مشكلة مع طعام الكلاب في الكويت

[kitty cat]

السلام عليكم ورحمة الله وبركاته

كلبتي عندها مشكلة ... الكلبة لما أحطلها المعلبات ( بيتجيري) من النوع الكبير على ثلاث مرات في اليوم ... أحسها جوعانة ... ولا خمسة باليوم يكفوها ... صايرة وحش مو كلب ... أبي حل ... صار الوضع مكلف جدا ... منوين ألحق عليها ... وقالوليلي الأكل الزايد يمرض الكلب ... زين شسوي ؟

أبي نوع أكل في الكويت يكون رخيص ومشبع في نفس الوقت .. سمعت بوجي يتكلم عن أكل دجاج نايف ماأدري شنو ... فلو عندكم حل ؟.. لو تعرفون مثلا مكان آخذ منه لحم مثلج دجاج مثلا
بس أمانة أبي حل لكلبتي المفجوعة

[فايز]

السلام عليكم ورحمت الله تعالى وبركاته

هلا والله اختي .. اختي انا عندي لك طريقه وان شاء الله تنفع...

أولاً اختي حددي اوقات لأطعام الكلبه : انا عن نفسي أأكل كلبتي الساعه 11 صباح وأعطيها الوجبه الثانيه 6 المغرب...

اما اختي عن الأكل انا اقول لو يزيد من أكل بيتكم ( رز , دجاج , لحم, أخ... ) ظيفيه مع المعلبات عشاان يشبع الكلبه...


ان شاء الله اني افيتك:)...

ياليت اختي تقولين كم عمر كلبتك؟

مع السلامه تحياتي لك

[متى احظى]

وعليكم السلام ورحمة الله وبركاته

بالنسبه لدياي نايف مو زين ويتعب لانه لازم تغلين الدياي عشان اتروح البكتيريا الي فيه وانا كنت استعمله لجلابي بس كان ايبلهم دود وامراض لانه دياي شبه معفن

وانا انصحج بنوع اكل اسمه درايفوداحسن من العلب وارخص ومظبوط
اهوا عبارة عن نفس كرات بسكوت جلاب بس كله فوائد وفيتامينات
وانا استعمله من سنتين ولا اثر ولا ضر الجلاب بأيشي
ينباع خيشه النوع الي انا استعمله تنباع الخيشه 7دننانير ونص
وتقعد وياي حوالي ال3 اسابيع اوشهر حق 3 او 4 جلاب
وطريقة استعماله سهله ونظيفه يعني مافيها عبالة
اتحطين على حسب قدرة جلبج على الاكل
طريقة استعماله: اتحطين حوالي خمطتين بصحن الاكل وتحطين ماي عليه وتخلينه حوالي العشر دقايق ربع ساعه
راح يصير طري نفس طريق4ة الكورن الفليكس بس معى ماي الدراي فود
واذا احتجتي اي شي قوليلي وانا انشالله اساعدج

وسامحيني طولت عليج:p
اخوج متى احظى

[kitty cat]

السلام عليكم تسلمولي على المجهود

وبالنسبة لعمر الكلب أعتقد تحت السنتين ... ما ادري ما افهم فيهم
وأخاف أفقح حلج الكلب أشوف ظروسه

[مانع القرشي]

انا اشوف انكم ماتستغربون لاانا الانسان ياكل الدبل في هذى البرد فكيف بحيوان وهو فمرحلة نمو مستمر تقريبا واقول الله يعينك على التكاليف

[Icy]

ما قلتيلنا عن وزن الكلب, المهم على حسب وزن؟ حجم الكلب و طريقه حياته (نشيط و يحرق سعرات ولا دايما نايم او محكور) تقدرين تحددين كميه الاكل الي يحتاجها. شوفي على علبة البدغري كاتبين لج وزن الكلب و احتياجه من الاكل و انتي حددي اذا طبيعي او لا.


واقتراحات الاخوان وايد حلوه, انا اشتري لحم مفروم بالجمله من سوق الميره او الاسواق الشعبيه. افوحه و اخلطه مع عيش (رز) مطبوخ. وجبه رئيسيه حزة الغدا, وبالليل احط طريقه الاخ (متى احظى) بس الفرق اني اذوب قفشتين (ملعقتين) من اكل الكلاب الرطب الي من القوطي و اذوبه بماي دافي واحطه على البسكوت , لاني جلبي ما ياكل البسكوت خالي او مع ماي (دلووووع و يتشرط)


best of luck 7abbooba

[CSI II]

السلام عليكم ورحمة الله وبركاته

مثل ماقالو الاخوان الدرايفود .. وتلقينه بالمحل اللي صاير بالدشة الثانية من سوق الحمام
ويظل فترة طويلة .. وانا عن نفسي الجلابة الي عندي ماياكلون بهالطريقة " مع الماي " الا لما يموتون من اليوع فا احطلهم الدرايفود بروحه وياكلونه عادي ومرات درايفود واخلطه مع معلبات .. يعني حطي ربع كمية الدرايفود اللي تحطينه

وبالنسبة حق نايف .. اختي صوب امغرة صعدي الجسر وامشي سيدة بعدين اخذي يمين راح تلقين مصنع نايف .. دشي عندهم قوليلهم ابي دياي فوح .. يبيعون ال16 كيلو بدينار " طبعا اذا فكرتي تاخذين منه لازم تفوحينه بالبيت "
انا عن نفسي ماجربته على جلابتي بس واحد من الشباب عنده بوليسية عمره سنة و7 اشهر تقريبا يوكلها منه وجبتين او 3 وجبات يوميا ويتم معاه اسبوعين وشي


وانا اقول احسن شي الدرايفود لانه فيه بروتينات وفيتامينات وكل شي تقريبا :)
ويتفخ جسم الجلب مو من ناحية البطن بس .. حتى المخابط والريل :)

تحياتي

[CSI II]

السلام عليكم ورحمة الله وبركاته

مثل ماقالو الاخوان الدرايفود .. وتلقينه بالمحل اللي صاير بالدشة الثانية من سوق الحمام
ويظل فترة طويلة .. وانا عن نفسي الجلابة الي عندي ماياكلون بهالطريقة " مع الماي " الا لما يموتون من اليوع فا احطلهم الدرايفود بروحه وياكلونه عادي ومرات درايفود واخلطه مع معلبات .. يعني حطي ربع كمية الدرايفود اللي تحطينه

وبالنسبة حق نايف .. اختي صوب امغرة صعدي الجسر وامشي سيدة بعدين اخذي يمين راح تلقين مصنع نايف .. دشي عندهم قوليلهم ابي دياي فوح .. يبيعون ال16 كيلو بدينار " طبعا اذا فكرتي تاخذين منه لازم تفوحينه بالبيت "
انا عن نفسي ماجربته على جلابتي بس واحد من الشباب عنده بوليسية عمره سنة و7 اشهر تقريبا يوكلها منه وجبتين او 3 وجبات يوميا ويتم معاه اسبوعين وشي


وانا اقول احسن شي الدرايفود لانه فيه بروتينات وفيتامينات وكل شي تقريبا :)
ويتفخ جسم الجلب مو من ناحية البطن بس .. حتى المخابط والريل :)

تحياتي