واخيراً ولله الحمد جانا ببغاء !! ساعدوني يا اهل الخبره

[M!ss LoLo]

السلام عليكم ورحمة الله وبركاته

اخواني الأعضاء

من فتره طويله واحنا نطلب من بابا يشتري لنا ببغاء

والحمدلله امس راح اشترى واحد ذكر عمرو بين 6 او 7 اشهر على حسب ما قال الرجال :confused:

وطبعا اول ما جا اخواني قعدو عندو يتفرجو عليه << لابد من اللقافه :D

وهوا كان يزعق طول الوقت << مره كان مزعج :64:

وقمت انا دخلت المنتدى وقولت خليني اقرا شويه عن الببغاء وترويضه

وقريت مواضيع وشفت مقاطع يا كترها للعضو " سكر " وطريقة ترويضو للببغاء

وحابه الببغاء حقنا يتروض زي الي بشوفهم هنا :rolleyes:

بس هل اقدر انا اروضو بنفسي ؟ خصوصا انو ولا واحد من اخواني مهتم بترويضو ولا حتى بابا

كلهم معتمدين عليا وانا خايفه انو يعضني :(

وبعدين متى ابدأ اروضو بعد يومين من وجودو في البيت ولا متى ؟!

ومتى يبدأ بالكلام ؟

واقدر أأكلو خضروات وفواكه ولوز في سنو دا ؟!

ساعدوني وجزاكم الله خير

[SILVER LOVER]

انتِ قلتي كل هذا ولا ندري وش نوع الطير ولاكن ما علينا بالنسبه للترويض

اكيد لابد هواش ومعارك والي يفوز هو الفايز << احلف :D

ولاكن خليه يتأقلم على البيت لمدة اسبووع

وابدئي الترويض
ولاكن اي نوع الطير

[وليد كاسكو]

اختي الكريمه اول اتركي الطير عشر ايام ويفضل ان يكون القفص مروفع عن مستوى الارض متر الى متر ونصف وبعد ذلك قومي باطعام الطير من بين الاسلاك لمدة اسبوع او اسبوعين بعد ذلك افتحي باب القفص واربطيه بشيء كي يخرج الطير خارج القفص ولكن يجب ان يكون مقوق الاجنحة ملاحظه حاولي ان غيرك يقص الاجنحة كي لا يكرهك الطير وعليكي بترويش الطير او بخه بالماء مع ملاحظة عدم وجود تيارات حاره او بارده من الهواء وبعد اتمام هذه المرحله تواصلي معنا في المنتدى وسوف نقوم بالمساعدة انشاء الله بالتوفيق

[عبدالله عبدالعزيز]

الف مبروك الطير

مدري حسيت انه كاسكو

مثل ماقالو الاخوان

خليه من اسبوع الى ثلاث اسابيع خليه يتعود على جو البيت
كل الي عليك تسوينه انك تحطين له اكل وموية
وحاولي انه محد يجي ويخوف الببغاء او يزعجه باي حركة
وخلي حركاتك مررررررررة هادية قدامه

وبعدها ابدأي باطعامه من خلف الشبك حق القفص
انصحك تبدين تأكلينه من ايدك الفول السوداني بحيث تكون ايدك بعيدة عن منقاره عشان ما تكون فيه اي فرصة للعض
وبعدين ابدي معه بالفصفص وشوفيه
وترا عااااااااااااادي جدا انه ياخذ الفصفص ويرميه بس لازم تكونين مجوعته من 5 الى 8 ساعات << بحسب مدة جوع الطير

وان شاء الله بعد فترة بسيطة يصير معك مثل الحمامة

[كاسكووووو]

ممكن صورة لعين الطير علشان نتأكد فرخ ولا لا

[M!ss LoLo]

يعطيكم العافيه اخواني على المرور

ومعليه والله نسيت اقول ايش نوعو لاني ما اعرف انواع الطيور واسماءها :o

بس الي عندنا لونو رمادي وديلو احمر << دا الي اعرفو بس :p

وبالنسبه للصور مو راضي يفتح معايا حق التحميل

وانا راح اسوي الي قولتو عليه

طيب اقدر دحين اديلو فواكه وخضار وفول سوداني ولا بعدين لمن يتأقلم ؟!

وبعدين متي يبدأ في الكلام ؟

وجزاكم الله خير

[SILVER LOVER]

بالنسبه للكلام على حسب الطير

اما بالنسبه للأكل عطيه اكل

عشان يرتاح ويحس انك تحبينه

وهذا نوعه افريقي { كاسكو }

[M!ss LoLo]

اعطيته اليوم خس مو راضي قاعد يزعق

بس احسو انو بدأ يتعود عليا شويه شويه

حتى لمن سرت اقرب منو ما يزعق كتير

بس لمن احاول ادخل يدي يقوم يزعق في ديكا اللحظه

[SILVER LOVER]

شوي شوي

توك جايبته ماله ولا يومين

اذا تم اسبوع انشاء الله راح يهجد

وحاولو تنسونه التجعير بعدم الازعاج

[الكاكي]

اتركه 10 ايام لكي يطمئن بارتفاع 1.5متر
وبعدها ابدا الترويض وتعويده على الفواكه والخضار

[M!ss LoLo]

شوي شوي

توك جايبته ماله ولا يومين

اذا تم اسبوع انشاء الله راح يهجد

وحاولو تنسونه التجعير بعدم الازعاج


يعني دحين مره ما اقرب منو ولا حتى اديلو شي :confused:

وبعدين من ناحية الإزعاج كم مره كلمت اخواني على اساس انهم مايزعجو :(

بس ولا كاني اقول شي :64: :64:

يقربو منو ويخلوه يزعق كتير

وحتى امس بابا جا ودخل يدو عندو وقعد يزعق هو بقووه:(

[M!ss LoLo]

اتركه 10 ايام لكي يطمئن بارتفاع 1.5متر
وبعدها ابدا الترويض وتعويده على الفواكه والخضار

يعطيك العافيه اخوي عالمرور

[g.s.990]

^^..

اول قواعد الترويض لا تخاف من العض

الثاني الصبر الصبر

خليه فتره اسبوع كفايه

وبعدين روضه

ونصيحة استعمل طريقت المويه

الي سكر كاتبها

لك سلامي

[M!ss LoLo]

يعطيك العافيه اخوي عالمرور

بس ايت طريقة مويه الي كاتبها سكر انت تقصدها ؟!