وجدت قط في حاله سيئة

[ايهوت]

السلام عليكم

اخواني اليوم الساعة 12 منتصف الليل لقيت قطو في الشارع مهلوك بمعنى الكلمة متسخ وجايع

ياكل العظم المتناثر على الرصيف ويلعق المياه الجاريه في الشارع من شدة العطش
فقررت اني اخذه واربيه

المهم اخذته واكلته وشربته وحطيته في الحوش مع الاكل والماء

وما دخلته للبيت مع انه قطو حق بيت شعره كثير وأليف ويسمع الكلام بعد

مادخلته لانه متسخ وخفت انه فيه براغيث

فخليته وماعندي خلفيه كيف ابعد عنه البراغيث واسبححه

رجاء من الي يعرف شيء في هذي الحاله يلعمني

وعلى فكرة من يوم ماخذت القطو ماطلع ولا صوت

وعمره مو كبير يمكن 5الى 6 شهور اصغر من الي لقيته في رمضان


على العموم ابيكم تفيدوني

[سماوي الجبه]

والله نفس الحاله الى عندي بس انا كبير في العمر،، الاعضاء بيفيدونك ان شاء الله

[أمازون]

الافضل توديه بيطري يكشف عليه
انت كسبت أجر يا خوي و الله يكثر من أمثالك ،، اعتني فيه في الحوش عادي و قدم له الماء و الاكل و الصباح او العصر وده اي بيطري يتأكد مافيه براغيث ، و خله يعطيه تطعيمه بعد و رجعه البيت نظفه و حممه و خله داخل البيت أفضل له اذا تبي تكمل هالخير اللي تسويه و هالرفق بالحيوان ، و اذا تحس الشغله متعبه ، اعرضه للتبني في المنتدى .

الله يوفقك و يجزاك خير دنيا و آخره .

[ايهوت]

ابد مافيه شيء متعب انا بس ابي اعرف وشلون اسبحه
عشان ادخله يعيش معي في البيت خايف يجيه اي قطو من الشارع ويدشره <<ركز على الكلمه

والله قطاوة الشوارع اربع وعشرين ساعة مسنترين في الحوش وانا اخاف عليه ينضرب

وانشاء الله بكرة اروح للبيطري واطعمه
واوريكم صورته

[-_-خالد-_-]

ترويشه سهل مره البس دسوس بلا ستيكيه وجيب شامبو مخصص للقطط وبلله بالمويه والشامبو وافركه بس انتبه لا يجي راسه مويه و الاذن لا يدخلها مويه ابدا بعدين كب على جسمه مويه بس اكرر لا يجي راسه مويه
واذا خلصت على طول حاول تدفئه بالفوطه و الاستشوار وعاد مشطه

ورنا صورته
اخوك -_-خالد-_-

[ايهوت]

جزاك الله خير اخوي خالد

الصورة انشاء الله بنزلها بس بعد مايتنظف ويتطعم

[ايهوت]

ياشباب القطو ماله صوت يعني مايقول مياو مثل القط الي لقيته في رمضان<<دايم يلقى قطاوه

[-_-خالد-_-]

عادي فيه قطاوه مزعجه في هاديه مافي مشكله لا تخاف بس ياريت الصور

[ايهوت]

ههه الصورة والله انا ودي اصورة بس ليل تعرف

مايبان والفلاش يزعج القطط <<يصرف جواله طافي

[-_-خالد-_-]

ههههه اوكي اما جواله طافي هههههههه

[دلوعةقطوتي]

الله يجززاك خيرر ويكثر من امثالك
الشور اول شي جهز المكان اللي بتخليه فيه بعد مايخلص وقفل المكيف والشباك وجهز المناشف والاستشوار
في الحمام جهز الشامبو والمويه تكون دافيه مو بارده ولاحاره(الحين الجو بدا يبرد) وجيب القطو وبلل شعره بمويه وخلي عليه شامبو وافرك(استعمل شامبوجونسون للاطفال لو عندك فافو او نيزورال لو شاك عنده فطريات او شي)
بعدها اشطف الشعر عن الشامبو واعصر المويه الزايده ولفه بالمنشفه وعالغرفه خليه جوات سله او قفص عشان تستشور شعره وينشف (احتمال يخاف اذا يخاف وشعره قصير تقدر تستغني) وبعدها حط له الاكل عشان ياكل وخلي عنده المويه والليتربوكس
بس انتبه تشغل المكيف ترى يدخله برد وبكرا ان شاءالله لو حاب تكمل جميلك وديه للدكتور وخليه جوات البيت عشان مايضربونه القطاوه
الصوت فيه قطاووه هاديه ماينسمع لهم صوت وقطاوه لسانها طووويل:D

[Octopus]

ممكن صورة له عشان نقدر لك عمره :)
و جزاك الله كل خير :)

[ايهوت]

ابشرو بالصورة بس خلوني اسبحه
بكرة ياذابح يامذبوح الا يتسبح يعني يتسبح هع

[الخبيرة ناديا]

الله يجزاك خير ويكثر من امثالك..

