المساعد الشخصي الرقمي

مشاهدة النسخة كاملة : سؤال عن الريش

H2ELL
13-10-2010, 02:49 PM
السلام عليكم
بنسبة للكاسكو
عندي استفسار متى الطير يبدأ يغير ريشه بين كم يوم او شهر مثلا

وسؤال ثاني

لو قصيت جناح الطير بعد كم (المدة) ويكبر له ريش
وشكرا
ام ماجد
13-10-2010, 04:16 PM
زين سألت مثل اللي ببالي ^_^
انتظر الاجابات
الكاكي
13-10-2010, 04:22 PM
تغير الريش الطبيعي يكون في فصل الصيف وغالبا يبدأ من السنه والنصف ولكن مو شرط فيه طيور افريقيه يبدأ يغير ريشه من سنه و ويسمى بموسم القلش ويتغير مزاجه وتصرفاته ويبدأ بتساقط الريش من عند الرأس ويسقط الريش لوحده ويحل محلها زي الابر وهذا هو الريش الجديد
اما بالنسبه لقص الجناح الاحترافي يعود بعد 40 يوما تقريبا والذي يسرع نمو الريش عنصر الكالسيوم الموجود بكثره بالخس وعضمة الحبار .



وبالتوفيق
H2ELL
13-10-2010, 04:34 PM
شكرا على الفادتنا

لا والله الي عندي مقصوص سريع سريع شكله ممكن معرفة المده الي ممكن يكبر له ريش
الكاكي
13-10-2010, 04:38 PM
القص الاحترافي يعني عدم مقدرت الطائر على الطيران وجمال شكل الجناحان
انتبه لنمو الاجنحه لانه مكن يطير لاحظه كل اسبوع
H2ELL
13-10-2010, 04:42 PM
الخلاصة الطير الي عندي مقصص جناحه بزياده ولا يقدر يطير
اتمنى انك فهمتني
الكاكي
13-10-2010, 04:46 PM
من 40 يوم الى شهرين حسب الغذاء
fawzi
13-10-2010, 04:46 PM
تبديل الريش يكون على مرحلتين مرحله التبديل الطبيعيه او الموسميه والحاله الثانيه عند مراحل نمو الطير اما بخصوص نمو الريش يعتمد على مدى تغذيه الطير لان الي يسرع نمو وتقويه الريش هو الكالسيوم وبعض الفيتامينات والاملاح
fawzi
13-10-2010, 04:48 PM
الخلاصة الطير الي عندي مقصص جناحه بزياده ولا يقدر يطير
اتمنى انك فهمتني

اخوي انتبه لطيرك اذا انت مقصص جناحه كامل ممكن يحاول يطير ويطيح ويتعور لاقدر الله
H2ELL
13-10-2010, 04:49 PM
شكرا شكرا جدا على المعلومات اخي الكاكي
و
فوزي
وان شاء الله ما بقصر معاه من الكالسيوم والخس
H2ELL
13-10-2010, 04:53 PM
اخوي انتبه لطيرك اذا انت مقصص جناحه كامل ممكن يحاول يطير ويطيح ويتعور لاقدر الله

لأسف مو انا الي قصصته بس بخليه وبطلعه من القفص لتأكد ادا كان يطير او لا
وليد كاسكو
14-10-2010, 08:18 AM
الطير يغير ريشه معرتين في السنه وما يسمى بالقلش وكما ذكر الاخوان تتغير تصرفات الطير قليلا وهذه الفتره تكون في الخريف وبداية الربيع مع اطيب التمنيات لك بالتوفيق