ممكن حل لهالمشــــكله !!

[قالا قولو]

بسم الله الرحمن الرحيم

السلام عليكم ورحمة الله وبركاته

يأخواني ويأخواتي اعضاء تو زوو

ممكن القى حل لمشكلة طيري

عندي ببغاء غيني ((تمنه))

متكلم ماشاء الله درجه اولى

بس له فتره حدود الاسبوعين ماله اي حس ولآ صفيره مع انه كان كل يوم فالصبح اطلعه السطح

يتشمس شوي ويتكلم وينبسط !!

بس هالاسبوعين الاخيره ماتكلم ولا حتى صفر افيدوووني جزاكم الله خير

مع العلم اني كنت افكه بالغرفه ولايبقي شي الا قطعه او شقه خخخخ

مستني ردكم .. !!

[عازف أورج]

وعليكم السلام ورحمة الله وبركاته
ماعندي خبرة افيدك فيها لاكن الله اعلم ان كان الطير ينام كثير يا انه يكون معاه خمول او عنده مشكلة تنفسية حاول تروح صيدلية بيطرية يكون الدكتور الي فيها جيد ممكن يعطيك دوا
وانشالله يكون مافيه شي
تقبل مروري:)

[قالا قولو]

الله يعطيك العافيه اخووي عازف

وشرفني مرورك وبحاول مع ان الطير صح فيه خمول

بس هل الفيتامينات تساعد ؟؟

[ابو التواريخ]

طيرك يمكن يمر بمرحلة قلش
أو يمكن يكون زعلان
أو يكون لا سمح الله مريض

[ابو التواريخ]

بس هل الفيتامينات تساعد ؟؟
على حسب نوع المرض
أنت خذه للبيطري وهو يعطيك له علاج و أغلب الظن إنه راح يعطيك مضاد بودرة تحطه له في الماء ويصير لونه قريب للأصفر بس ناسي اسمه وسعره في حدود ال15 ريال

[قالا قولو]

ابو التواريخ الله يعطيك العافيه على مرورك بس الطير عيونه بيضا هل يقلش بهالعمر ؟؟؟

والصراحه اني كنت حابسه بالقفص لي فتره ولآ هو كان متعود على الجلوس برى القفص ..!

[ابو التواريخ]

أي بغبغاء يقلش في السنة مرة بغض النظر عن العمر حتى لو كان عمره 100 سنة
والأفضل بما انك تقول إن معاه خمول تاخذه للبيطري على الأقل تتطمن عليه

[SILVER LOVER]

اخوي اتوقع قلت نوم للطير

يعني نومه لمدة 8 ساعات على الاقل

في غرفه متوسطه درجه الحراره يعني مو بارده مره ولا حاره مره

وخله في ضلام ومن بعد صلاة المغرب إلى الفجر

وشوف اذا صار نفس الشي فرح للبيطري يمكن داخله برد

والله اعلم

[قالا قولو]

الله يطمن قلبك با ابو التواريخ ويعطيك الف عافيه

وان شاء الله بوديه البيطري

[قالا قولو]

سلفر الله يعطيك العافيه على مرورك

بس الطير عشره <~ يعني من زمان عندي ومتعود على نظامي

بس لي فتره حابسه بالقفص

شاكرك على مرورك

[SILVER LOVER]

طيب مو مشكله خله اليوم ينام

وشوف بكرا اذا ما ضبط الوضح

مثل ما قلتلك يمكن برد و اذا ما ضبط مالك الا البيطري

والله يشفي طيرك

[قالا قولو]

اللهم امين


وشرفني مرورك يالغالي

[SILVER LOVER]

ونسيت اقولك اذا نام وهو على حاله ما تغير طلعه من القف وخله يطير و يلعب

واذا ذابل

البيطري بس اسأل اول عنه وشوف ايهم البيطري الزين واذا تبي بيطري كلمني على الخاص

ولاكن اذا نومته و اذا لعبته وما ضبط وده لا تستعجل

[قالا قولو]

أخواني اعضاء المنتدى الكراام

بالنسبه للمشكله اللي قلتها لكم هنا بالمنتدى

الطير طلع مريض عنده ((التهـــــــاب رئوي)) <~ بعد معاينت احد الاخوان الله يستر عليه

المهم قبل اروح للبيطري كنت اعطيه ثوم اغليه له واحطه مع المويه <~ مشوره

بعدها وديته البيطري د/اسامه واعطاني مركبات السلفا +مضادات حيويه والحمدلله الطير في تحسن

وشآكر لكل من ساعدني

:freind: