مو مترقع البورميس فيها ربو !!!!

[jassim99]

السلام عليكم
الي قاعد يصير معاي مو صج
البورميس بايثون فيها ربو اذا تنفست مثل ماتقول صدرها متنك يخرخش اذا تنفست
و امس بالليل عطيتها فار و رجعته اليوم رجعته كامل
هذي غير الي فيها نشله

[|| PyTHoN ||]

نفس المرض

سو الي قلتلك عليه ~
زيد الحراره هالأيام و قلل الرطوبه
افرش كلنكسات و كل يوم نظف
و نظف حلجها

و لا توكلها !

قلنالك لا توكل -_-

استمر على الي قلتلك اياه بموضوع النشله
و راح تصير زينه :)

[|| PyTHoN ||]

نسيت اوضحلك ،،

هذا التهاب بالجهاز التنفسي ~

[jassim99]

انا وكلتها على اساس ان مافيها شي بس اليوم اكتشفت انها مريضه
انا الصراحه ماعندي دفايه خاصه لهم بس التكيف مو شغال
عادي ولا لازم اشتري دفايه خاصه ؟
واذا لازم اشتري انا سامع عن شغله اسمها هيت روك ولا لمبه صفره عاديه ولا هذي الي يسمونها uv light ?
واذا هيت روك او يو في لايت من وين اقدر اشتريهم ؟

[|| PyTHoN ||]

الهيت روك ما ننصح فيه لكن هذا المتوفر -_-
لفه بقطعه من القماش عشان لا يحرقها
لأن مرات يصير حار حيل

من وين مادري بس شوف المحلات ~

[jassim99]

اذا ماتنصح فيها شرايك بالليت الأصفر مال الكتاكيت الي يدفي مو احسن
و ليش ماتنصح بالهيت روك ؟ شنو عيوبها ؟
انت شنو حاط ؟ هههههه

[|| PyTHoN ||]

انا أكثر من شي -_-"

بعضهم على ليتات و بعضهم هيت روك
انا صاف احواض داخل حوض كبير من جذي دافي عادي
بس ما يصير تبطل الليت 24 ساعه !

فانت شوف شتسوي و عيب الهيت روح مثل ما قلت
يصير حار حيل بدرجة انه يحرق الحيه يعني مو كلمره
مرات تصير

و مرات يخترب و يكهرب @@"

تمسكه تتكهرب يعني ديربالك ~

كل مره جيك عليه و لف قماش عليه و ما يصير شي انشالله ~

[jassim99]

انزين من وين اشتريها ؟ يعني محلات طيور ولا نفس لوازم العائله ؟
واذا حصلت دفايه صغيره اقطها داخل الحوض تنفع ولا لازم الهيت روك ؟

[|| PyTHoN ||]

لا تلقاها بمحلات الطيور

يبا مو شرط الهيت روك

المهم الحوض دافي
بتحط سنترال داخل كيفك المهم دافي مافي شي محدد
يعني بس مو تحط شي يجرح ولا يحرك الحيه تذكر الحيه
تحب تتدعس -_-

[jassim99]

قواك الله لاتعصب علينا -_-
ادري اذيتك بالاساله السموحه يالحبيب

[|| PyTHoN ||]

لا مو معصب @@"

اي استفسار حاضرين :D

.
.

[سمكه صغيره]

وش ممكن يكون سبب الالتهاب؟؟؟؟
لان انا كنت باكلها العصفور بس قلت لصديقتي خلي عصفورك عندك ما ابي يصير لزعفرانتي شيء
لان خفت سبب الي في ثعابين جاسم من الصوص

[jassim99]

سمكه جربي عادي حلات الشي تجربينه بكل حالاته <<<----- واحد حاقد

أنا أقول حاولي تشوفينلك هامستر حتى لو غالي بس أأمن والله لايوريج الي أنا شفته ولا يحطج مكاني
حاولي انج على قولتهم تزهبين الدوا قبل الفلعه يعني مو بعد مايمرض تشترين دفايه نفسي
اشتريها حتى لو زعفرانه مافيها شي
استفسار حق الاخ بايثون بس قبل من استفسر اذا بتزف خل الزف عالخاص ههههه
الحين اذا شريت هيت روك شلون أحافظ على درجه حراره معينه
وبخصوص الرطوبه شلون اسوي رطوبه وشلون أتحكم فيها عاليه ولا واطيه ؟

