تسجيل الدخول

مشاهدة النسخة كاملة : جنني ها القطو

RoMeO
10-02-2007, 11:04 AM
سلام حبايبي

اولا انا واعوذ بالله من كلمة انا عضو جديد وبصراحه لقيت منتداكم ملئ بالخبره والمعلومات القيمه

ادرى طولت عليكم..

عندي القطو حقي توم (شيرازي) ومجنني

ماينقي الله يكرمك الا يبول ع السياره و الجواتي حقتي

ادري ان القطو يحدد موقعه من الاعراب قصدي المملكه حقته لووول من البول بس مو لدرجه توني بالبس الجوتي الصبح باروح الدوام اشوفه مبلل..

لا ولا عاد البول ع السياره يادوب توني مغسلنها يجي يبول لي ع الرفرف او فوق القزازه والا ع الكبوت.. افف زهقت

البارحه مستانس انا ومغسل السياره وطاقها تلميع لا ومصدق حالي شاري لي تلميع ماغواير واكرف ع الموتر 3 ساعات

خشيت اسبح ما اشوف الا توم ناصب حاله منسدح ع الكبوت تقول تمساح و ع الرفرف بول لا وداس ع الماي اللي في الارض وبصم لي ع الموتر..


وش الحل

شكلي باشتري لي سم فيران واحشي له دجاجه لووووووووول

يعني يا اخلى موتري معدوم ومبقع بالبول يا اني انظف البول ويرد يسويها مره ثانيه

القهر انه يوميا ع الاقل يبول ..لا وداخل البيت قمة الادب والنظافه :confused:
Dominique
10-02-2007, 11:21 AM
يا هلا ومرحبا فيك أخوي

المنتدى منتداك والقسم كله لك

الظاهر والله أعلم ان قطك في مرحلة تزاوج

لأنك تقول انه يبول وما ذكرت انه يخرج في غير مكانه ( أكرمك الله )

فالبول في أماكن خارج الحمام الخاص فيه يعني انه مثل ماقلت يحدد مملكته

فالتالي:

يا أنك تييبله أنثى يتزاوج معاها ويفكك من الوساخة

أو إذا ما تبي تزاوجه تسويله اخصاء وترتاح

وانشالله الي عندهم قطط ذكور يفيدونك أكثر


أختك دومينيك
.
.
.
RoMeO
10-02-2007, 11:33 AM
المشكله اختي انه اول ماشريته من عند وحده امريكيه كان القطو مخصي

لانه جبت له انثى وعجزت ماصار شي وتذكرت انه عندي رقم صاحبته الاوليه وكلمتها وقالت هم مسوين له عمليه على قولتها
*عاشقة القطط*
10-02-2007, 11:51 AM
يمكن مايكون مدرب على الرمل حقه
اسأل صاحبه الي اشتريته من عنده
RoMeO
10-02-2007, 12:09 PM
لا

هوه مدرب ع الرمل ومتعود ع الحمام حقه

بس غصب يبغاني اصير ملكه ههههه

داخل البيت مستحيل يسويها وقعدت اراقبه يومين ماسوى شي بس برا البيت
Anas
10-02-2007, 01:54 PM
مرررحبا

هاذا شيء جميل طيب مومشكله
ضع له حمامه خرج البيت وهوا اكيدلمن
يبغه يتبول ياتي عندالباب ومياومياو وانت راح
تعرف وفك له الباب وهوا تلقائي راح يذهب لحمامه
انت في المرات الاولى اول مايخرج حطه على حمامه
بعدكدة هوا من حاله راح يروح للحمام واذا شفته طلع فوق
السيارة ويبغه يوسخ قول بصوت عااااالي لالالاواذا تقدر رشه بماء
وعلى مااعتقدبعدكدة مستحيل يغلط راح يذهب للحمام على طول تلقائي


سلام...
Dominique
10-02-2007, 10:30 PM
دامك تقول انه في البيت مايسويها

لأن كل ما حس انه يبي يتبول يلقى حمامه موجود..

لكن بالسيارة اذا حس انه يبي يتبول وين يروح غير
اي مكان يلقاه فاضي..

يمكن قطوك فيه سلس بولي

يعني يتبول وايد ومرات لا إرادي..

أنصحك لا تطلعه من البيت الا لما تتأكد شنو فيه بالضبط..

وده البيطري وقوله تأكد إذا فيه سلس بولي ولا لأ
.
.
.
RoMeO
11-02-2007, 08:26 AM
وديته البيطري البارحه وقال لي الدكتور قطوك اهبل ههههه

ومافيه الا العافيه بس عشان انه مخصي احيانا تجيهم حاله كده
القطة الشرسة
14-02-2007, 10:02 PM
هاااااااااااااي
طيب انا قطوتي بنت واحيانا تسويها جنب الحمام او الدرج في مكان معين دايما نفسه ماتغيره ...
Anas
14-02-2007, 10:14 PM
مرررحبا

يااخوان القطه لمن توسخ في محل معين نظفووووووووووه
جيدا جدا وامسحه المكان بقشرة برتقال واحلوالقطه مكان
ماوسخت وكلمها بصوت عااالي بعض الشيء وبعدين احملها
وضعهامحل حمامها وبكدة انشاءالله لن تعود مرة تانيه لتوسخ في الارض


سلام...
قطة الأحلام
15-02-2007, 09:15 AM
عندي طريقة يمكن تنجح اذا وسخ البس خذه ووديه مكان البول وخاصمه واضربه بشويييييييييش بس عشان يخاف ونظف المكان الي سوا فيه جيدا لأن بيعتبروا حمامه.
وشكرا ...
مياو
CaTTy
17-02-2007, 07:01 PM
اخوي اعتقد قطوك يسوي جذي عشان يبين للقطاوه اللي بالشارع انه هالمنطقه ملكه ومحد يقرب صوب سيارتك وهالاماكن اللي حددها لنفسه ... لانه فيه قطو بالشارع كله يسويها على سيارة اخوي يبي يبين انه حاجز هالسياره ...

انصحك لا تطلعه برا البيت او اذا تبي تطلعه مثل ماقالولك الاخوان حط له حوض عشان يقضي حاجته فيه ...

واذا شفت انه ماكو فايده حاول تهاوشه وامسكه ووده لحمامه الخاص وحط ويهه بالحوض خله يشم ويعرف انه هالمكان اهو المفروض اللي يسوي فيه

واذا كلش كلش مانفع معاه خله يقعد بالبيت ولا تطلعه عقاب له عشان يفهم
punisher
17-02-2007, 09:16 PM
الله يعينك يا اخوي على ما اظن هالقطو مو مدرب على شي اسمه رمل بس شوف
خله يدل مكان الرمل و اذا دله و ما فاد روح محل قطط يمكن اتحصل عنده الرمل الصناعي
و هذا الرمل يطلق رائحه تسحب القطط لها
و سلامتك
RoMeO
20-02-2007, 10:12 AM
شكرا حبايبي على تفاعلكم

ايه الحين خف شوي وان شاء الله يبطل عن ها العاده اللي تعبتني