وبكى محمد...دلوع ماما

[ام محمد]

بصراحة ...انا مالي غيركم بعد الله وهذا بسبب هذا الببغاء الغبي الي عندي له الآن ثلاث اشهر ونص شارينه من يوم جبته ما صفر إلا مرتين جوة البيت ولو طلعناه برة كاااااااااااااان يصفر بس الآن ما سار يصفر ابداً لو طلعناه برة او السطوح مستحيل يصفر ويعرف كلمة ادخل إذا سمعها دخل القفص ...
وإذا قله محمد بوسة يقرب منقاره من فمه:eek: ويعطيه منقاره.......
لكن اليوم محمد جلس يبكي http://www.asmilies.com/smiliespic/3dsmilies/36_1_4[1].gifزعلااااان لان ببغاءه ما يطلع على يده مثل ببغاء صاحبه اللي اشتراه في نفس الوقت تقريباً ولكنه ببغاء صاحبه اصغر منه في السن "لون العيون اسود بيتحول رمادي ":D وهو الآن يقول ويبكي ان نبيعه بكرة وانا احاول اقنعه انو ما يبيعه ابداً ..............
بصراحة إللي يحس بحيرتي يوجه كلامه لمحمد ويقنعه بــــــــــــــــــــــــــ
اما ان يقتنع ببغاؤه وانه احسن"مع اني اشوف انه بطييييييييييييء جداً في التعلم يمكن غبي...فيه ببغاء فعلاً يكون غبي ..أسأل ....:confused:


او انه يبيعه ويقنعه بنوع او وصف للببغاء آخر او طير آخر.
او انه مو شرط يطلع على يده او كيف يخليه يطلع على يده...مع انو ببغاءنا تاكو "هذا اسمه" وزنه ثقيل على يد ولدي ....والله زهقت من هذا الببغاء وقشور الحب إللي طول اليوم وانا انظف ...بس شسوي .....
بلييييييز اخواني واخواتي وجهو الخطاب لمحمد لانو هو الي قال اكتبي عنه وشوفي ايش رأيهم ولي يخليكم لماماتكم.

[bin dubai]

اختي بيعيه انزين محمد كم عمره اذا فوق ال10 انصحش تاخذين له ببغاء الدره المطوقة والله ذكية وفي اربع الوان له شي لون الاخضر وشي الازرق وشي الاصفر وشي الابيض بس ما انصحش في الابيض لانه يتوسخ انزين محمد اذا عنده ايميل خلي اكلمه وانا ذا ايميلي وبعدين ببغاء الدر كنت شاري واحد مدرب ويتكلم كلمتين ب 300 درهم في الامارات بس المحل بند وهو الريال قالي انه قيمتى 500 بس اخذته ب 300 واذا انتي من الامارات بعطيش واحد عنده ببغاء ملون قد الدرة بس غير وعنده كاسكو يتكلم ب 2500 عمره شهر والي ما يتكلم 1200 او 1500 moh_abdulla_2006@hotmail.com

[HAZZA3O]

يا اختي يكون الاحسن لو ابو محمد ولا محمد بنفسه كتب الموضوع عشان اقدر افهمه
لانه احس لوقلت لج مابتفهمين علييه

[تفاحه حمرا]

اختي البغبغاوات والحيوانات عامه تختلف في اطباعها مثل الناس ... يعني ممكن يطلع لج بغبغاء شقي وجريئ...ووممكن يطلع لج بغبغاء هادي ويستحي ....فيه بغبغاوات بسرعه تتأقلم...
فيه بغبغاوات مافي امل انها تتأقلم ..لدرجة انه كان عند اخوي (الرمادي) ولانه مش متعود على المكان ..ماكان يرضى ياكل من إيده ...لين ماات.. نصيحه اصبري للي عندج ..ولوشفتي مامنه فايدة..بيعيه واخذي غيره بس تكونين متأكده انه عالاقل يطلع على الايد..

[ام محمد]

bin dubai اشكرك اخي على ردك بس يقولو الدرة مش افضل من الرمادي وهو متعلق بالرمادي لانه اقتنع به حسب المنتدى.

HAZZA3O....شكراً على المرور ...اخي قول إللي عندك والله راح افهم ولو مافهمت انادي ابو محمد حتى يفهمني:confused:


تفاحه حمرا...ولوشفتي مامنه فايدة..بيعيه واخذي غيره...فعلاً اعتقد هذا هو الحل ...اشكرك حبيبتي.


ام محمد"مكة المكرمة"

[HAZZA3O]

اول شي ماقلتي لنا شونوع الطير الي عندكم

الرمادي؟

لو الرمادي فيه انواع

الرمادي فيه نوع مايجيد الكلام وفيه نوع يتكلم

والي اعرفه انه الرمادي طير مزاجي

على كيفه لو يبا يتكلم

بس ما انصحج بالدره

لانه الدره انا ما اسميه ببغاء انا بالنسبه لي نفس الحمام عندي قفص فيه يمكن 10 طيور كلهن الدره مال اخوي الصغير يربيهن

على العموم اتمنى انكم اتعاملون الطير ب هدوء ويوم بتعلمونه الكلام علموه بصوت واضح وقوي

وكررو الكلمه اكثر من مره

واسمحيلي ماقدرت اكتب كلام مفهوم لاني تعبان بروح ارقد لووول بااااي

[ام محمد]

