مشكله في جلد البورميز بايثن مع الصوره

[سمكه صغيره]

http://i829.photobucket.com/albums/zz211/alriyana/IMG03330-20100923-0911.jpg

زي ما انتو شايفين الشيء الابيض الي في نص الصوره على ظهرها
ما قدرت اصوره اوضح من كذا
فيه عند رقبتها صورته بس ما يبين صغير و لونه زي الدم
اتوقع فيها حشرات
اليوم حطيتها في ماء دافي بعد ما اكلت بساعتين
كانت مستانسه لين طلعت الي اكلته
بعده ما تبي الماءجننتنا كنت بحط عليها شبك يغطسها بالماء
بس ما لقيت
اقدر امسح جسمها بخل؟ اذا ابي الحشرات تروح؟ لان اخاف اجرب الديتول
و هل المشكله الي بجلدها بتتعدل بعد ما نتخلص من الحشرات مع الوقت؟؟

الحشرات راح تضرنا؟؟؟ لاني قمت اوسوس

[|| PyTHoN ||]

اممممممممممم

< يا عيني بنت تربي بورميس :D

المهم

بعد ما وكلتيها صح ؟ ~
واضح انج توكلينها فيران او همسترات حيه و واضح انها عضه :)
يعني الفار او الهامستر عاضها مسكينه :D

خصوصاً الأماكن الي قلتيها أكثر أماكن تكون معرضه للعض :)
يعني لما تعصر الظاهر ما عضت راسه ، عضت جسمه و راسه
ظل مكشوف و عض أول شي قدامه فهذا السبب

.
.

عموماً مافي خوف انشالله راح تروح بعد تبديل اليلد مره
او مرتين :)

[سمكه صغيره]

توني شاريتها لها 3 ايام
و هااااااااديه بعنف اختي توها امس تقول لي لما مسكتها بالمحل مشى عى يدها شيء اسود صغير
و كيف ارجعها بعد ما شريتها؟و اذا يرضون ارجعها
مستحيل ارجعها و فيها عله احد غيري ياخذا ما يفهم لها و تموت حرام
بالمحل ما كانت مبينه هالاشياء
و عن الفيران اول مره ااكلها اليوم و الفار ما كان معاها باحوض اكلناها برا الحوض
اختي مسكت الفار بقلفز من ذيله و اكلته ما اتوقع يمديه يعضها

خوفي من القراد هل يضرنا ولا لا؟؟؟؟؟؟؟؟؟؟

[Dr Khaled]

الجروح تلتئم لوحدها كونها صغيرة و يمكنك إستعمال اليود أو المايكروكروم للجروح فقط

و الحشرات يمكنك إستعمال Calamin Lotion مسحة يومية لها يوضع على قطنة و يمسح الجلد بها مرة واحدة و هنا لا تضحكين إذا رأيتي لونها أصبح زهري و لمدة إسبوع
حيث تمسح و تترك بالمحلول و أخر النهار تعطيها حمام مرتب

المحلول في الصيدليات البشرية.

[سمكه صغيره]

راح احطه لها مره وحده و راح تتلون اسبوع؟؟؟
ولا كل يوم لمدة اسبوع؟؟
و احطه لها من الليل لين النهار؟؟؟

ادري اسالتي كثيره بس ما ابي اجيب العيد
ابي اعرف الي انا اسويه بشكل سليم
و مشكورييييين

[Dr Khaled]

هذل محلول يطرد الحشرات كالتي تشكين منها و يقتل بيوضها

تغطين القطنة بهذا المحلول و تقومين بمسح الجلد بشكل عرضي و ليس طولي و يترك من الصباح للمساء و عند المساء تستخدمين الحمام له و تكرر لمدة إسبوع

[سمكه صغيره]

شوووووووووووووووووكرا
من الصباح اروح الصيدليه اجيبه و الله يعين

[Dr Khaled]

أهلا و سهلا و يفضل تعريض الأفعى للشمس عند ساعات الصباح الباكر و عند المساء و إذا هنالك رمل في مكان تربيتها يجب تغييره كاملاً مع غسل الحوض إذا وجد

[سمكه صغيره]

