تعبت و الله من الجعر و الشطانة

[أبو ربعي]

السلام عليكم و رحمة الله و بركاته :


حبايب توني شاري كاسكو إفريقي بس عندي مشكلتين
اول شي انه دائما يفتر في القفص و يعض بس اول ما احط يدي عند بطنه و ما يرضى نهائيا اني اقرب من بطنه او رجله .. يعني مستحيل يجي على يدي ابي حل حق هالمشكله
المشكله الثانية انه يجعر بشكل بسيط و دائم

عمره تقريبا 9-10 أشهر

نسيت عندي سؤال ... وشو أفضل عمر لتعليم الكاسكو

ناس قالوا سنه
و ناس قالوا 10 أشهر
وناس قاموا يقولون 8شهور

أبي الصراحه كم العمر المناسب __

هذي اول مشاركة تكفون ساعدوني

[الأفريقي]

انا الي قريته اخوي ابو الربعي .. اذا جعر البغبغاء الكاسيكوا بخ على وجها ماي ..(رشاش) بس خفيف مو تغرقه .. ههههههه

[UAE_CONDOR]

اخوي كل ماكان عمر الكاسكو اصغر كل مكان تعليمه اسهل
بخصوص الجعير هذه شي طبيعي انا اول ماخذيته تم يجعر بحدود شهر ونصف تقؤبا
حط القفص في مكان فريب منكم مثل الممر او اي مكان تتواجدو فيه بكثره حتا يروح الخوف منه ويحس بالامان
بخصوص انه مايطلع على ايدك هل هو اليف ؟ بس ماعتقد انه اليف مادم انه يجعر
سوا له تمليس اعتقد فيه موضوع في المنتدى عن طريقة التلميس
وبعدين خله يطلع على الخشبه ورفعه فوق وحط ايدك او صبعك جدمه وبيركب عليه

هذه الموضوع بيفيدك
http://www.2zoo.com/vb/showthread.php?t=1752

واهم شي الصبر الصبر الصبر
بالتوفيق

[كروان]

انتظر شوي الببغاء جديد

مع الوقت يتوقف عن الجعير

حاول تجلس معه وتكلمه وتصفر له لحد ما يتعود عليك

وياليت يكون دايم فوق القفص وانت عنده هذا طبعا بعد ما يتعود عليك

حاول تتقرب منه مع الحذر لابعضك وتحاول تلمس منقاره وتحك راسه

وبيجي يوم الببغاء يسمح لك تلمسه بدون خوف . اهم شي الصبر

[صويب الرمش]

الصبر مفتاح الفرَج . والشباب ما قصروا معاك ...عد ملاحظة مهمة ايضاً لازم تعتمدها ... لازم تركز على انك تعطي الببغاء مكافأة على كل عمل جيد يقوم به أما أكله المفضل أو حتى لو بالثناء بصوت هادي لأن الببغاء يفهم نبرة الثناء ويفهم نبرة التعنيف ... وحاول انك اذا جيت تدرب الببغاء لا تضع يدك في موقع اعلى من مستوى الطائر لانه الى الان يعتبر هذ تهديد منك فحاول انك تبداء أول شي بتدريبه على الصعود على يدك بوضعك يدك بدون خوف قريب من مستوى منتصف الصدر السفلي و تطلب منه ذلك بالعبارة التي تريدها انت لتكون طلب لصعودة على يدك طبعاً كل هذا بعد ما يأخذ الطير عليك ويتعود على وجودك بالقرب منه ...


اتمنى لك التوفيق ...,,,

[HNHADI]

اخوي اول شي تاكد من صحة الطير تساعد على التدريب زين علشان النفسية من الكل ما تنسد
بنسبة للحركة في القفص تدل على شيان1-انه صحتة كويسة2-انه كان من قبل مفكوك
لاتستعجل على لمس الطير الا بعد اسبوعين او اسبوع وبعدين لاتحط يدك من بدايتة مد اصباعك جنب راسة حط في اصباعك شوي عسل وخله يعضاها لالاتخاف اول ما يحط فمه ويذوق العسل ما راح يعض كررها معاه كذا مرة كذا يوم حتى يتعود على يدك وصير ما يعض
اسمع ممكن يتجنب المحل الى فية العسل من يدك بس ماله الا العسل فبيصير يتجنب انه يعض وذا بعيته يطلع يدك في طريقتين الاولى هي انك بعد مايبطل من العض انك تحطة في زاوية وتحط يدك تحت صدرة لما يطلع عليها توقف من الحركة علشان يقل الخوف الثانية مع حركة العسل بيصير يتجنب يدك ممكن بنسبة كبيرة انه ينزل راسةعلى شان تلمس علية انتبة تظهرله انك خايف وخله يركب على يدك داخل القفص حتى لو نص ثانية ونزله على طول على الخشبة داخل القفص كرر معاه الحركة وبعد فترة طلعه من القفص وحطة في محل غريب وشيل القفص راح تصير يدك صديقتة
بنسبة للجعير خله في المحل الى تتجمع فية العائلة او الربع وراح يبطل
اما عمر التدريب
1-التوليف على البشر قبل السنة
2-تدريب كلام بعد 11شهر ممكن
اتمنى اكون خدمتك

[Naja]

مية مية HNHADI

[أبو ربعي]

ما قصرتوا بصراحه و كفيتوا وو فيتوا
بس المشكله اللي أواجها انه مو راضي ينطق لكنه يصفر تصفير متقطع و في اوقات قليله بس وش الحل لأني بصراحه أفكر أبيعه

[أبو العيناء]

الصبر الصبر الصبر ومافي شيء اعطي ابن ادم افضل من أجر الصبر على كل شيء وبالتوفيق اخوي ابو الربع

[سماوي الجبه]

السلام عليكم ورحمه الله وبركاته
مساء الخير للجميع،،
صراحه تعبت الشباب معك في شرحهم لك وبعدين تقول ببيعه ،، كان من الاول ماخليتهم يشرحون لك،، وانا صراحه كنت بضيف لك معلومه على معلومات الشباب لكن هونت ،، السلام عليكم،،

[أبو ربعي]

شدعوه يبه - - أنا قلت ببيعه لانه تعبني لا تظن إني ابي اتسلا و اتعب الشباب الله يهديك بسسسسسسسسسسس 0

[عافك الخاطر]

بيعه يا الغالى


وان شالله تلقى احسن منه

والى يده فى النار مب نفس الي يدده فى الماء

وسلمت

[زحزوح]

اخوي العزيز
مشكلتك نفس مشكلتي
الحل هو انك تجوعه يوم كامل اليوم الثاني افتح باب القفص عشان يطلع على القفص وحط الاكل المفضل له في يدك وخله ياكل من يدك شوي شوي امسح على رجله وهو ياكل ثم حاول ترفع يده هو شوي شوي ويكون واقف على يدك وكل يوم هكذا لين يتعود ان يدك ما تضره .

وانا نفعت معي وانشاله تنفع معك.