[|| PyTHoN ||]

اذا عندك جهاز يتحكم بالرطوبه اوكي

اذا لا اقعد رش ماي ببخاخ و تحافظ عالحراره بشطارتك -_-"
يعني لو كان بارد حط دفايه زياده لو حار قلل :)

______

اسباب الإلتهاب

المسك زياده عن اللزوم او المكان وصخ و قعدت فيه
الجو بارد عليها او الجو يتغير عليها فجأه بشكل كبير
يعني من الحوض دافي حرارته 28 للغرفه حرارتها 18

.
.

وكليها عصفور عادي :)

[سمكه صغيره]

انا اجاوبك على الأساله حقتك بدال بايثن
بس قبل
والله خايفه من عيون الأعضاء الصاروخيه
والله امس اختي فجئه رأفت في حالي و قالت بتربي هامستر لما دخلنا محل حيوانات نسأل عن فيران
شافت هامسترين سوري ذكر و انثى
قال لنا راعي المحل الانثى حام و تولد بعد شهر
بس اليوم الصباح انصدمنا انها ولدت
الحمد لله يا رب و أذكرو الله

اما عن أسالتك
كيف تحافظ على الحراره
الحراره ما منها مشكله اهم شيء ما ترتفع و تنخفض فجئه
اما عن الرطوبه انا استخدم مرش ماء يسوي رذاذ
زي علب العطور زي الي اول يستخدمونها في كوي الملابس
كل شويونات اروح ارش على الإقوانا و زعفرانه
بكذا موفره لهم الرطوبه

[سمكه صغيره]

سبقني بايثن
^_^
لا مو مأكلتها خفت عليها

[|| PyTHoN ||]

دام استفساراتكم وايد الي يبي يدزلي ايميله عالخاص
صار ضغط بالمنتدى منكم -_-"

ههههههههههههههههههههههههههههههههههههههههه :D

[سمكه صغيره]

لووووووووووووووووووووووول
بس كذا الكل يستفيد
ولا اقول ورا ما نشوف موضوع عن امراض و المشاكل الي تواجهنا بالتبريه و يكون مثبت؟؟؟؟
لان ما شفت موضوع كذا

[|| PyTHoN ||]

ما راح ينفع لأن الأدويه مو متوفره فلو شي ما راح اييبونه ~
بنشوف و نطالع حل ثاني يعني بالعربي الموضوع ما ينفع
و لو صار شي غريب أسأل الي تعرفهم ^^"

.
.

[jassim99]

شريتلهم كل وحده دفايه
تتوقع اخوي بايثون خلال جم يوم يصيرون زينين ؟

[|| PyTHoN ||]

ولله على حسب المرض شلون منتشر
يعني لو تشوف الفقاعات تصب من حلجها وايد يمكن تطول شهر !
و لو عالخفيف يعني بحلجها اسبوعين لو بس من داخل و شوي
يطلع من جدام تقريباً اسبوع ~

و يختلف من حيه لحيه حتى لو من نفس النوع و الحجم :)

من جذي أقولك كل ما تكون أسرع العلاج يكون أسهل

لأن راح ينتشر لو اهملت ~


لا مو كلهم انا مسوي تقسيمه في حوضين داخل حوض
و دافين فما حطيت الهيت روك :D

و واحد بره بروحه حطيت 2 لها + ليت

لأن مكيف 24 ساعه -_-"

[jassim99]

