قطتي اصبحت شرسه معي :(

[لولي100]

السلام عليكم ..
انا عندي قطوه من لما كان عمرها شهرين واهي عندي وحالياً عمرها سنتين وشوي
وتزاوجت مرتين عندي وعيالها عندي وحبوبه معنا وكل حاجه ومره هاديه وماعمرها مشختنا مشخ واحد ..

المهم
حالياً عيالها عمرهم شهرين ونص
وامي مره واهي تشتغل بالبيت دخلت وحده من عيالها تحت اسفنج السرير وحطت امي الاسفنج عليها واهي ماتدري انها تحت طبعاً وماوت شويه القطوه الصغيره تحت الاسفنج وعلى طول امها عضت ساق امي بقووه ومشختها ونزل دم كثير من امي :(
ومن يومها واهي صايره شريره معنا
يعني ماتخلينا نشيلها ولا نلمسها حتى عيالها اذا قربوا منها بخت في وجههم :(

علماً بأني معطيتها الابره حقت تبع منع التزاوج من شهر تقريباً
ما ادري هل لها دخل في الموضوع او لخبطت هرموناتها وصارت شرسه ولا ايش ..؟؟ :(

امي فكرت تبيعها بعد هالحادثه :(

فهموني بس ليه تغيرت هيك :( ..؟؟

[اذكروا الله]

اول شي : ســلاماات امك والله يشفيهـا
وثإأآنــي شــي .. احتمال كبير من الابـره انتي وديها البيطري وشوفي وش فيهـا ..؟!

[لولي100]

الله يسلمك

بوديها بس احس راح يقول لي ما ادري وش فيها :(

المشكله قبل كنا نمسك عيالها ونعطيهم ادويتهم ويماوون في يدينا وتشوفهم وماتعمل لنا حاجه
حتى وانا احممهم ماتعمل لي حاجه ابداً :( ..

[اذكروا الله]

إأآهـا والحين وش تسووي ..؟!
لا انتوا فهموا الدكـتور وش صار لكم ولاتنسين تقولي له انكم اعطيتوه ابـره
والله يشفي امك والقطه يارب

[لولي100]

ماتسوي شي هاديه بحالها كالعاده يعني وتاكل من يدينا عادي بس اذا شلناها تصير ميبسه وتماوي يعني حطوني :)

[-_-خالد-_-]

حالو ماتعطيها الاكل الى اذا جت على رجلينك اذا ماجت على رجلينك لا تحرمها من الاكل وحاول ماتجي فيك ريحت برتقال او ليمون لان القطاوه ماتحب البرتقال ولا اليمون
وحاول ماتشيلها بقوه

وفيه بخاخ اسمه الكات نيب بخ على منديل بخه واحده وتمسح انت بل منديل الي بخيت عليه
وهاذي صورت البخاخ

http://www.bitsforpets.com/images/johnsons-catnip-spray.jpg

انشاء الله افيدك

[king zoo]

يعني ماتخلينا نشيلها ولا نلمسها حتى عيالها اذا قربوا منها بخت في وجههم
اختي الكريمه..
عياال القطه صار عمرهم شهرين ونص نفس ما قلت يعني الأم راح تتخلى عنهم
ويمكن اذا تبي تتزوج ثاني مره انصحك تشيل عنها عياله لفتره بعدين رد لها عشان تنساهم
وهذي الطريقه مجربه وانصحك فيها
القطط صار عمرهم شهرين وكبرووو وهذا يمكن اثر على نفسيتها
نفس ما قلت لك ابعد عنها عيالها لفتره وبعدين جيبه لها
وبالنسبه ليش عضت امك يمكن شافت في خطر على عيالها وعضت
اتبعي نصيحتي وان شاء الله ما يصير ال الخير بأذن الله
بالتوفيق ^_^

[محترف القطط]

لازم تشيلي عيالها خليهم فترة بعيدة عن امهم

[لولي100]

خالد راح احاول واشوف هالبخاخ شي جديد علي بجربه

[لولي100]

كينق زووو
اهااااا نحاول نبعد عيالها بس مدري وين نوديهم :)

[لولي100]

محترف القطط كمان راح اجرب ابعدهم

[king zoo]

كينق زووو
اهااااا نحاول نبعد عيالها بس مدري وين نوديهم

خليها عند واحد من اقربااءك لفتره وبعدين جيبها
او وحده من صديقااتك خليها عندها لليين ما تنسى الأم عيالها
بالتوفيق ^_^

[لولي100]

انا ناويه ابيعهم اصلاً
بس للحين مالقيت مشتري لهم
واغلب اقربائي عندهم حساسيه من القطط ..
بس بشوف لهم حل سريع :)