سؤال عن الحصان البالغ

[milk cat]

اخواني الكرام

كم عمر الحصان البالغ ؟

يعني عند عمر كم يسمح بالاشخاص بالركوب عليه ؟؟

[milk cat]

انا سمعت انه اذا صار عمره سنتين

طيب انا بشتري حصان عمره 5 شهور تنصحوني اشتريه و اربيه الى ما يصير عمره سنتين بعدين اركبه !!؟

و هل تنصحوني اشتري هذا الفلو ؟؟ ابوه عربي و امه عربي انجليزي .. و هو ذكر و عمره 5 شهور زي ما ذكرت

لونه بني سادهـ .. بكم تجيب هذي المواصفات ؟؟

[الخبراء]

افضل لك انك تقرى الموضيع عن الخيل للفائده و تتعلم اشياء جديده افضل من انك تسالك سأل واحد و تجلس كم ساعه تتحرى الاجابه هذى رايي



با النسبه انك لقيلتلك مهر عمره 5 شهور و تبي تجلس تعلفه اكثر من سنتين وبعده تبي تركبه هذي انا اتوقعه صعبه و لا اتوقع انك تبيت تتحمل تعلفه سنتين علشان تركبه دور لك واحد عمره اكثر من سنتين افضلك من انك تنتظره سنتين علشان تقدر تركبه


و با النسبه للسعره انا ما اعرف كم يسوى با التحديد بس اتوقع من 1000 ريال الى 1500 ريال هذا اذا لقيت احد يبي يبيعه لك با العمر هذا و ممكن يحده عليك با اكثر ولا انصحك انك تشتري با العمر هذا
لكن عمر 5 شهور صغير ( يمكن انفطم او توه بقيله شهر ) وشلون تبي تعزله عن امه لا و تبي تاخذه لا مكان ثاني بعيد عن امه

انا عندي فرس ما تطلع من الاستراحه الى با طلعه الروح علشان ما تبعد عن ولده مع العلم ان ولده كان عمر 6 شهور و توي فطمه

كل ما كتب اعلى يعبر عن راي الشخصي و يتحمل الصح و الغلاط

[milk cat]

مشكور و بانتظار المزيد من الاجابات

[شرقــــاوي]

اخـوي سـواء فـلـو او فـلـوه
هـذا إجـابـتـه يـحـددهـا مـيـولـك الـشـخـصــي
وكـيـف راح يـكـون غـرض اسـتـخـدامـك لـه


امـا بالـنـسـبـه لـنـصـيـحـه..

عـلى مـاأضـن ان تـوك مـبـتـدئ
يـعـنـي راح تتـعـب شـوي بـالـتـربـيـه إذا كـان فـلـو او فـلـوه
ولاتـنـسـى انـه لاكـبـر او كـبـرة يـحـيـن وقـت عـسـافـهـا
والـعـسـيـف تـكـون مـره مـتـعـبـه للـمـبـتـدئـيـن بـعـد الـعـسـاف
لأن يـتـوجـب عـلـيـك تـدريـبـجـات بـعـد الـعـسـاف

لـكـن اغـتـنـي لـك فـرس بـشـرط ان تـكـون لـقـاح
لأنـك راح تـسـتـفـيـد مـنـهـا مـن نـاحـيـتـيـن
الـنـاحـيـه الأولـى الـولاده .. ومـن نـاحـيـه اخـرى الـركـوب

امـا إذا كـان حـصـان فـمـا هـيـا فـوائـده غـيـر الـركـوووووب...!؟
وعـاده اسـتـخـدام الـفـحـل لأصـحـاب الأسطـبـلات الـي تـمـلك عـدد مـن الأفـراس
او صـاحـب خـيـل مـتـمـكـن ويـكـون اسـتـخـدامـه لـه للـقـوه والـمـسـافـات الـطـويـلـه


وبالـنـسـبـه للـفـلـو الـي تتـكـلـم عـنـه
فـهـذا ممـنـوع انـك تسـأل عـنـه هـنـا
لـمـا فـيـهـا تـخـريـب لـسـلـعـة صـاحب الـفـلـو


وأي اسـتـفـسـارات اخـرى انـا وأخـوانـي الأعـضـاء بالـخـدمـه

[سعودي كروان]

علي حسب وضعك بس اشوفه تاخذه كبير وجاهز اوفر لك توفر علي نفسك تعليف سنتين وادويه