لمن لديه الرغبه في الترويض يدخل هنا

[x+x]

السلام عليكم ورحمة الله وبركاته
اخواني مثل ما انتم شايفين في الموضوع الي يعرف يروض الطيور او لديه ها الموهبه
ياليت يرسلي رساله على الخاص
لان انا عندي طير افريقي كاسكو جامبو عمره تقريبا 10 شهور العيون توها رمادي مابعد ابيضة
لاكن انا سراحه ما اعرف اروض ولا عندي صبر وطولة بال على الطير
اتمنى من الي يقدر يروض او يعرف محل للترويض الطيور في الرياض يعلمني ويرسل لي رساله على الخاص
وتقبلو تحياتي ..

[Bo-Danial]

السلام عليكم ورحمة الله

لو اخذت لك طير مروض ارتحت من مشوار الترويض

بس تدفع قيمة اعلى

لان هالطيور محتاجة صبر ،


الله يوفقك في ما تريد

تحياتي

[x+x]

الله يعطيك العافيه اخوي
انا كنت متصور اني بقدر عليه
بس شكلها صعب والله
هههههههههههه
بس ان شاء الله فيه ناس بتقدر عليه

[محبـه الكوكاتيـل]

صعب الحين نلاقي كاسكو اليــف وصحته زينـه :(

انتبه لاتعطيه ببغائك لاحـد ينافخ ويضرب الببغاء بعدين تجيه حاله نفسيـه وينتف ريشه

[امازون بلو فرونتد]

بس والله الطير الغير اليف افضل من الاليف لنو ادا اخدت كاسكو او اي طير اليف اخر

بكون متعود على الي روضه مو عليك انت ويمكن ينتف ريشه علشان فراقه

فانا انصح بطير الي مو اليف عشان يتعود عليك انت وادا على طولة البال يبيلك تفرغ نفسك اسبوع واحد بس

انا باشوف الي اسبوع وبكون متفرغ فيه

وبروض ببغائي بادن الله

[امازون بلو فرونتد]

صعب الحين نلاقي كاسكو اليــف وصحته زينـه :(

انتبه لاتعطيه ببغائك لاحـد ينافخ ويضرب الببغاء بعدين تجيه حاله نفسيـه وينتف ريشه

من قال هدا الكلام انا اي مره اروح محل الطيور اشوف

وشفت فرخ افريقي عنده كلمه بابا وكم كلمه ثانيه واليف بــ 3700 والطير يسمح للكل بالمسح عليه

ومايعرف حاجه اسمها عض وعيونه رماديه

[Bo-Danial]

الله يعطيك العافيه اخوي
انا كنت متصور اني بقدر عليه
بس شكلها صعب والله
هههههههههههه
بس ان شاء الله فيه ناس بتقدر عليه



انا اول ما شريت الببغاء كان وحش كاسر يهاجمك بكل ما لديه من قوة

عضته والدم على طول << الحمد لله مرتين عضني

ولا توقعت ان العمل محتاج كل هالامر لكن اصريت وقلت انا شريته للترويض

ولا كان بامكاني اشتري اليف وارتاح

لكن مع الوقت واستخدام طريقة السجادة معاه وطولة البال

الحين ولا أروع ما شاء الله

[x+x]

يعطيكم العافيه على التفاعل
بس اخوي ليك تبين لي وشي طريقة السجاده
وكم مدتها وكم يبيلها من يوم
انا اليوم حاولت امسكه بفوطه لاكن حسيت انه بدى يخاف واجد
فا خليت القفص مفتوح وجلست جمبه
فاياليت تعلمني وش طريقة السجاده وكم المده وكم يوم
وشكرا

[صاحب رأي]

أفضل شيء أنك أنت من يقوم بترويضه والمسألة بسيط بإذن الله

لأنه أنت حينما تقوم بترويضه تتكون لديك الخبرة في التعامل مع الطيور

وتتعلم من سلوكه معك أثناء التدريب أشياء مهمة وجوانب كثيرة عن الطير

ولكن حينما يتم ترويضه من شخص أخر غيرك سوف تكون أنت لا تزال ليس

مؤهل للتعامل مع الطير وسوف يفرض عليك الطير طريقة التعامل معه

كما يصير مع كثير من الأخوان حينما يقول لك شريت طير وكان في المحل أليف

وأصبح في المنزل غير أليف أتمنى أني أفدتك

أخيرا : من أجمل اللحظات هو أتقان الطائر ما تعلمه منك تحس بسعادة غامرة

[كرماوي اصلي]

والله انا زيك اول ما شريت الكاسكو حقي كان يزعق من بعد مترين هههه وياما مطلع لي الدم من يدي

لمرة من المرات حطيته في غرفة فاضية وطلعته من القفص وصرت اقرب عليه واقول راسك يجي ليعضني اسحب يدي شوي شوي على شان لا يخاف وهيك لتعلم ينزل راسه والان ماشاء الله عليه راسك على طول يعطيك راسه بوسة يعطيك بوسة تقول له يدك يعطيك يده ويمسك اصبعك كل هذا جاء مع الوقت اصبر ويتعلم ببغائك ان شاء الله

[x+x]

الله يعطيكم العافيه
على ها النصائح
بس يعني لازم اطلع الببغاء من القفص عشان يتعود علي؟؟؟؟؟؟؟