مو حاطه لها رمل حطه قطع خشب صغيره بس بغيره و بغسله
و الشمس يوميا اطلعها مع الإقوانا يتمشون بالسطح 6 الصباح
الشمس تكون بارده هاليومين نقعد لين 8
يكون شوي حمت الشمس بس مو زي الشهرين الماضيين
و ما احد قال لي اذا الحشرات تضرنا احنا البشر ولا لا؟؟؟؟

[|| PyTHoN ||]

زين شنو أرضية الحوض ؟

الحشرات هذي كغيرها من الحشرات
يعني مو ضاره ضاره :D

لكن مو مفيده :p

[سمكه صغيره]

لو كانت قراد؟؟؟

وهذا الي احطه لها في الارضيه خشب صغير مربعات

http://i829.photobucket.com/albums/zz211/alriyana/64f1042b.jpg

[|| PyTHoN ||]

ابيج تمسكين الحيه

و تدققين عليها تشوفين في حشرات واقفه تحت الجلد ؟
عادةً لونهم أسود أو أحمر يكون شكلهم كأنه جلد بس الواقع
لا و بتلاحظينهم

ان كانو موجودين
حطيها بماي دافي و بملقط
سحبيهم :D


اممممممممم اوك مناسبه لكن حالياً ما انصح فيها
خلصو من علاجها بعدين حطوه

الحين فرشو كلنكس و بدلوه كل يوم أو كل يومين
إلا ان تشوفون ان الحيه ما عليها أي شي ^^
.
.

[Dr Khaled]

يا إختي هي نوع من القراد و إذا تشبثت بأحد يكون مفعولها كمفعول البق :)

[سمكه صغيره]

اوووووووووك
راح اسوي الي قلتو لي عليه

و الصراحه ما اعرف البق وش يسوي علشان اعرف القراد

بس مشكورييييييييييييييييييين من الصباح نبتدي العلاج ان شاء الله

[سمكه صغيره]

طلع حشرات زي ما قلت و توق انها قراده
اليوم الصباح شفتهم يتمشون على ظهرها و يدخلون في حراشفها و تصير مرتفعه شوي
وحده سوده و الثانيه بيضه و صغيييييييييييره
ما ادري اذا فيه اكثر
شلت الخشب و غسلت الحوض بالكلوركس
سبحتها بماء دافي
بس زي امس اول ما حطيتها مستانسه لين وسخت و انتو بكرامه و بعدها ما تبي تقعد بالماء
فرشت الحوض كلينكس و راح نكرر العمليه كل صباح ان شاء الله
بروح اشتري الدواء الي قال عنه دكتور خالد
و نشوف النتايج
بس عن الملقط الصراحه اخاف اجرحها ولا تكرهني
ما في حل غير الملقط ؟؟؟

[|| PyTHoN ||]

غير الملقط ، الأصابع :D
< أخخخ يالحل :D

مافي مشكله ما راح تتأثر وايد

بس عالأقل تخففين منهم

تراهم يتغذون على دم الحيه :)

فانتي أنتبهي عاد
مسكي الملقط و سحبي هالقراد كله
و سبحيها بماي دافي ~

[سمكه صغيره]

ما رحت الصيدليه قلت ما ابي اتهور قبل ما اشوف نتايج السبوح اليومي
من حطيت لها الكلينكس ما اشوف الحشرات
بس اليوم احس فرغت كل الي في بطنها و تونا اليوم السبت
لازم استنى لين الخميس؟ ما راح تحس بالجوع؟؟؟
و ما اشوفها توسخ بالحوض
بس لما احطها في طشت الماء توسخ هل هذا عادي؟
انا اشوف انه انظف علشان ما تبخر لي غرفتي بريحتها الجميله بس ما ادري اذا كويس ولا لا
و لونها يزرق كل ما سبحتها زي اللمعه الكحليه هل ممكن انها راح تفسخ جلدها؟؟؟؟
و الاماكن الي قلت لكم لونها زي الدم صار لونها ابيض
و المكان الابيض الي في الصوره صار لونه عادي بس زي المتقشر
____________
الي قريته من الاعضاء ان البورميز تكون حركيه كثير
انا اشوفها بس لما اكون ماسكتها حركتها معقوله
بس بالحوض ما تتحرك بس ملتفه على نفسها
حتى لما اطلعها بالشمس ما تتحرك زي ما احطها تقعد ما تتحرك
و القوانا ما ادري ليه احسها مو مرتاحه من جبتها اول ما اطلعها من الحوض تنهبل الاقوانا تقعد تفحط بالغرفه