والاعضاء ماقصرو ..يعطيهم العافيه يارب

[ايهوت]

نورتي الموضوع يالخبيرة ناديا

اكيد هذا واجبي لو بيدي كان ربيت كل قطاوة الشارع

وفي النهاية الرفق بالحيوان واجب

[genan]

اول شوووروديه للبيطري افضل ومره وحده اكشف عليه وبعدين قطط المنازل ماتنام بالحوووش لان حر او برد ماتتحمل وتمرض

[ايهوت]

اول شوووروديه للبيطري افضل ومره وحده اكشف عليه وبعدين قطط المنازل ماتنام بالحوووش لان حر او برد ماتتحمل وتمرض

والله انا داري بكل الي تقوله لكن وش اسوي اخاف فيها براغيث وهي وسخه باين لها مده ضايعه

لكن انا حطيتها اليوم بس بالحوش
وبكرة ادخلها

[genan]

والله انا داري بكل الي تقوله لكن وش اسوي اخاف فيها براغيث وهي وسخه باين لها مده ضايعه

لكن انا حطيتها اليوم بس بالحوش
وبكرة ادخلها

طيب اوك بس مو مشكله اخوووي خلها بمكان برا بس ع الاقل يكون محمي اذا لبكره بس وكثر مويه واترك اكل لها

[ايهوت]

اكيد راح اوفر لها ماء واكل ولا ليش اخذتها من الشارع
والمكان محمي 100% اهم شيء سلامتها

[مشعل محمد]

اسمع عن كلام السباحه خذ رجال اما الراغيث مادري اسمع اذا تبي اتسبحه تحطه في المقطس تصبله ماي سوي مو شوي شوي لايعني وصط الماء وتسبحه بلماي وشمبو ولين سبحته سشوار من اي احد من بيتك لين طلع اوشي تنشفهوتسشوره سلام عليكم

[ṁĪṣђα]

آنتبه تروشه بأي شآمبو , جيب له شآمبو للقطط ولا جونسون للأطفآل ~
وإذا روشته آنتبه يدخل في آذنه مويآ , وبعد الترويش حطه في مكآن دآفي
ونشفه بفوطه دآفيه وآستشوآر تكون حرآرته متوسطه وبعدهـ شويه عشان لاتحرقه ^^
ومشط شعرهـ بعد آلتنشيف وقصص آظآفيرهـ ,
وبيكون عآل آلعآل ^^

[ايهوت]

شكرا اخواني والله ماقصرتوا
انشاء الله اردلكم الجميل

[ايهوت]

http://www.2zoo.org/get-9-2010-2zoo_org_jlmn0q1p.jpg (http://www.2zoo.org)
هذي صورتها :)

قبل ما ادخلها للبيت

[ساكورا _ فيو]

بارك الله فيك وكثر من امثالك

القطوة ناااايس ربي يخليكم لبعض

وبشرنا كيف كانت الترويشه ؟؟

[ايهوت]

مابعد روشته كنت مشغول مرة ومافضيت الا بالليل وخفت اروشه ويبرد ويمرض قلت اروشه الصبح
يكون فيه شمس ومايبرد

[ايهوت]

ياشباب القطو طلع مهجن نص حق شوارع والنص الثاني مدري وشهو

والله يقولون لي انطلها بالشارع وانا مادري وش اسوي

[اذكروا الله]

لا حرام ترجعها للشارع خلها عندك والله بتتونس
وشكلها ماشاء الله تجنن لو انا منك وديتها البيطري يكشف عليها اذا فيها اي مرض واخليه يقص اظافرها
وعلى طول اول مارجع اروشها واخليها عندي لان شكله ماشاء الله جناااااان

ياليت تصورها بعد الترويشه ..؟

[miss-mlaak]

لا حرام لا ترميها بالشارع عادي انا عندي 2 بلدي و مارميتهم لهم عندي 2 ونص شهر وعادي بعض الاحيان يدخللون فالبيت ____________

كلهم قطط عادي مو مهم انها تكون بلدي او شيرازي او هملايا ايش ي عادي كلهم زي بعض اهم شي تهتم فيهم وبس <<<< البلدي زيه زي الهملايا والقطط الثانيه من اسمه قط

الناس مايهتمون بالبلدي ليش هم قطط زي اي نوع من القطط

اتمنى انو ا تهتم فيها ولا ترميها بالشارع يمكن تموت من الجوع

__________________________________________

[كريسمي]

أؤيد الاخت miss-mlaak لا يوجد فرق بين اي قط و اخر والاشخاص الي كل همهم انه القط يكون هملايا او شيرازي
هما ممكن يتخلوا عن القط في اي لحظة لو تعرض لمكروه او تساقط شعره ......... الخ
والله يجزاك خير يا ايهوت .. واعتني بها و ودها البيطري يقص اظافرها ..
تقبل مروري

[دلوعةقطوتي]

ماشاءالله حلوو
لاترميه كل القطاوه نفس الشي مايهم النوع واذا ماتبيه اعرضه للتبني

[ايهوت]

لا تخافون مارميته هههههههه

عطيته واحد من الشباب

الي قاهرني فيه مايلعب هالطقو ولا كان حطيته بغرفتي

[Octopus]

قد يكون هذا القط بلدي هجين بين الامريكي او الشيرازي:)

[BodyBoss]

شوف المكان إلي ينام في و حط له كيس او منديل مربوط جواتو(داخله) نعنع فهاذا الشي يساعدو على التخلص من البراغيث المزعجة
والله يعطيك الف عافية:)
و ماشأالله يجنن:)