ارجو المساعده من خبرا الكروان عاجل ارجوكم

[ستيف خرجاوي]

اسلام عليكم
انا جاني هدية امس جوز كروان
اليوم لاحضت بعض التعب على الانثى
عيونها ماتقدر تفتح فيها كثير وشكلها تعبانه حتا وزنها احسه خفيف انا ماعندي خبره بس احساسي يقول كذا
ارجو المساعده في الحل في اسرع وقت ممكن
ونسيت اقول ان العين فيها شوية حمار
http://www.2zoo.org/get-10-2010-2zoo_org_d9n616he.jpg (http://www.2zoo.org)
http://www.2zoo.org/get-10-2010-2zoo_org_hhbf9yv3.jpg (http://www.2zoo.org)
http://www.2zoo.org/get-10-2010-2zoo_org_wukr52d1.jpg (http://www.2zoo.org)
ارجو الرد في اسرع وقت ممكن اخاف تموت علي

[محبـه الكوكاتيـل]

والله قلبي تقطع عليهـا
باين عيونها فيها شي
وحتى جسمها نافشته يعني مرضانه
تكفين بكره بالصبح وديها البيطري لاتتاخري عليها
الله يشفيها يارب

[ستيف خرجاوي]

شكرا على مرورك انا في الخرج ومااعرف بيطري هنا ودي واحد يساعدني بطريقة اسويها انا وشكرا لك مره ثانية

[و ه بس]

اخووووي تعال الرياااض ورح لسووق ام الحمااام الي بالعزيزية وتلقى هنااك دكااترة بيطيرين

[كركوش]

باين عليها علامات المرض وديها الطبيب البيطري لانو انا بعرف الكروان لما يكون مريض بيصير عيونة حمر وبيصبح ينام اسفل القفص :confused:

[abdulrahman88]

اخوي حط في الماي حبة بندول انا مجربها تحسن طيري

[ZgJo-o]

اخوي حط فص ثوم في علبة ماء صحي 5 ساعات بعد ما تدق الفص وبعدين حطها لها في المويه وان شاء الله تتحسن وابعدها عن المكيف

[الكروانّ]

اخوي حط في الماي حبة بندول انا مجربها تحسن طيري





لاتجرب البندول ؟

الا اذا تبيه يموت انا مجرب قبل في بادجي ومات :p

[الكروانّ]

اشتر من الصيدلة مرهم تراميسين وحط شوي منه على عيونها كل يوم مرة وحط في مويتها شوي ليمون

[عاشق الوبر]

هلا اخوي بخصوص عين الانثى

صارت لي هذا مرتين فستخدمت قطرة عين بشري للاطفال

بعد يومين الحمدالله رجعت نفس قبل

["مملكة الحيوان"]

اقول بندول ذا دواء ناس

يعني سم للكروان

انتبه لو حطيته يموت

والمرهم نصيحه لوجه الله اللي قالولك عنه

لاتاخذه روح للبيطري

وشوف وش يقولك

ووش يعطيك علاج

[عاشق الكوكتيييل]

اشتر لها برهم عيون هذا افضل شي وسوو لها ثوم باليمون او ودها بيطري خبير لان صادتني مثل هالمشكلة في انثى كرواني بعد وكانت في عينوحدة وتنسدت العين يعني ما قدرت تفتحها تاليانسدت العيت الثانية وماتت لانها لم تستطع الوصول الى الاكل او الماء يعني بسرعة عالج كوكتيلك قبل لا يموت وآسف على الاطالة

[ابو المراجل]

الله يشافيها يا رب

[ستيف خرجاوي]

شكرا يااخوان على الردود شكلها بتموت باقي عندي امل لين اليوم في اليل المشكلة انها ماتاكل

[جوسلين]

الف سلامة ليه تصبر وديها البيطري حرام

[نسايم الليل]

ياخي ليش تنتظر إلين ماتموت

قوم وديها البيطري

الرياض عنكم مو بعيده ، يالي خلاك تشتريهم لازم تتعب عليهم اشوي ، هذي ارواح ربي بحاسبك عليها

[علي الطير]

اسمع كلامي وده البيطري وبيعطك مرهم بعشره ريال او بثمانيه ريال مرتين في اليو ثلاث ايام بتصير مثل اتلحصان

[ستيف خرجاوي]

ماتت يعلم ربي اني سويت الي في وسعي بس الله ماراد الحين دفنتها في الاستراحة انا مااقدر اروح الرياض اول شي ماعندي سيارة وثاني شي انا مرطبط في محل وشكرا لي كل من رد وانشاالله راح اروح بنفسي الرياض واشتري بنفسي نسيبي ماله في الطيور وباعوها له تعبانه شكرا لكم مره ثانيه ولكم تحياتي

[mst]

عليكم السلام
اخوي ممكن انها صاقعه فيها أو متهاوشه أو التهاب
وديها أقرب بيطري ممكن يعطيك فيتامين ومرهم

[الكروانّ]

^^

يقولك مااتت

الله يعوضك

[mst]

^^

يقولك مااتت

الله يعوضك

يؤ
مشكلتي ما اقرى الردود اللي تعدي الصفحة الأولى
الله يعوضك .. ولا تنسى كروانة الحلال لكروان الحلال الأرمل
;)

[ستيف خرجاوي]

امين يارب شكرا على المرور