اسالتي واجد ما كاني قريت كل المواضيع عنها بس القراءه شيء والتطبيق شيء ثااااني
خلوني بس اعدي هالازمه و افهم انا وش قاعده اسوي و اوعدكم ما اكثر اساله
امي ما تبيها بالبيت و انا و خواتي نبيها ما ابي احد يجيله مرض منها
قولو لي اذا ممكن احد يجي له حساسيه او فطريات او قراد منها
لان صرت من امسكها اروح اسبح و اغسل شعري ولا 10 مرات اخاف يجيني قمل ولا قراد
اي شيء لو خصله من شعري جات على وجهي اتصروع اخاف شيء يمشي على وجهي
و ما اخلي احد يمسكها اخاف يجي لهم شيء واصير انا السبب

و انتو ما تقصرون فيكم الخير

<<<<حسيت انها تشحذ من كثر اسالتها
بس مو مشكله شحذ العلم مو مذله <<<<رقعي

[|| PyTHoN ||]

هههههههههههههههههههههههههههههههههههه :D

لا لا هالقراد ما يطير حتى يمشي بطييييييييئ يعني لا تخافين
+ لو مشت على ايدج بتحسين فيهم &&

لو مسكتيها غسلي ايدج غسيل عادي شدعوه تتسبحين هذا
لو ماسكه قطو فيه جرب شتسوين :D

شوفي البورميس حركيه ، لكن حركيه مقارنتاً بباقي الحيايه ~
يعني جربي مثلا البول بايثون ، و راح تعرفين ليش يقولون البورميس
حركيه :)

بالنسبه للأزرق لا هذا انعكاس الضوء حتى عندي نفس الشي بالحيايه
تقريباً كلهم ~

أساساً مو أنعكاس أزرق بل أنكسار للضوء فتشوفين أزرق و ألوان الطيف
كلهم ,,

بالنسبه للقراد ما اييب أمراض يعني للإنسان ، لكن ضررهم كباقي الحشرات
يعني ما فيهم سم ولا شي :D

الجروح مو مشكله قاعد يلتئم و يروح مع تبديل الجلد فلا تخافين ~

و بالنسبه لأكلها لا تخافين الحيايه يستحملون 6 أشهر و أكثر بدون أكل ، لكن
تختلف من حيه لـحيه لكن بالنهايه كلهم يستحملون فترات طويله ^^

.
.

[سمكه صغيره]

ايه لونها زي البرازيليان رينبو بس اكثر شيء على ازرق كحلي طمنتني
ما مسكت قطو جربان كان عندي قطوه جاتها فطريات بعد الولاده هي و عيالها
و انعدى البيت كله ما ابي اكرر نفس الحدث الجمييييل
بس القراد ما يعلق بالشعر و يصير زي القمل يبيض و ما اعرف ايش؟؟؟
انا عندي الجيوب الانفيه تعبانه اتحسس من الغبار و الحيوانات الي فيها شعر او ريش
و صايره اعطس كثير من جبتها ما فيها شعر ولا ريش :(
يمكن من كثر ما اوسوس الله اعلم
و شكرا على الاجابات طمنتني ربي يطمن قليبكم

[Octopus]

اول شي كان احسن لو وديتي القطة عند البيطري من الاول و تتعبر اشعة الشمس من الاعداء الفطريات المهم يتربى في عزك اصلتك

[mr.crocodile]

اولا الحمد لله اني حصلت بنت تربي

ثعابين ومقصر الاخوان وخصوصا بايثون وان شاء الله

تتربى في عزك

[سمكه صغيره]

