تسجيل الدخول

مشاهدة النسخة كاملة : يـستاهـل الاربع الاف ولا لا تكفوون ردوا مستعجـل !

اذكروا الله
23-09-2010, 02:40 AM
السـلام عليكـمـ
اليـووومـ رحت سوق الطيـور ولقيت كاسكو اليف جدا بس تمــد يدك يجيك على طول عشان تمسح عليه ويتكلم بعــد ..؟!
يستاهـل اربع الاف ولا لا ,..؟!
وهل القـى بالرياض مثل مواصفاته بس ارخـص ....؟؟؟؟!
ونسيت اقول الكاسكو كان نحيف شوي وانا خايفه يكون فيه مرض وابتلش فيه ..؟! :D:mad:
ابوعبدالله1
23-09-2010, 03:22 AM
على حسب الكلام اللي عنده اذا كان جمل طويله يستاهل
وبرضه على حسب جرمه
كاسكووووو
23-09-2010, 05:18 AM
على الكلام اذا كلامه واجد وعنده حركات يستاهل بس 4000 تجيب بلوفرنتد أليف ويتكلم كم كلمة
كاسكـــو
23-09-2010, 05:20 AM
الببغاء يرتفع سعره اذا تكلم وهو على حسب الكلام هل هو كلمه كلمه او جمل طويله

بالنسبه للكاسكو اذا اليف مره ويطلع عاليد بدون كلام مايتعدأ الـ 1500 بس اذا تكلم يزود على حسب كلامه

مدري الببعاء اللي بـ 4000 وش عنده ياليت وصف اكثر ودقيق عشان نقول اذا مناسب السعر او لا
اذكروا الله
23-09-2010, 12:18 PM
هو يقـول : الله اكبــر و ياواد والسلام عليكم وكلمات ثانيه
واليـف جدا ,,, حتى بس اذا شاف يدك قربتــها من القفص على طول يقرب راسه عشان تمسح عليـه
_
بس الشي الي مو زين فيه انه نحيــف وبعـد انا خايفه انه مرضان لان عندهم 3 ببغاوات كاسكو مريــضه ماتفتح عيونها مطلعينها برا وانا خايفه يكون المرض انتقل له بس مو باين ..؟!


__
طيب ياليت تفيدوني بالرياض كم سعر الكاسكو الاليف مره ويطلع على اليـد ويقول كلمتين او ثلاث ..؟!
مفقود رغم الوجود
23-09-2010, 12:30 PM
اذكر انه المحل اللي اشتريت منه الدرة

كان عنده مجموعة كاسكو وكان واحد فيهم اليف جدا جدا
وكمان كان يتكلم ... وسعره كان 3000 ريال وكان يكاسره واحد بالسعر
وصله ل 2700 ... وكانت صحته كويسة

******
ابو يـزن
23-09-2010, 12:37 PM
يعتمد على عمر الطير
وصحته
وجرمه ( حجمه )
ذكائه
ونظافته
ولون ذيله + ولون ريشه
وتحجيله
على كلامك ما اعتقد يتعدى سعره 3000 ريال
إلا إذا كان يقول جمل طويله
اذكروا الله
23-09-2010, 12:40 PM
جزاكم الله الخير
طيب ياليت اسامي محلات الطيور الي يبيعون طيور نظيفه وصحتها تمام (( مطعمه )) ومحجلـه
؟؟
******

وياليت بعـد اسامي محلات تبيع استاندات واقفاص كبيره ..؟!


اعتذر اسئلتي كثيره :(
مفقود رغم الوجود
23-09-2010, 12:48 PM
*******

يعني يفرق تقريبا الضعف بالنسبة لاسعار سوق الطيور اللي بالعزيزية

*******
اذكروا الله
23-09-2010, 12:54 PM
آهـا جزآآآك الله الجنه
افدتيني كثير








ننتظر ردود الباقين
كاسكـــو
23-09-2010, 08:14 PM
طيب ياليت تفيدوني بالرياض كم سعر الكاسكو الاليف مره ويطلع على اليـد ويقول كلمتين او ثلاث ..؟!

^^
^^
^^

اذا مو محجل بهذي المواصفات اللي قلتي يجي بـ 1800 الى 2000

والببغاء الكاسكو اذا عنده على الأقل 10 كلمات واليف يستاهل 2800 الى 3000 ريال
nasser1430
23-09-2010, 08:29 PM
طيب أختي ... ليه تروحين لسوق الطيور ... *** وغيرها من هالمحلات اللي يبيعون دبل السعر مرة ومرتين وثلاث بعد .

نصحية والظاهر إنها ما إنتبهوا لها الاخوان ... فيه في قسم العرض ... طيور على الكيف وتشرح الصدر و عندها كلمات وجمل وبأسعار معقولة جداً بالمقارنه بالمحلات المذكوره .

وبعدين كل المحلات إلا من رحم الله .... الواحد يضيق صدره لما يشوف الطيور اللي فيها ويرحمها والله شكل أمراض الدنيا فيها .

وبالنسبة للسعر 4000 ريال ... أحس إنه مبالغ فيه إلا إذا كان عنده جُمل مهوب كلمات ومشروط بعد وإذا زي ما قلتي صحته شاكه فيها ... فأبعدي عنه أحسن لك .

والله الموفق
اذكروا الله
24-09-2010, 01:43 AM
آهـآآ
جزاكم الله الخيــر
خلاص ماراح اشتريــه
بس ياليت تذكروا اماكــن فيها طيور صحتها تمام ومحجله ومطعمه ..؟!

ذكر الأسماء التجارية مخالف لقوانين المنتدى

والإفــــادة عن طريق الخاص