[صاحب رأي]

ممكن أن تجعله يتعود عليك وهو في القفص

من خلال الإطعام باليد وكذلك تقريب القفص منك

وممكن تجمع بين الطريقتين مثلا وأنت جالس على النت تجعل الطائر قريب منك

مسافة متر ونص لمدة معينه وتحاول تطعمه الطعام الذي يحب مثل الفول السوداني

بعد كم يوم إذا شفت الطائر ترك التوتر تقوم بتقرب القفص أكثر وهكذا إلى أن تحس

والقفص بجانبك طبيعي وغير متوتر ويأكل من يدك . وممكن بعد فترة تفتح له القفص

وهو بجوارك وهو يطلع على القفص وتطعمه من يدك وهكذا

أخيرا لا تستعجل خطوة خطوة ولا تجعله يجلس بجوارك كثيرا من ساعة إلى ساعة ونصف .

[كوكو كاسكو]

السلآم عليكم ..

ولا تجعله يجلس بجوارك كثيرا من ساعة إلى ساعة ونصف .
__________________

يعني اذا طولت معاه شوو بيصير .. ؟؟

لآنه أنآ عندي كآسكو .. و عادي أخليهآ عندي بالساعات ..

[x+x]

الله يعطيك العافيه
وبنحاول نجرب من اليوم
بنبدا الشغل معه
والله يعين

[حب استطلاع]

السلام عليكم ورحمة الله وبركاته
اخواني مثل ما انتم شايفين في الموضوع الي يعرف يروض الطيور او لديه ها الموهبه
ياليت يرسلي رساله على الخاص
لان انا عندي طير افريقي كاسكو جامبو عمره تقريبا 10 شهور العيون توها رمادي مابعد ابيضة
لاكن انا سراحه ما اعرف اروض ولا عندي صبر وطولة بال على الطير
اتمنى من الي يقدر يروض او يعرف محل للترويض الطيور في الرياض يعلمني ويرسل لي رساله على الخاص
وتقبلو تحياتي ..

طلبك هذا فيه مخالفة لقوانين المنتدى والإجراء إغلاق الموضوع

ولكن مشاركات أخونا صاحب رأي تحمل الفائدة بإذن الله

يبقى الموضوع حتى يستفيد الجميع

بالتوفيق لك

[محبـه الكوكاتيـل]

من قال هدا الكلام انا اي مره اروح محل الطيور اشوف

وشفت فرخ افريقي عنده كلمه بابا وكم كلمه ثانيه واليف بــ 3700 والطير يسمح للكل بالمسح عليه

ومايعرف حاجه اسمها عض وعيونه رماديه


شفــت ببغاوات كاسكو كثيـره مـرره
وبعضها صغار وبعضها يتكلمـ
بس انتي شفتي كيف اشكالهمـ
كيف صحتهمـ .!!
واغلبهم نحيفين جدإأآ !!
بعـد شهر باذن الله راحـ تجي دفعه طيور جديده وصحتها زينـه
لان دايمـ شهر 10 و 11 يكون سوق الطيور شبه فاضـي وكل الطيور مريضه

[fawzi]

اخوي الترويض سهل مايحتاج اي شيء بس النقطه المهمه الصبر وطوله البال يعني انت لازم تتعلم واذا اعتمدت على الغير في التدريب ماراح تعرف سلوكيات الافريقي اخوي الحياه تجارب مع البغبغاوات هي اهم شيء الطير يهديء واهتم في نظافه القفص وتغير الماء والاكل كل يوم وصدقني تدريجيا انت راح تمسح على الطير من نفسك الاموضوع يحتاج الي وقت

[صاحب رأي]

يعني اذا طولت معاه شوو بيصير .. ؟؟

لآنه أنآ عندي كآسكو .. و عادي أخليهآ عندي بالساعات ..

أخي كوكو كاسكو نحن نتكلم عن بداية الترويض

وأنا قصدت بتقليل وقت المكوث مع الطائر وقت ليس بكثير

حتى لا يكون هنالك ضغط على الطائر لأنه في البداية سوف

يكون قلق وخائف ولكن إذا تعود فجميل أن تخصص لطائرك

وقت كبير تجلس معه وهذا ما يجعله يتعلق فيك أكثر وأكثر

أخي حب أستطلاع شكرا لك على ثنائك على مشاركتي

[توكلت]

اخ x+xاذ تبي مروض لازم تلجئ لصاحب محل طيور مشهود له بالامانه يكون وسيط بينك وبين الشخص الي بيروض طيرك عشان تضمن مايضيع طيرك..
او تسئل عن صديق ثقه يعرف شخص يكون الظامن لرجوع طيرك سليم معافى
وبالتوفيق

[x+x]

الله يعطيكم العافيه على ها الردود
والحمد لله ان صاحب راي رد في موضوعي ولا كان الحين مقفل ههههههههه
الله يعطيكم العافيه
تحياتي

[كوكو كاسكو]

شكرآ أخوي صآحب رأي ع الرد

لآهنت

[توكلت]

اخ x+xانت طلبت شخص يروض طيرك مو شخص يعلمك كيف تدرب طيرك
على العموم شكرا لك واسف يمكن مافهمت قصدك:eek: