سؤال عن الكاسكو لاتبخلوا علي بالإجابه

[ام ماجد]

انا ابي اشتري كاسكو

شالفرق بين الافريقي والهولندي
ومن فيهم اللي محجل ؟؟

وكم سعر الكاسكو المحجل بعمر 6 الى 9 شهور اليف .. بمحلات الرياض ؟؟



انا اتصلت على محل قالي 1500 وبعد اسبوعين قال 2400 ويوم سألته ليش قال في اختلات ؟:64:





انتظر ردوووووووودكم

[SILVER LOVER]

اختي شوفي

الهولندي افضل من الافريقي بحجمه وجرمه ووقفته ونضافة ريشه ( وهو المحجل )

الافريقي يتميز بـ مناعته القويه وانا اتوقع وجهة نضر ان الافريقي المصيود اذكا من الهولندي وجه نضر

و الهولندي مناعته ضعيفه وهو من يفقس وهو متربي مع البشر

و يكون اليف جدا ولاكن الافريقي لا يجاعر ويصارخ و متوحش

الا اذا ولفتيه

بالنسبه للأسعار

الافريقي من 600 - 1300

ويرتفع على حسب :

نضافة الريش , الكلام , الولافه , الجعير

الهولندي الدفع توصل فراخ ولاكن الاسعار من

1700 - 2200 ريال

وانا اقولك اشتريلك افريقي

[ام ماجد]

طيب ممكن صور ابي اعرف اشكالها

[SILVER LOVER]

نفس الشي بس

هذي صور وهذي صورة طيري الهولندي :D


http://www.2zoo.org/get-9-2010-2zoo_org_2ziblh71.JPG (http://www.2zoo.org)

وهذا الحجل

http://www.2zoo.org/get-9-2010-2zoo_org_dqly1t7v.JPG (http://www.2zoo.org)

وهذا الافريقي

http://www.2zoo.org/get-9-2010-2zoo_org_yzpxy4l1.jpg (http://www.2zoo.org)

[لقلوووق]

اختي هو نفس الشي ونفس السلاله ونفس الاصول على قولتهم

لكن مثل ما ذكر لك الاخ الهولندي يكون تربية مزارع وبما انه تربية مزارع يعني اشخاص يعتنون فيه من الصغر عشان كذا صار اليف وما يصرخ ولا يعض ومشكلته يبي له عناية وحرص اكثر وخصوصا من ناحية المكيف والاشياء هذي لانه ما تعود على التقلبات الجوية خصوصا ان مناعته مهيب قوية لانه ما كان ياكل الاكل اللي في الطبيعه
وسعره 1700 الى 2000 فرخ
الافريقي اللي يجي مو محجل يكون غير اليف لانه مصيود ويعض ويصارخ(يجعر) لكن مناعته قوية بسبب غذائة الطبيعي وهو صغير بس يبي له صبر لمدة وقدرهاا لكن بتحسين بالفخر اذا كنتي شجاعه وقريتي للاعضاء اللي بالمنتدى طرق الترويض زي ما انا اسوي قدرتي تروضينه وهذا سعره من 900 الى 1200 فرخ

وانتبهي من الغيني لا تاخذينه يكوون عنيد جدا

وانصحك تاخذينه من سوق الحمام بالرياض والله يعينك على المشوار بس بتلقين هناك 20 محل بمكان واحد وجميع اغراض الطيور من اقفاص واستاندات واكل والعاب باسعار ارخص من اي محل ثاني بالرياض

واسف على الطاله

[SILVER LOVER]

صورة للافريقي ثانيه

http://www.2zoo.org/get-9-2010-2zoo_org_v9fulyof.jpg (http://www.2zoo.org)

[SILVER LOVER]

مناعته مهيب قوية لانه ما كان ياكل الاكل اللي في الطبيعه ,,,,,,, مناعته قوية بسبب غذائة الطبيعي
واسف على الطاله

