استفسار لخبراء اليلوناب

[يوفاوي الكويت]

السلام عليكم اخواني

هالموضوع يخص واحد من اصدقائي

عنده طير يلوناب مثل طيري

بس عنده مشكله


الطير اليف لدرجه لا توصف يطلع علي اليد من داخل وخارج القفص ويطلع علي الكتف

بس لما يشوف احد من الاطفال علي طول يعض صاحب الطير

بصراحه قالي الموضوع وحبيت احطها وابي حل لها

[الاثلة]

وعليكم السلام ورحمة الله وبركاته

اعتقد ان الطير يغار على صاحبه

ويا ليت لو يجرب مع اشخاص ثانين او طير ثاني ويشوف النتيجة

دمتم سالمين

[يوفاوي الكويت]

ما فهمت يرجى التوضيح

[متعب القحطاني]

اخوي يوفاوي

هلابك

طير الامازوني فيه غيره مره مره على صاحبه الي يحبه واكثر ما يغار على الاطفال والنساء
بس الاطفال اكثر

[متعب القحطاني]

على شان كذا يعضه منقهر منه

[يوفاوي الكويت]

وينكم

[الاثلة]

حياك الله اخوي

قصدي بارك الله فيك

ان الامزونيات تتعلق بصاحبها بشدة وتغار عليه بمعنى انه بمجرد ما يشوف صاحبه يلاعب الاطفال

او طير ثاني راح يغار ويعصب ويعض

والحل في اعتقادي انه يكثر من الجلسة مع الطير و الاطفال موجودين ولكن يحاول ما يلاعب الاطفال حتى يتعود

الطير على وجودهم

ودمتم سالمين

[يوفاوي الكويت]

اشكرك علي التوضيح

بس ابي حلول اكثر يا شباب

[مكاوي اصيل]

اخوي اليلوناب يغار لدرجه انه يعض صاحبه من القهر

وانا مجربها

لان جاني صاحبي ودايمن يجي عندي ويجيب طيره معاه وكل واحد يعرض طيره في المجلس صاحبي اخذطيري من يدي وحطه على يده الثانيه وكل طيير في ماشاءالله تخيل اليلوناب غض صاحبه لدرجه خرج الدم منه

[يوفاوي الكويت]

بصراحه مشكله هذي

وشنو الحل

[مجنون الامازون]

اخواني هذا مو موضوع غيرة ..

الطير احتمال كبير غير متعود على الاطفال ومن عادة الاطفال الجري والصياح بصوت عالي وايضا لاتنسى ان بعض الاطفال يحاول يأذي الطير وكما هو معلوم ان الحيوانات بصفة عامة تشم رائحة الخوف من الشخص الي حولها ويحاول يتفاداه بالعض او بأي طريقة اخرى .. وللمعلومية هذه الحركة حدثت معي شخصيا من اعز طير امازوني عندي ..

[يوفاوي الكويت]

اشكرك علي المرور بس شنو الحل

[cheetah]

بينى بينك انا اشوف الموضوع لصالحك دام الطير يغار
وهذا الشيء يحفزه يسوى لك الى تبيه
بالمقابل تكون الى جانبه

:)
اتمنى اوصلت الفكره