الله يبشرك بالخير لان ما اشوف الفقاقيع الا اذا فتحت حلجهم و الالبينو اذا تثاوبت اشوف شي لزج بين الفك السفلي والعلوي وماقام يطلع شي من خشمها
وراح اخلي مكانهم جاف لي باجر يمكن يتحسنون اسرع ولا شرايك ؟
وعندي استفسار ابي منك انت بالذات
شرايك بالرد تيل بوا ؟ حلوه نفس البورميه بالتربيه ؟
محصل وحده طولها تقريبا ٥٠ سانتي وجم سعرها تقريبا عشان مايقص علي و اقدر احطها مع وحده من البوريميات بنفس الحوض ولا لازم احط البوريميات بحوض و الرد تيل بحوض
تسوا ولا الي عندي يسوونها ؟
ورب الكعبه ادري انك زهقت من اسالتي الي ماتنتهي بس ماعرف احد يربي هالسوالف
مالنا غيرك يالحبيب الله لايحرمنى منك ولا من معلوماتك

[|| PyTHoN ||]

يلا الحمدلله بس استمر عالتترا سايكلين مع التنظيف اليومي
و تبدل الماي كل يوم و كل الحوض جاف هالفتره مو بس لباجر
و شمسهم حطهم بماي في تترا سايكلين و خلهم بالشمس
شوي ، عشان يشربون شوي و يفضل كل وحده بروحها ، و لا
تخليهم ويا بعض هالفتره ^^

أساساً يفضل كل وحده بحوضها :)

بالنسبه للردتيل بالنسبه ولله حلوه ~

بس لا تكثر تعلم لهم عدل عالجهم و سنعهم و اطلع فيهم طلعه
و لين تفهم فيهم عدل و تعرف مشاكلهم و التعامل معاهم بعدها
إخذ و العب فيهم لعب

إهيا كشكل حلوه بس هجوميه أكثر من البورميس :D

ملاحظ البورمس ما يسوون شي بس الرد تيل ينبطون فيك مرات :D

بس مو مشكله عادي ~

ولا لازم بروحها ، أصلاً يقولون مو زين تحط حيتين من نفس النوع
مع بعض !

شحال تحط أنواع غير و احجام غير !

تسوى ولا ما تسوى هذا تقديرك ، بالنسبه لي عندي أهي احلى
نوع من الحيايه كلهم ~

غيري ما يحبونها الشي راجعلك

و السعر من ديره لديره يختلف :)

[jassim99]

انحححححش أنا باطين جبدي الي عندي لانهم ساعات يفحون ويهاجمون هذي اكثر ؟؟؟
لا والله كشيت منها خل أتعلم عالي عندي بعدين يصير خير لان بخاطري هذي والكورن سنيك والي وايد داشه مزاجي بس خايف منها الشبكيه هذي جد اتمناها بس بعطي نفسي بعد شهر لين أتمكن

بقولك شي.... الدوا مالقيته بس لقيت الدفايه... :s
ماتصير زينه بدون هالدوا ؟؟؟

[|| PyTHoN ||]

هههههههههههههه

شوف انا أقولك الرد تيل أرحم من الشبكيه بوآآآآآآيد
الشبكيه تحسسك معاك كوبرا :D
تخيل لما امسكها من ورا تلف راسها و توجه علي &&"
و انت تسبحها ما تتحرك تقعدلك وضعيه الإستعداد يعني
تمسك تعطيك أحلى حلاوه :D
شوي فيهم فصله الشبكيات الرد تيل أحسن ~

تذكر و اهم صغار جذي ~

لو كبرو شلون :D

عضة الصغيره عادي بس الكبيره مشكله شوي

بس مو مشكله لو حابها اخذ و توكل على الله :D

[jassim99]

لا والله كرهتها
انزين ماجاوبتني بخصوص الدوا عادي بدونه ؟ لان مالقيته
الالبينو قامت كل 5 دقايق تتثاوب عادي ؟
وقامت لمن تحرك راسها مثل ماتقول تطق رقبه مثل رجفه ولونها صاير باهت

يمكن تبي تغير جلدها صح ؟

[|| PyTHoN ||]

ولله لازم هالدوا يعني شلون تتعالج -_-"

لون عينها صار ازرق ؟

[jassim99]

لا اتوقع الالبينو ماتصير عيونهم زرقه
انزين مافي بديل للدوا لاني مو محصله

[|| PyTHoN ||]

لا تصير ^^"

الي عندي صارو زرق بس مو نفس العاديه ~
تكون على بنفسجي شوي بس يعني ان شفت علطول
بتقول أزرق :D ماله داعي الدقه الزايده :D

