انا متعقد من عضات الطيور

[ولد الحلال]

السلام عليكم

انا خديت لي طير كوكتيل هو صغير يعني عمره 5 او 6 شهور


انا بصراحة متعقد من الطيور من يوم انا صغير كنت اخاف من عضاتهم مع اني كنت اخليهم على يدي بس من صارو يعضوني تعقدت وصرت ما امسك الطير الا بقطعة قماش سميكة شوي حتى لا تأثر فيني العضة :shy:

بعض الاحيان لمن اشوف احد اصدقائي حط الطير على يده او في قفص اروح امسح على راسه عادي بس ما احطه على يدي ولا ادخل يدي داخل القفص انا لي رغبة اني اتعود عليهم واني اخليه يركب على يدي بس بصراحة متررد ومتخاوف من العض وبختصار ومن التعقيدة الا فيني :(


ياريت احد يساعدني جزاكم الله الف خير

[الكروان الصغير]

إخوي انت فكر شنؤ الخوف ما راح تلقى شي يخوف
بس انت صير حنون على الطير و قول في نفسك
أنا ما أخاف شنؤ السبب إلي يخليني أخاف عضه طير شرس
وان شاء الله تتحسن
تقبل مرؤري
تحئاتئ لك و للجميع

[ولد الحلال]

تسلم اخوي الكروان الصغير

طيب كيف اخلي الطير يتعود علي

هل هناك حل ؟

[الكروان الصغير]

شوف حبيبي انت كل يوم عطه أكل وماء
واذا كان شرس حاول تقرب ايذك منه شوي شوي
إهو يبطل فمه يحاول يعضك إذا طولت لمده دقيقه يصكر فمه وكل يوم سو الحركه هذي
و احرمه من الساعه 7 الصبح الى الساعه 3 في العصر و دخل أيدك وحط الطعام في أيك
إهو يكون خايف بس. شوي ش راح يتعود عليك لمده سبوع
وان شاء الله يتعود عليك
تقبل مرؤري
تحيائ لك و للجميع

[ولد الحلال]

تسلم يا الغالي وما قصرت وان شاء الله راح اجرب

وراح اجهز نفسي للعض

تسلم اخوي والله يعطيك الف عافية

وبتوفيق

[الكروان الصغير]

والله إخوي احنا بالخدمه انت أمر وأنا في الخدمه
تقبل مرؤري
تحئاتئ لك و للجميع

[و ه بس]

افاااا الحين البناااات مااابخاافن من ااطيوور وانت يالرجاااااال تخاااااااااف افاااااااا

^_^ لأيزعلن البناااااات

[ولد الحلال]

اانا ما اخاف منه بس عضته >>> شنو الفرق ههههههههههه

انا عادي امسكه وكذا بس مادري ليش ما احب اخليه على يدي

بس بحاول وامري الى الله ):

[ولد الحلال]

حبيت استفسر

عادي الكوكتيل يأكل فلفل اخضر الحار ؟؟؟

يعني عادي اعطيه ابيه يصارخ هههههههه على شان يتكلم هههه >>> اخاف يموت

[الكروان الصغير]

أي حبيبي عادي بس خله مع الحبوب
ويصارخ
تقبل مرؤري
تحئاتئ. للجميع

[ولد الحلال]

تسلم يا الغالي وما تقصر بصراحة فدتني اكثير اليوم

وشنو اكلهم المفضل غير الحبوب >>>> ناوي عليه اليوم

[عاشقة الظلام]

احين انت ويش كبرك تخاف من عطة كوكاتيل تراها ما تعور بس اذا جتك شديدة يطلع منك الدم
واذا خايف على عمرك البس قفازات

[ولد الحلال]

تسلمين وما تقصرين والواحد يعني ما يخاف على عمره ههههههههه

بس لا تحاتي تعود علي اشوي وبكرة وعدني انه يركب علي يدي اليوم خلني بس امسح على راسه

[اذكروا الله]

حرام عليك لاتعطيه فلفل حــاإأأآر
وصلك بك تعطيه عشان يتكلم واصلا الكوكاتيلات مايتكلموا الا نادر جدا جدا

[mst]