اخوي بالنسبه للمناعه هو مو اكل طبيعي ولالا

هو الهولندي يوكلونه من الطبيعه ولاكن

مناعته ضعيفه لأنه ما اكل من فم امه من حوصلة امه

من مناعة امه عكس الافريقي المصيود

يكون ماكل من فم امه من حوصلتها وياخذ مناعتها

وشكرا على المعلومات الي نفس كلامي :D

ودي

[ام ماجد]

مشكورين اخواني على الافاده ماقصرتوا


بس كيف اعرف الغيني علشان ماانغش ؟

[SILVER LOVER]

الغيني معرووف مرره بعد

يكون اصغر حجم و اغمق لون الريش و اغمق بلون ريش الذيل يكون عنابي غامق

و لاكن بالنسبه للذكاء الغيني و الافريقي سوا بس الافريقي يحفض اكثر

ولاكن الغيني عنيد بالتدريب ولاكنه يتأقلم على المكان اسرع وهذي صوره له

http://www.2zoo.org/get-9-2010-2zoo_org_f240kwnt.jpg (http://www.2zoo.org)

http://www.2zoo.org/get-9-2010-2zoo_org_nov6czcy.jpg (http://www.2zoo.org)

وانا بالنسبه لي انهم سواء ولاكن انا عندي الغيني جميل جدا

ولاكن لا ينافس الافريقي

وسعره من 200 - 700

واذا كان يتكلم يكون سعره 1000 - 1300

[ام ماجد]

مشكوووووور يااخوي على مساعدتك
جزاك الله خير والله يوفقك

[SILVER LOVER]

آمين والجميع واي سؤال انا حاضر واذا انا مو موجود

الشباب مو مقصرين

[ام ماجد]

من طيبك والله تسلم ويسلمون الجميع

[abadi75]

اختي ام ماجد حتى لو كان اختيارك الافريقى المصيود حاولي يكون ايضا فرخ في كل الاحوال وذلك من لون العين

[ام ماجد]

ان شاء الله وشكرا على الافاده


طيب كم اسعارها من ناحية سوق الحمام او المحلات العاديه
يعني كم اغلى سعر توصل ؟

[SILVER LOVER]

اختي ام ماجد

المحلات ياخذون من السوق و يبيعون دبلين السعر

يعني المحلات اغلا

وسعرهم مثل ما قلنالك في الصفحه الاولى

بس اذا جيتي تاخذين شي لا تاخذين الا من سوق الحمام

اذا لقيتيه غالي ما راح تلقي ارخص منه

و الاسعار الي بالصفحه الاولى سعر السوق

[ام ماجد]

المشكله اني مب من الرياض وانا كلمت محل يوصل لي بمكاني لكن سوق الحمام مااظن بيوصل

[SILVER LOVER]

طيب الشرقيه ارخص من ارياض واذا من جده نفس السوق

[ام ماجد]

المدينه اللي انا فيها مايوجد وابي اطلبه

[SILVER LOVER]

والله المدينه غالي على حد علمي

ولاكن ما ادري سيري على الرياض ولا الشرقيه وروحي لم سوقهم

[abomeshall]

اخوي salfr lover

ماشاء الله عليك كفييت ووفيت وقلت كل اللي بخاطري ومعلوماتك وافيه والله يعطيك العافيه

ملاحظة بسيطة الاخت ماهي من المدينه المنورة بس تقول المدينة اللي هي ساكنه فيها:12:


<<<<<< لا تدقق :freind:

[SILVER LOVER]

اخوي salfr lover

ماشاء الله عليك كفييت ووفيت وقلت كل اللي بخاطري ومعلوماتك وافيه والله يعطيك العافيه

ملاحظة بسيطة الاخت ماهي من المدينه المنورة بس تقول المدينة اللي هي ساكنه فيها:12:


<<<<<< لا تدقق :freind:


:D

طيب خلاص برضو سيري على الرياض :D

[ام ماجد]

اي ماني من المدينه :D

برضو ماعندي احد يروح الرياض مالي الا التوصيل من المحلات واخاف تغشني:64:

[ام ماجد]

طيب ممكن اررقام محلات بالرياض عندها الكاسكو


الإفــــادة عن طريق الخاص