مادري ولله انا اعرف هذا أشوف أسأل ناس

[jassim99]

الله يسهل بانتظار الرد

[TNT]

اذا المشكلة ما زالت مستمره معاك راسلني على الخاص

[jassim99]

اخوي TNT المشكله لازالت مستمره
حاولت أني ادزلك رساله خاصه بس مو راضي يضبط معاي
ومو قاعدين يتحسنون نهائيا :(

[jassim99]

شكله الاخ TNT مايدخل هالقسم كثير الرجاء من الي يقدر يرسل رساله خاصه يبلغه فيها ان المشكله ليلحين مستمره معاي


طريقه التنظيف قمت اخليهم يعضون كلنكس (منديل) هل الطريقه هذي تظر الثعبان ؟

[|| PyTHoN ||]

لا لا بقطن أذون أحسن

بس الأحسن قطعة قماش مو الي تصير جنها صوف
هذيك ما تعلبك فيها

اقولك كلمت واحد قال دامه بالديره ما عنده تترا سايكلين
خل يسأل بيطري عن دوا مثل مفعول التترا سايكلين ~

مالك الا هالشي :)

> مادري شلون ما فكرت فيها :D

زيد مشاركاتك و تقدر تكلمه عالخاص

[jassim99]

بزيدهم ان شاءالله والحين بروح البيطري بساله بس تقدر تدزلي السبلنق ماله بالانجليزي ؟

و سولي خدمه تكفه دز حق tnt رساله عالخاص وقوله عالاقل خل يدخل يشوف الموضوع او يرد علي عالخاص
اتوقع اني اقدر استقبل بس ما ارسل

[jassim99]

اخوي بايثون دورت بديل للدوا محد عارفله ليمن مستشفى بيطري في دكتوره صينيه قالتلي ييبهم و افحصهم
بعد ماجيكت عليهم عطتهم كل وحده ابرتين :( قطعو قلبي مع ان ماعندي قلب بس صغار مايتحملون ابر :(
ان شاءالله يتحسنون بأسرع وقت

[|| PyTHoN ||]

ولله مادري شقولك :D

دامها صينيه أخاف الأبر بعد كخ :D

يتشافون انشالله

> و كلمتلك TNT

[jassim99]

قواك الله يالزلم عساك عالقوه
ماشاءالله عليك بايثون محترف بهالمجال ابي اعرف شنو توكل الثعابين الي عندك و هل تربي غذائهم ؟ سواء كان فيران او هامستر او مادري شنو بعد يتربى ولا تشتري ؟
اذا تربي شرايك تنزللنا معلومات عن طريقه التربيه والمستلزمات وخلال شكثر يتكاثرون و يكبرون
هذا طبعا اذا عندك وقت
بهالشي راح تعم الفايده للكل
أنا قريت موضوع عن الجراد بس مالقيت للفيران

[|| PyTHoN ||]

فار لا اخاف منه :D

اربي هامسترات و ما يحتاج احط لأن اكيد موجود بقسم القوارض
اصلاً ما يبيله شي كل شهرين يولدون تقريباً :D

حاليا ً اوكلهم كتاكيت < حاشني جفاف :D

.
.

[jassim99]

والله شكلي بربي هامسترات احسن من ما اشتري فيران
انزين أنا الدكتوره قالتلي عطهم فيران صغاااار باجر قصدها عن اليوم
لكن الي حصل كالاتي ::: الفار ايي صوبهم وينحاشون خايفين من فار حجمه نص حجم الي دايمن ياكلونه قمت احط أعذار لان الالبينو كانت تحاول انها تهاجم وموقاعده تحوشه صح
قلت يمكن صغير وسريع وموقادره تصيده شلته بمنقاش من ذيله واحطه عند ويوههم خايفين منه وينحاشون مع انهم موصخين حشاك وصايرين ضعااااف كلش... خايف ان مافيهم عافيه يقاومون المرض... صار معاك هالشي ؟

وعندي بعد استفسار لقيت اليوم لمبه للزواحف اسمها انفراريد يقول هذي زينه حق لون الحيه بس مادري ليش خفت ولقيت لمبه يو في يطلع سعرها ٣٣ دينار مو جن وايد ؟؟؟ ولا هذا سعرها ؟
ماخذيتها ابي رايك

