فزعتكم يا شباب تراني ما عرف وايد عن الحمام

[اماراتي و افتخر]

السلام عليكم

بسم الله الرحمن الرحيم

انا ناوي اربي حمام

فقلت بيب قفص خشبي و بحطه بالسطح

اللي اعرفه انه لازم اقص جناحهم و خليهم تقريبن اسبوعين بالقفص بعدين اهدهم الصبح و اسكر عليهم المغرب و اعطيهم العلف المخلوط من المطاحن و الاسواق و احط لهم ماي

بس هل كل معلوماتي صحيحية؟؟؟؟

كيف اقص جناحهم ؟؟؟؟؟

انا ابي اربيهم عشان ينتجون و هواية بعد شو افضل نوع لي ؟؟؟؟


و هل عندكم اضافات او ملاحظات ؟؟؟؟


و ارجوكم اذا عندكم نصايح لا تبخلون

اتريه ردودكم


:confused::confused::confused::confused::confused::confused::confused:

[عاشق الكاسكوو]

1- لا تق جناحهم لان هم راح يكونون في القفص
2- اشت زاجل حمام يدل البيت و ذكي
3- حط لهم ماي و اكل <شي اكيد
4- اذا كنت شاؤي حمام زاجل بعد 3 اسابيع علاشان يتعودون و طيرهم راح يفرون فوق البيت و المغرب راح يرجعون في القفص
5- اذا شريت غير الزاجل و طيرته راح ينحاش يهرب ما يرد
ف احس الطيور الزاجل

[الموج الازرق]

اخوي اماراتي انا في حمامي كله اسوي طريقه حلوه هي انك تشلع الريش من الجذور فقط 5 او 6 الريش الاولى
والماءوالسكر ماهي لازمه نعني يكفي مويه بس احسن شي تخليه يتمشى عند الباب وحول القفص نعني تفكها العصر وهي ترجعلك المغرب وبكذا تكون تعودت على الطلوع ثم الدخول وانشاء الله اذا طارات ماتضيع او تنحاش زي الحمام الزاجل احذر تشتريه ثم تطيره لان ماراح تشوفه

قص الاجنحه مثل ماقلتلك مصع من دون قص القص في حاجه واحده زي الحمام الزينه علشان مايضيع بس للمشي
وانا انصحك بمصع الريش السته الاولى مصع نعني تل او شلع وبعد شهر بالضبط سوف ينبت الريش


بالنسبه لافضل نوع للهاويه
فيه انواع مثلا الحمام الطيار او القلاب الطيار زي مثلا الهندي المعروف بالبكستاني والقلاب اشهر نوع عندنا في الخليج اتوقع القطيفي
والباكستاني مثل ماقلتلك طياران عالي وممتاز وخفيف الجسم وانتاج جميل جدا جدا جدا لدرجة ان الصغيره تصبح بالغه وتتزاوج مع ذكر اخر وحضانه للفروخ لايعلى عليها
والقطيفي جيد لابأس به ولاكن ليس مثل الباكستاني انتاج حلو وحضانه جميله
وانصحك بحمام الزينه اذا كنت ماتبي الطيران والمهارات الهوائيه زي الباكستاني والقلاب القطيفي
مثلا انواع الحمام الزينه عندك ابو فوطه الرقاص لونق فيس وغيرها من الانواع الجميلة الشكل
اما انتاج حمام الزينه فغالبا متعب وليس جيد في الحضانه وخاصا حمام ابو فوطه متعب جدا في الحضانه لدرجه ان الانواع النادره تحتاج طيور حاضنه زي الزاجل
الزاجل انصحك انتاج افضل من الباكستاني وحضانه هي الاولى بين الحمام كله
والله انصحك فيه مسلي جدا اذا كنت تبغا المتعه نعني تعمل انت واصدقائك مسابقات مثلا تضعه بعد مسافة كيلوات سوف يرجعلك وذالك على حسب نوع ومستوى الطير بعضها تقطع الاف الكيلو مترات طبعا هاذا النوع غالبا غالي جدا

بالنسبه لنصايح والملاحضات والله اكتفيت بهاذي الاجابات الطويله جد انشاء الله الاجابات فيها نصايح راح تلقا دور وتحصل انشاء الله


