ايهما افضل ؟؟؟؟

[meedoooo]

انا قررت انى اشترى عصافير مع العلم انها اول مره يعنى مش عندى اى خبره بيهم خالص وانا قرات فى المواضيع الموجوده فى المنتدى واكتر نوعين عجبونى الزيبرا و الكروان ومحتار اجيب اى نوع من الاتنين دول ؟؟؟؟ انا عايز اعرف 1/ مميزات وعيوب النوعين 2/ اى نوع افضل واسهل فى التربيه والتعامل لانى اول مره اربي طيور 3/ اسعار النوعين فى مصر ( القاهره ) 4/ ازاى النوع الى اختاره يكون جيد ومافيهوش امراض ولا اى حاجه 5/ ايه من النوعين دول الى بيتكاثر كتير ؟؟؟ معلش انا عارف انى طلباتى كثيره بس انا مش عندى اى خبره بيهم خالص وخايف اجيب نوع وانا معرفش عنه حاجه ويموتو فى الاخر وشكراااااا

[ابو التواريخ]

أنا أفضل الكروان لأن قلبي متعلق بهذا الطير من يوم كان عمري 3 سنوات
لكن بما انك مبتدء فأنا أنصحك بالزيبرا وذلك لعدة اسباب
1. رخص ثمنه مقارنة بالكروان
2. انتاجه أغزر من الكروان
3. حجمه أصغر وبالتالي كمية الأكل الي راح ياكلها أقل
ولكن إذا كان ودك تربي طائر واحد بس وناوي تدربه على حركات فخذ الكروان لأن شكله أحلى وتربيته جدا ممتعة

[meedoooo]

انا فعلا عايز نوع يكون انتاجه كتير يعنى الزيبرا افضل من الكروان فى الاانتاج ؟؟؟؟ طيب ايه الى اخد بالى منه وانا بشتريه ؟؟؟؟ وايه افضل عمر اجيبه فيه واعرف عمره ازاى ؟؟؟ وازاى اعرف انه سليم ومافيهوش امراض واجيب 2 ولا اكتير ؟؟؟؟ وسعره فى حدود كام ؟؟؟؟ وسعر الكروان بردو لانه شكله عاجبني وكمان انه بيغرد

[ابو التواريخ]

انا فعلا عايز نوع يكون انتاجه كتير يعنى الزيبرا افضل من الكروان فى الاانتاج ؟؟؟؟ طيب ايه الى اخد بالى منه وانا بشتريه ؟؟؟؟ وايه افضل عمر اجيبه فيه واعرف عمره ازاى ؟؟؟ وازاى اعرف انه سليم ومافيهوش امراض واجيب 2 ولا اكتير ؟؟؟؟ وسعره فى حدود كام ؟؟؟؟ وسعر الكروان بردو لانه شكله عاجبني وكمان انه بيغرد
نعم الزيبرا أغزر انتاجه من الكروان وبالنسبة للسؤال الثاني والثالث والرابع أطرحهم في قسم الزيبرا وراح يبفيدوك أكثر والأسعار تختلف من بلد لبلد وإن شاء الله باقي الأخوان مايقصرو معاك

[meedoooo]

الف شكر يا ابو التواريخ

[meedoooo]

معلش هتعبك معايا شويه انا اسف استحملنى انا بصراحه عاجبنى الكروان لانه شكله حلو وبيغرد وممكن اطلعه من القفص والمميزات دى مش موجوده فى الزيبرا فا لو سمحت عايز اعرفه سعره بيبقي فى حدود كام ؟؟؟؟ انا من مصر يعنى بيكون سعره عالى ولا فى العادى ؟؟؟؟ و اجيبه يكون عمره اد ايه واعرف عمره ازاى ؟؟؟

[ابو التواريخ]

والله ماعندي خلفية عن الأسعار عندكم في مصر لكن عندنا في السعودية تبدأ من 120 إلى 700 للطير الواحد على حسب اللون والمواصفات ودرجة الولافة. ويفضل لو يكون فرخ توه مفطوم يعني تقريبا في عمر شهرين ونص إلى 4 أشهر حتى يسهل تدريبه وبإمكانك تحديد العمر من خلال حجم العين إذا كانت وواسعة والجفن دقيق يعني فرخ أما إذا كان عينه ضيقة وجفنه واضح فيعني إنه بالغ وعمره فوق الثمانية أشهر

[meedoooo]

انا نزلت امبارح اخد فكره عن الاسعار واتفرج على العصافير لقيت سعره الجوز ب120 بس جيت ابص عليهم لقيتهم حاطين كل 2 لوحدهم قاعدين هاديين مش بيتحركو كتير ولا بيعملو اى حاجه وفى منهم بيبقي واقف على ارضيه القفص مش على العصايه الى بتكون محطوطه معنى كده انهم يكونو فيهم مرض ؟؟؟ واعرف ازاى السليم من المريض ؟؟؟ وينفع اشترى واجد بس ولا لازم اجيب جوز علشان خايف اجيب واحد بس يجيله اكتأب ويحزن ويموت فى الاخر ....

[ابو التواريخ]

دائما الطير الي تشك في سلامته أبعد عنه وخذ لك أنشط طير تحصله في السوق ومافي مشكلة لو أخذت لك واحد بس لازم تصفره له كل يوم وتلعب معاه حتى لايحس بالملل