الصباح نزلت آخر شيء شفته على البايثن بس مو موجود الي كتبته
المهم اني في حالة وسواس قويه
لان قبل امس كان ما فيها ولا شيء
و اليوم الصباح شفت عينها لونها ازرق و قربت و شفت فيها حشرات متجمعين في عينها و المناديل مليانه منهم
السؤال الي هنا(هل لون عيوها عشان بتفسخ جلدها؟؟؟؟؟ ول من الحشرات؟؟؟)

و رحت الصيدليه
بعد ما نزلت الرد الي حطيته بالصباح و احتفى الحين
و جبت الي قال عنه د.خالد
و قلت لصيدلي عندي ثعبان فيه قراد ابي دواء يقتل القراد
قال ايش القراد؟؟؟ قلت له زي القمل بس اصغر في شيء يذبحهم؟؟
قال فيه بس قوي على جلدهم:(
الله يعين

[|| PyTHoN ||]

لون العين اشاره لتبديل الجلد
بدلي الكلنكسات و سبحيها عدل

انشالله لو فسخته و اهي نظيفه ما راح تشوفين ولا حشره
عليها شدي حيلج بس الحذر و الحذر بالتعامل

هالمره غير

وقت التبديل الحيه تكون عصبيه شوي ديري بالج منها

و موفقه ولا تضيعين هالفرصه

:)

[سمكه صغيره]

والله اليوم حركتها بدت تخوفني
لما جيت امسح عينها ما خلتني لفت على يدي
كيف تخليني اشيل الحشرات من تحت حراشفها بالملقط بتعصر يدي
اليوم فكيتها بقوه
و شكرا كثيرات

[|| PyTHoN ||]

تبين تتخلصين من المشكله تحملي هالفتره

و مره ثانيه لي بغيتي تشترين شوفيها عدل :)

خل يكون هالشي درس لج :D

________

لكن حاولي مع هاذا :)

عشان لا تفسخ الجلد و يرجعون و يوقفون عليها مره ثانيه !
رفعي درجة حرارة الحوض و رفعي الرطوبه هالفتره

عشان تفسخ الجلد قطعه وحده بدون مشاكل :)

و عادي لا تخافين شيلها حتى لو كانت تفح :D

لبسي دس او اي شي لو انج تخافين :D

.
.

[سمكه صغيره]

ما ادري من وين جاتني هالفكره بهالحزه
اخبر النحل لا حكرناهم بدخان البخور او حي الله دخان ورق ولا خشب يطلعون من الخليه
لو حطيتها بكرتون و طلعت راسها و بخرت الصندوق ممكن يطلعون منها؟؟؟؟
بس فكرت انه متجمعين في راسها
ما ياثر عليها الدخان؟؟؟؟؟ ما تختنق؟؟
في احد جرب هاطريقه مع اي حشرات غير النحل؟؟؟؟
ولله انا متحمله بعنف لو مو متحمله كان رديتها من زمان وش لي بالشقى
بس مااقدر اردها و هي مريضه ضميري ما يسمح
بالمحل ما فيها ولا شيء ما يبين شي
و حتى و هي عندي على اني شايفه الي فيها جا يوم اختفو ما يبينون
المهم اذا محد جرب طريقة الدخان و كان الدخان ما يضرها
بجربها و نشوف وش يطلع معانا يمكن تكون طريقه كويسه

[|| PyTHoN ||]

ولله مادري

بس على حد علمي الدخان يضر كل كائن حي :)

.
.

[سمكه صغيره]

طيب انا عندي اعترافات شنيعه
من شوي سبحتها و جبت مشخال و غطستها كامله بالماء
كل 60 ثانيه اخليها تتنفس و ارجعها
سويت هالحركه 3 مرات
بعدين قلت خليني اخليها 3 دقايق
خليت اختي تمسكها و رحت اغسل الحوض
و هي تقول لي اطلعها
اقول لها لا
تقول لي قاعده تتقلب
اقول لها خليها
تقول لي وسخت
اقول لها وش حارق رزك؟