واتمنى اني افدك
وشكرررررررررررررررراا

[fotoo]

ماقصر الشباب

[اماراتي و افتخر]

مشكورين و جزاكم الله خير بس انا بربيهم فوق البيت شو احسن شي يروح و يرجع

زاجل بكستاني قلاب شو ؟؟؟؟؟؟؟؟؟؟؟

[عديل الروح]

والله اخوي انا بعد مثلك جاي فبالي اربي حمام وبلفعل ربية والحين انتضر الانتاج

[اماراتي و افتخر]

هل الحمام الفرنسي الابيض او الكويتي او الباكستاني اذا هديتهم بعد 2-3 اسابيع يردون القفص؟؟؟؟؟؟؟؟؟

و اذا ابيع حمام وين اسوقه بالمحلات بسوق الحمام و لا لاشخاص تراني ماعرف حد يخصه بالحمام ؟؟؟؟؟

[اماراتي و افتخر]

وينكم يا شباب ؟؟؟؟؟؟؟؟؟؟؟؟؟؟؟

[الموج الازرق]

ياخي اي حمام اذا هديته بعد شهر طبعا شهر المضمون ام 2 _ 3 اسابيع ماجربتها لاكن انصحك بشهر منها تخلي الحمام يتوالف مع المكان ومنها تفكه علشان يتمشى الا الزاجل طبعا وحمام السخور البري
الحمام الزاجل تفكه وخوصا اذا كان عطشان خطر انه يغادرك ويذهب الا صاحبه وخصوصا اذا كان قريب كم عندكم
حمام الصخور اوالبري هو زي حمام الحرم الي في مكه تعيش في جماعات كثيره واذا ماتعرفه ابحث في قوقل عن الحمام الصخور او الحمام الحرم



بالنسبه للبيع انا ماني اماراتي لاكن بقولك الي اعرفه

عادي الي تبا شف الي في الحي والي في السوق الحمام والحراجات
ولا على الهنود تراهم يحبون الحمام
ولا على المزارع

وشكرا

[عزيز_الخرج]

نصيحتي اذا انت مبتدئ لا تربي زاجل لانه متعب شوي

افضلك القطيفي

[اماراتي و افتخر]

مشكورين جزاكم الله خير

[سبيشل 511]

آخـوي آمآرآتي خذها مني نصيحه لا تربـي زآجل لانه بيتعبك حيل وآفضل شي آنك تربي هـندي الي هـو بآكستآني لان آنتآجه سريع جدآ جدآ ويتوآلف على طول يعن لو بيض وفقس فكها ويرجعلك وآحسن لك شهر عشان تضمن الحمام حقك ما يروح مايرجع لك او القلابـي والي يرجع لك على طول يعني قبل العصر قلابي عقـد تقريبآ بي 100 الى 140 ريآل سعـودي القلابي ذا يقلب حتـى بالعشه اما القلابي العايدي يقلب في الجو بس وقيمته 50 او 40 ريآل وآنشآءلله اكون عطيتك نصيحه

وعلى فكـره الحمام الفرنسي الابيض (لاحــم ) ذا خله شهرين عشان يرجع لك لانه توالفه بطي شوي

[سبيشل 511]

شووف توقعي هاذا الحمام الاحم آو الفرنسي عــندي انا منه 4 آجوآز

[لازم نت]

اخوي نصيحة لا تستعجل
بالأول اطلع وجمع معلومات حول الحمام واهم شي حدد وجهتك وهدفك
هل هي هوايه...تجارة....اشتراك بمسابقات....
لأن كل نقطة من الي ذكرتها لها ناسها وحمامها ايضا
وبالنسبة لتسويق والأسواق لا تشيل هم لأن اهل الخليج بصفه عامه
مشهورين بتربية الحمام وحبهم لهذه الهوايه وخصوصا عندكم بالإمارات إذا ماني غلطان
سوق كبير ومزادات كبيره جدا بس يمكن انك ما قد اطعلت عليها الا لو تبحث عنها راح تحصل كثير
واذا كنت تبي التجاره انصحك بحمام الزينه لكن بعد الإلمام التمام من جميع النواحي
تقبل مروري