأقصا قدرتة ماشاء الله تبارك الله

[كاسكووووو]

الطير فرخ عمره مناسب جدا للتلقين وعمره 10 شهور تقريبا

[I LOVE MY^_^]

مشاء الله الله يخليه لك

و الاخوان مشاء الله ما قصرو

هو من 8-12 شهر لان الطراف العين لم تبيض تمام
مع ان قد تتاخر تقليب العين

[fawzi]

اخوي مافيه اي مشكله الطير عمره 8اشهر او 9اشهر او حتى سنه ونصف الرمادي يبلغ في سن 6سنوات لاكن يفضل تربيته في عمر صغي في حدود 8 اشهر الى سنه وماشاء الله طيرك مرتب ونظيف واهم شيء انه يكون خالي من الامراض المعديه .تحياتي لك والله يحفظه لك وعقبال مايتكلم ان شاء الله

[جاري الاتصال...]

اشكر لكم تفاعلكم الطيب الي ماشفت مثله بمنتدى اخر

[جعفر السامرائي]

ما شاء الله تبارك الرحمن
الطيب جميل
وعمره سنة يزيد او يقل شهر
تحديدا عمره بين 10 اشهر الى سننة وشهرين
لكن عمره مناسب استفيد من العمر وروضه ودربه ولا تهمله
وعلمه كلمات بسيطة
بابا ماما اسمه شنو سميته خلي ينطقه .. وشوي شوي يمشي معك

مبروك عزيزي
يتربى بعزك