عآجل>> أرنوبتي ربت .. بس؟؟

[yes_lol]

السلآم عليكمـ ..

بدش ف الموضوع ع طوول:12:

أرنوبتي ربت أمس الصبـح ويآبت 5 أرآنب صغيرونة
بس مآ اطيع ترضع عيآلهـآ وو ادوسهم بعد لمآ تمشي

للعلم أنآ محطيتنهـآ فقفص و حطيت كرتوون ف الأرضية عسب مآ تعلق ريلآتهم دآخل الحديد
وو يبت قطعة قمآش في زآوية القفص و حطيت العيآل عليهم
وخليتهم ف القفص مع أمهم

وقت العصر لبست قفآزآت ومسكت الأم و حطيت العيآل يرضعوون
بس مآ أحسهم يشبعوون :(

اممم بعد تذكرت شي.. الأرنبة لمآ "عزكم الله" بآلت طلع مع بولهآ دم مرتين
فالمرة الثآنية شفتهآ لحست منه.. مع أني موفرة لهـآ المآي النظيف !!

قريت أن فول الصويآ زين للأرآنب المرضعة..
بس لآزم أطبخهـآ للأرانب..؟؟ لأني عطيتهـآ نيئة مآكلت منه شي ><

[احلى ارنوبه]

يالغاليه الف مبروك عالبيبيز
واتوقع انه الارنوبه ترضع صغارها مره وحده وتكون بااخر الليل اواول النهار
انتي خليهم بزاويه القفص عشان ماتدوس عليهم وهي تمشي ولكن لاتزعجينها ووحطي لها حبتين خس او جيبي لها بطاطس نيه تريها حلوه لها واكليها بيدك ووفري اكلها وشربها دايما
واذا ببتاكدين ان الصغار امهم ترضعهم شوفيهم اول ماتصحين من النوم اذا كانت لهم كرشه صغيوره فهم راضعين واذا لا الله يعينك على ارضاعهم لانه مو دايم يعيشون
وربي يوفقك يالغلا

[mkdsh]

القفص كآن اول لأرآنب ثآنيه..؟

[yes_lol]

أحلـى أرنوبة
الله يبآآرك في حيآتـج الغآلية.. عقبآآل أرنوبتج ^^
تقصدين أعطيهـآ بطآطـس و لآ بطآطآ حلوة "فندآل"..؟؟
اممـ.. مآعرف لو ترضعهم و لآ لآ.. ونآ أخآفهم يموتون
فلما الأم تنسدح أمسك وآحد واحد منهم و أخليهم يرضعون منهـآ

mkdsh
هي كآن فيه أرانب ثآنية بس من شهوووور
بعدين طلعتهم و خليتهم كلهم مع بعض...

بس مآظن يكوون هالسبب.. لأني احينة لمآ أطلعهـآ منه ترد و تدخله بروحهـآ

[ساكورا _ فيو]

حسبتك تقولي بالعنوان ربت بس (قط) ههههههه

اهم شي ما تزعجوها لأن احتمال تاكلهم من الخوف

واهتمي بصحتها

ولا تلمسي الصغار مهما كان ولا تغصبيها ترضعهم الا لما تأيسين

واتمنى تلقين مواضيع تفيدك ^^

سسلام

[احلى ارنوبه]

اسفه ياعسل لاني تاخرت
اقصد بالبطاطس البطاطس العاديه مو الحلوة لاني ماقد جرربت الحلوه ابد
وااما اذا بتعرفين الارنوبات الصغيرات ترضع حليب اول ماتصحين الصباح روحي شوفي لها اذا امهم مرضعتهم بتكون لهم كرشه صغيره ومبينه بطونهم اما اذا هي ماترضعهم بيكون بطونهم مختفيه وباين قفصهم الصدري
لكن الافضل تخلين الام ترضعهم لانهم ماراح يكونون اول خلفه لها وبعدين راح تتعبين لان الام بتكون ماتعودت تهتم بالصغار

[yes_lol]

سآكورآ_فيو
ههههـ ..
ان شآلله مآرآح نزعجهـآآ
ثآآنكس الغـلآ ^^

أحلـى أرنوبة
عآآدي حبيتتي نو بروبلم ^^
عطيتهـآ البطآطس و فعـلآ حبته أكثر من الخس بعـد ^^