نوم العوافي ...وشكراَ عل اجابتك انا فعلاَ نسيت اقول نوع الطير "ببغاء رمادي افريقي "لون العين اصفر وعلى الحدود اسود خفييييييف او رمادي....والله بعامله كانه ولدي بس مااااااااا يتكلم ابداً ...
المهم عندي اقنعوا حمودي اما يخليه او يبيعه...لانه يقول ابي واحد جديد بس ما تبيعي هذا لانه بيحزن عليه...................على فكرة كل شوي يمر على المنتدى يشوف ردودكم
ام محمد

[صويب الرمش]

اذا عيونه صفر فهذا دليل على كبر سنه بيعوه و اشتروا لكم واحد صغير وراح تكون خلال اسبوع بالكثير متوفره في اسواق مكة وجدة و أسعارها ماتزيد عن ال 1300 ريال وتروا الفرخ أو الببغاء الصغير في السن يتقبل أكثر من الكبير وتقدروا تحددوا عمره من خلال لون عيونه اذا كان اسود لون كل العين معناته انه لايزال صغير في السن و اذا كان بني مثلاً فهذا لا بأس به واذا كان لون العين اصفر ولم يتم تدريب الطير على يد شخص من قبل فلا تشتروه ابداً لانه من شب على شيء شاب عليه. :rolleyes:




و يا ولدي يا محمد ما يصلح تربي ببغائين في وقت واحد لانه اذا فيه عندك ببغائين ما راح يتكلم ولا واحد منهم لازم تبيع الكبير في العمر وتشتري لك واحد صغير احسن.

[ام محمد]

ولدي اسمه محمد وعجبني انك وجهت له الكلام بس... يا ولدي يا عبد العزيز

على العموم بدأت اقتنع انه ما ينفع فيه التدريب...ومصيره البيع ...اشكرك .
ام محمد

[كروان]

الحل تاخذون الببغاء ومعكم محمد وتروحون لأي محل طيور وتفهمون

صاحب المحل بمشكلت محمد وتطلبون منه تبديل الطير بطير اخر وتدفعون الفرق

لاكن انا احس ان الولد ماعنده صبر .. خلاص خذو له ببغاء جاهز ومتعلم ويتكلم ويطلع على اليد

هذا رايي .. لكن اذا عندكم احد له خبره في تعليم وتدريب الببغاء حلو خذو لكم واحد صغير

ودربوه وعلموه لاكن المسأله محتاجه خبره وصبر .. اهم الشي الصبر هذي كلمه حطو تحتها 3 خطوط

[bin dubai]

هلا اختي المهم بشوف محمد وبراويه انواع الببغاوات وبفهمه كل شي عن الببغاوات والصراحة الدرة اوكي حقه واسئلي مجرب ولتسئلي طبيب وانا كان عندي وحدة انثى وماشاء الله زينة اذا هو اول مرة يشتري ببغاء يعني اخذيله الدرة لان الكاسكو يباله عناية اكثر عن الدرة وبعد الكاسكو حساس اكثر

[fan]

الحل الوحيد انكم تبيعو الببغاء وتشترو واحد صغير
أو ببغاء مدرب وجاهز علشان ماتتعبو معاه.
واذا محمد يبغي ببغاء يلعب معاه وينبسط اشتري له الكوكاتو أحسن له

[كروان]

كلاااااااااااااااام fan صحيح

الكوكاتو عندما يكون مدرب واليف لعوب حنون مرح جداااااا يحب اللعب والحركه والرقص والطلوع على اليد والاكتاف وخصوصا اذا تعلق بصاحبه لاكن عيوبه مايحفظ كلام كثير .... القليل فقط

بعكس الافريقي يكون طبعه ثقيل شوي متقلب المزاج عنيد لاكن عنده قدره عجيبه على حفظ الكلام وحفظ ايضا جمل كامله

[ام محمد]

bin dubai
fan
كروان
اشكركم جميعاً من كل قلبي على آرائكم والتي اضاءت لي حيرتي بخصوص ببغاء ولدي ومحمد يشكركم من كل قلبه ...وقريباً سأطلعكم على التغيير الذي بني على آرائكم.


ام محمد

[كروان]

بالتوفيق

يامحمد

ان شاء الله

تحصل مرادك

ويهمنا يامحمد نسمع

اخر الاخبار

لكي نتطمن عليك

لان فرحتك وسعادتك

من فرحتنا وسعادتنا

[ام محمد]

اشكرك كروان على تواصلك معاي ان وولدي ...
وبمجرد ما ناخذ ببغاء جديد ...اخلي محمد يسجل في منتداكم ...وياريت تتواصلو معاه انت والأعضاء...
محمد ولدي الوحيد (11 سنه) عمره وحسب ما هو معروف عند علماء النفس ان الأفضل للوحيد عند والديه ان يتخذ حيوان او طائر فهذا تأثيره إيجابي على نفسيته ...وفعلاً لاحظت ان هذا الكلام صحيح...


أختكم ام محمد..

[aimmh]

ايييييييش هذه محمد ؟؟
صج تعبج :D

[ام محمد]

اهلاً...فعلاً تعبني بس بصراحة انا مستفيدة من وجود الببغاء في حياته.
شكراً على مرورك.