ههه مسكين ياخي
شوف اهو صح بيعضك
بس راح تتعود وانت ملاحظ موو ؟

[ولد الحلال]

اذكرو الله

انا حطيت له فلفل كم يوم وتمللت الحين بس حبوب وياكل وينام مادري اشفيه
واذا حس بالجوع يقعد يصافر ويزعج البيت

اخوي mst

اتصدق انا امسح على راسه والعب في ريشه كل يوم افتح له الباب القفص ويقعد يلعب
ولمن يشوفني فاتح باب الغرفة على طول يصافر لي يناديني على شان العب في ريشه

اتصدق للحين ما حطيته على يدي ههههههههههههههههه مادري اشفيني معاهم
مع اني العب بعض الاحيان في منقره اوووووووووف بجد تقعدت

[لؤلؤه المحيط]

كروانتي كانت شرسة اول ما جبتها بس الحين اخف شوي
اعمل زي ما انا عملت جيب الماي والطعام وقدمهم لها باستمرار
واقضي معاها وقت علشان تتعود عليك ونشالله بتتروض معك >>> عن تجربة :)

[<عبود>]

حط في صبعك عسل وخلة يلحس بعدين بيبطل عغضضض

[ولد الحلال]

الكروان الا عندي اليف يمكن اهو خايف اشوي بس اليف اهو بنفسه يجي جنبي :freind:

بس مشكلتي انا مش متعود امسكه واخليه على يدي :shy:

بس جالس العب براسه احك راسه بس :freind:

ودي مرة احطه على صبعي بس متردد ومادري ليه :confused:

[ولد الحلال]

المسألة مو عضة يا استاذ عبدالله

المسألة انه اخليه على يدي

[kha6ab]

ياخوي لاتخاااف
تراه مايعض لانه اصلا منقاره صغير وحاول انك تحط كف السبابه على منقاره عشان مايمديه يعضك ولاتخاف وبعدها على طول امسح على رقبته باصبعك .. وبعدين دق وحك منقاره بظهر ظفرك .. بشويييش
عشان يعرف انك ماتخاف من عضت منقاره

وعيد الطريقه كم مره .. واليوم الثاني نفس الشي ... وصدقني راح يرتاحلك ومايجي يومين ولا 3 ايام بالكثيييير ويصير كل مايشوف اصبعك على طول ينزل راسه عشان يبيك تحك وتمسح على راسه :D



و بخصوص انك تخليه على يدك ... مافهمت ؟ .. انت الي خايف ولا هو ؟؟ :D

[<عبود>]

المفروض هو يخاف من مو انت تخاف منة
تشجع وثق بنفسك وحط اصبعك جمب رجلة وخلة يركب
وبعدين تكو تغلبت على خوفك

[ولد الحلال]

اخوي kha6ab

ترا انا كل يوم امسح على راسه لان من يجونفي يسوي لي اصوات على شان اروح ادلعه اشوي
كل مرة يشوفني ينزل راسه لي :D

بخصوص السؤال الا قلته .......... لا تعليق :shy:

اخوي عبود
انا مادري اشفيني معاهم اهو مو خوف لان انا كل يوم العب معاه والمسه بس المشكلة ما احطه على يدي مو متشجع مدري ليش كل ما احاول احط ايدي اتردد :confused:

[kha6ab]

ماعليك ترا اظافره ماتعور .. ولا تحس فيها (:

[ولد الحلال]

طيب اخوي kha6ab

راح اجرب وامري الى الله ههههههه ،^^

[عاشق الكوكتيييل]

والله ياخوي

اذا كنت تخاف من العض مالك الا تشتري لك فرخ وتفك روووحك من عضاته رغم ان العضات ما تألم انا امسك طيوري بدون قزاف احيانا ويعضون وما يألمني وااجد

يعني خذ لك فرخ صغير وفك روووحك من كل هالعض

أجمل تحية

[kha6ab]

بشرنا وش صار :88:

[ولد الحلال]

بيني وبينكم حاولت اني ادلعها وامسح على راسه

وبعدين خديت لي قفاز يد ابي يركب على يدي اشوفه يعضضني هههههههههه >>>> ينهر اسود ):

وفوق كل هالتعب ما رضى يركب على يدي

[ولد الحلال]

شباب من يقدر يساعدني ):