خلصت و جيت و مسكتها بدالها قلت لها نشفي الحوض
فجئه حركتها صارت اغرب من غريبه
فتحت فمها
على طوووووول شلت المشخال
الا هي متحنطه
ما تتحرك
وقف قلبي
قمت اطلعها و ارجعه
خضيتها خض
قامت تفح و مو عارفه وين تروح
صارت مجنونه
و رجعت طلعت ماء من فمها
بعدين هدت
شلناها و رجعناها بالحوض
قلبي للحين يرجف من هالمشهد
لو ماتت بسبب ما ادري وش بيصير
كرهتني على هالحركه
بس فيه قراد ناشب في عينها مو راضي يقوم ما اعرف كيف اشيله
شلت الي قدرت اشيله و الباقي ناشب بعنف
بقعد معاها بشوف لا يصير لها شيء مو زين و انا مو حولها
لنا عوده مع المستجدات

[|| PyTHoN ||]

مسكينها من راسها و بقطن مع ماي نظفي ..

المفروض ترجعينها المحل ! و تاخذين غيرها :)

ما يصير يعطيكم شي مريض و تبتلشون فيه !

المهم ثبتوها حيل حتى لو شدت عليكم شوي او فحت مو مشكله
مسكو و نظفو ..

و مادري شسالفه الحوض ؟! -_-"

ليش حاطينها بمشخال ؟

[سمكه صغيره]

علشان ما تطلع راسها من الماء
http://i829.photobucket.com/albums/zz211/alriyana/IMG00022-20100927-1347.jpg

و ما اقدر ارجعها وما عندنا محلات متخصص بالثعابين يبيعون ولا يدرون وش يبيعون

[|| PyTHoN ||]

حتى احنا ما عندنا بس الشي بسيط يعني :D
رجعيها و اخذي غيرها بس تأكدي ما عليها حشرات

بس لا ما يصير تغرقونها :D

خلوها بحوض فيه ماي دافي و خلوه بالشمس

بعدين نظفو و اهي بالماي و لما يطيحون بالماي
بدلو الماي .... :)

[سمكه صغيره]

امس قررت اعفائها من السبوح بعد الي سويناه فيها مسكينه
و بس شيكت عليها ما لقيت شيء بالحوض
بالليل جيت لقيتهابدلت جلدها فسخته كله ما تقشرت و الحشرات الي في عيونها اختفت والحمد لله
و هذي صورة القشره كانت متلفلفه بس عدلت ما يمكن تعديله
http://i829.photobucket.com/albums/zz211/alriyana/IMG03486-20100930-0830.jpg

اليوم موعد وجبتها الصباح و اكلت و سبحتها بعد ساعتين من الاكل
بكره نشوف اذا فيها شيء ولا افكر ارجعها
كنت خايفه من كلام الاعضاء و خاصه بايثن مع موضوع البول بايثن
عن نفسيتها المتقلبه خاصه في تبديل الجلد
حسيت اني خطيت خطوه مو قدها
بس الحين بعد ما عديت هالاسبوع حسيت اني تاقلمت معاها
و حطيت في بالي انها مستحيل راح تعضني او تعصرني في يوم من الايام اهم شيء ما تصير ريحتي فيران ^_^
هالثعبان احسن حيوان ربيته الى لآن لا يشمخ ولا يعض ولا فيه شعر او ريش يتنثر في كل مكان
ولا احاتي اكله الا مره بالاسبوع
ربي يسعدكم و يسلم لكم حيواناتكم و كل من تحبون
مشكورين ما قصرتوا ساعدتوني و شجعتوني هالاسبوع كله
لا مزيد من الاسئله ان شاء الله

[|| PyTHoN ||]

^

مبروووووك ^^"

بس مو معناه تلعبين فيها وقت تبديل اليلد ، هالمره بس في ظرف
المره اليايه وكليها بعد ما تبدل اليلد بـ 5 أيام أحسن

و مع هذا ديربالج و التعامل بحذر وياهم مهما كان :D

[Dr Khaled]

مبروك تغيير الجلد و ديري بالك الأفاعي تكون مضطربة نوعاً ما في فترة تغيير الجلد و تميل للحركات العصبية

أما أخونا في الصيدلية شو في و لكن قوي!!!!!
Calamine Lotion يعد مرطب لكون مادته الأساسية أوكسيد الزنك و هو يعمل على قتل و خنق الحشرات كونه يلتصق بها
المهم إذا صار و إنشاءالله إنو ما يصير توكلي ع الله :)

موفقة بالتربية