مشكله ابيلهـآ حل !!

[Gamra]

بسم الله الرحمن الرحيــم

السلام عليكم و رحمة الله و بركـآته


يا اخوان ابي شوركم انا عندي انثى درّة مطوّقه
شريتها يمكن قبل حوالي السنه وباين انها صيد لأن اول ما شريته
ريشه منتف و مو كامل وطبعا موب اليفة
وبحكم اني بالقصيم ومافيه محلات تبيع هالانواع مالقيت الا ذي
شريته كبيره عشان الانتاج لأن كان عندي ذكر
الذكر الحين طـآر
مشكلتي الحين به
وجوده عندي مثله مثل الجدآر
ما تصفر ابدآ و خوآفه بشكل
وجربت معه كثير من اساليب الترويض بس اعند منه ماشفت
و اخاف اجيبله ذكر بس ماتنتج لآنه قعدت مع الي طار حوالي الثمان شهور بدون فايدة
ولو ببيعة مانيب كسبان منه شي
فكرت اني اطلقه تطير بس ريش شكته يطيح و جنحانه موب كامله ولا تقدر تطير

ابي شوركم وش اسوي به كل ماشفته ضاق صدري :(

[Gamra]

لا إله الا الله ..

[SILVER LOVER]

والله وانا اخوك هذا شي يراجعلك

اذا انت تقدر تولفها ولفها واذا ما تقدر

رح لمزرعه فيها اكل و مويه

واطلقها وتنتج هناك اذا كان فيه ذكر

واذا تعرف احد يولفها لك ولا اطلقها

[عاشقsoso]

انا من القصيم ومستعد اوولفها لك وتجيك زي الحمامه

وهذا رقمي 0566514687((ابوعبدالله))

[SILVER LOVER]

يالله جاك اول متطوع يا حضك

[المألوف]

.


الدرة اذا عمرها تحت السنه والنصف تكووون سهله في التوليف جدا ً و تصير زي الحمامة ولا تعض بس يبغالك شوية صبر و تجلس معاها في اليوم ثلاث جلسات الصبح و الظهر و العصرية ، وتوكلها تفاح و لا حب دوار الشمس
لين تصير تحبك و اما العض حط على يدك عسل وبتلحسه كله مرتين ثلاث بعدين تصير تحب اصبعك وتلحسه لو ما كان عليه شيء ..،

[Gamra]

ربي يجزآكم الف خير يا اخوان ما قصرتو

و ان شاء الله بكلمك قريب ابو عبد الله .

[مجننهم]

والله لو انت بمكه اعطيك هيا اخرجها لك الشارع بدون قفص ماتطير ولا تفكر حتى بالطيران

ومابي منك شي بس اه لو انت بمكه

[عاشقsoso]

وياااك ياارب

بس ارجال الا الحين ماكلمني

اخوي Gamra
ايشي تبغاه هذا رقمي فووق ؛؛×<< شكلك من القصيم