[jassim99]

والله شكلي بربي هامسترات احسن من ما اشتري فيران
انزين أنا الدكتوره قالتلي عطهم فيران صغاااار باجر قصدها عن اليوم
لكن الي حصل كالاتي ::: الفار ايي صوبهم وينحاشون خايفين من فار حجمه نص حجم الي دايمن ياكلونه قمت احط أعذار لان الالبينو كانت تحاول انها تهاجم وموقاعده تحوشه صح
قلت يمكن صغير وسريع وموقادره تصيده شلته بمنقاش من ذيله واحطه عند ويوههم خايفين منه وينحاشون مع انهم موصخين حشاك وصايرين ضعااااف كلش... خايف ان مافيهم عافيه يقاومون المرض... صار معاك هالشي ؟

وعندي بعد استفسار لقيت اليوم لمبه للزواحف اسمها انفراريد يقول هذي زينه حق لون الحيه بس مادري ليش خفت ولقيت لمبه يو في يطلع سعرها 33 دينار مو جن وايد ؟؟؟ ولا هذا سعرها ؟
ماخذيتها ابي رايك

[سمكه صغيره]

شيك على الخاص
ارسلت لك موقع للمبات الـuv
بس على العموم الانوار هذي مو زين تشغلها طول اليوم مو زين لك انت قبل الثعبان
لان هذي زي اشعة الشمس و دايم يحذرون الناس الي تتشمس ان مايقعدون كثير بالشمس
لان هذي الاشعه فعلا فيها فيتامين (د) بس الي يزيد عن حده ينقلب ضده
ممكن تسبب السن كانسر او التهابات بالجلد او مشاكل بالبصر
لو بتشتريها كون حاسب حساب انك ما تخليها و تنساها
و الله يحفظك و يحفظ لك ثابينك من كل شر
^_^

[سمكه صغيره]

و عن الهامسترات
والله الاهتمام فيهم شقى
ريحتهم كريهه خاصه لما ولدت صار كل شيء مقرف
ما اقدر انقلهم علشان اغسل الحوض ولا اقدر اسوي شيء
صابره على ريحتهم بس علشان زعفرانه

[|| PyTHoN ||]

^

غريبه ولله انا عندي عادي مو هالزود الريحه ~

المهم البس دس و حط الفيران جدامه و اقعد قلب فيهم و حط صوب ويوهم
ان ما كلو فيهم عله -_-"

الله يعينك -_-"

[jassim99]

شرايكم أذبحك الفيرام وأحطهم بحلوجهم ؟
تره أنا خليت الفيران باحواضهم من امس بس لي اليوم موجودين
شباب احد صار معا جذي من قبل ؟
و اذا اي هل الثعبان عاش ولا مات ؟؟؟؟؟

[|| PyTHoN ||]

صارت و الحيه تعافت

ظلت شهر و نص ما كلت -_-"
انشالله تعدي بسلام :)

ما كان المفروض تاخذ 2 من البدايه :D

و دامهم ياكلون ما انصحك تغصبهم عالأكل ~
الإجبار حق الي ما ياكلون ،،

[jassim99]

غلطت يوم خذيت 2 بس اللونين كانو بخاطري وماحبيت اخلي شي بخاطري وهالغلطه ماراح تتكرر
والاخ تي ان تي دزلي رساله وحاولت ارد عليه هم ماقدرت
بس برد عليه هني
اللون :- عندي ثنتين فيهم نفس المرض اللونين الالبينو والعاديه
وحاطهم كل وحده بحوض بروح حجم الحوض 70سم
وعمرهم ماعرفه بس طولهم تقريبا 80 سم
ان شاءالله يشوف الموضوع ويكون عنده حل لاني انا تعبت نفسيا

والاخت سمكه مشكووووره عالرساله وشفت الموقع وفعلا الي انا شايفها غاليه
اخوي بايثون بجرب ادزلك رساله عالخاص واذا وصلتلك رد علي برساله خاصه بجرب اذا اقدر ادز ولا مو راضي ليلحين