مآقلت لـج.. مآت 2 من البيبيز :(
بقـوا 3 بيبيز.. و ان شآلله بأهتم فيهـم لأني اكتشفـت أن أمهم مآ ترضعهم
سويت اللي قلتي لي عليه وجيكت عليهم الصبح شفت بطونهم دااخلة

واحيينه أمسكهـآ و أخليهم يرضعوون لأني مآأبآ أفقدهـم 3>

تسلمييين الغـلآإ.. وآإيد فدتينـي ^^

[ساكورا _ فيو]

بسألك سؤال

هي كانت منحينها بالقفص يعني ولدت فيه

ولا ولدت برا او في قفص ثاني وانتي نقلتيهم ؟؟

[yes_lol]

لآ ولدت في نفس القفص

=)

[احلى ارنوبه]

ياقلبي انتي عادي البيبيز يموتون اذا امهم مو مهتمه فيهم وانتي اكيد ماتقصرين
بس لاتشيلين هم راح تتعبين والارنوبه شهريا بتولد
انتي خوذي بالاسباب الي خلتها ماتهتم بالبيبيز يمكن المكان مو هاديء والا احد مزعجها هي
ولاتخافين من مووت البيبيز لان كل واحد راح يعطيك خبره اكثر
الاكل انا افضل لهم البرسيم الجاف هذا تبع الاغنام لاني ابوي يجيب لي من عنده والمكعبات مع الشعير انا اخليه دايما عندهن بكميات لانهن احيانا يخربن المكان
والبطاطس والجزر والبقدونس اعطيهم اياه فتراات بس يعني زي المكافاه والتغييير
وربي يوفقك ونشوف صور البيبيز ان شاء الله

[ساكورا _ فيو]

اهاا يمكن زي ما قالت ارنوبه

احد مزعجها ولا مثلا اطفال متجمهرين ويحاولون يشوفون

يمكن احد لمسهم بدون ما دريتي

بس ماراح تقدري تعتني فيهم اذا امهم ما اعتنت فيهم من الاصل

حاولي بس اذا ماتوا ما عليك هي كل شهرين بالكثر تولد

والله يعوضك

اي صح نسيت لازم م يكون القفص فاضي لازم شي تولد فيه

يكون زي الجحر لها ما ينفع تولد على القفص اكيد بيموتوا

ويمكن الام حست مو عايشين قالت ليه اتعب نفسي

وحلو نتعلم من اخطائنا ق0

[yes_lol]

أحلى أرنوبة
أنآ محطيتنهـآ في البلكونة المكآن هادي بشكل عآم
بس شي حشرة من السيآرآت اللي السيآيرة و رآدة لكن هي أوردي متعوده عليهـآ

ومن نآحية الأكل أعطيهـآ خس، خيآر،جزر،تفآح،رمآن،بطآطس ضفته حآليآ ^^
وأحيـآنآ خبز و شعيـر ..
البرسيم و المكعبآت مآقد عطيتهـآآ.. بشووف لو حصلت بيييب لهـمـ

صورت البيبيز بالموبآيل بس أحس الصورة مو وآضحة وآيد.. بآجر ان شآلله بنزلهـآ


سآكورآ_فيو
لآ لآاا قصيت على اليهـآآل أونه بتعضكم لو ييتوآ صوبهـآآ ههههـ
صح كلآمج اهتمآم أمهم غير بس بنحآول والله كرييم

للأسف مآقدرت أوفر لهـآ نفس الجحر.. بس قفص عآدي و فرشته بكرتوون

تسلمووون حبآيبي ع المتآبعة..
ربي يحفظكمـ =)

[MR.Fahd]

الرضاعة ترضعهم هي لوحدها ما يحتاج تتدخلين

اما بالنسبة للدم فهذا طبيعي لانها ولدة :)

[yes_lol]

مشكوور أخوي مستر فهـد ع الرد ^^

و البييبيز كبروآ مآشآلله و حطيت صورهم ف المنتدى =)

هذآ اللنك لوحآب تشوفهمـ ^^"

http://www.2zoo.com/vb/showthread.php?p=1758678#post1758678