مشكلة بفرخ دجاج عندي

[fawazzz_q8]

شباب ابي اطلب منكم اجابة على بعض الاسئلة عن الدجاج

شريت قبل فترة عدد شوي كبير من فروخ الدجاج العربي المهم ان في فرخ منهم رجله معوقة وماادري ليش احس ان في مجال تتعالج فياليت اللي يعرف شلون يرشدنا على الطريقة لان كل مااشوفها قلبي يعورني عليها

شغلة ثانية فروخ الدجاج تاكل اي شي ولا لازم اكل معين ؟ لاني رحت لمحل الطيور قال لي اذا فروخ فقاسة لازم تعطيها ذرة مطحونة وبس

شغلة ثالثة هل لازم احط لمبة حق الفروخ بالليل ولا عادي ينامون بالظلمة ؟

علما ان الفروخ عمرها شهر تقريبا

يعطيكم العافية

[ميمو555]

ابو رجل معوجه بيموت


تاكل اي شي

لامو لازم لمبه

وشكرا

[mustaf]

لو تجيب صورة اللي رجلة معوجه
لانوا اذا كان بوكل وبشرب وبمشي شي طبيعي بالنسبة للاكل الدجاج يوكل اي شي من البيت (خضار.حبوب .رز مطبوخ.بعض الفواكة....إلخ) وفي أيضا أعلاف خاصة بالدجاج تباع في محلات الاعلاف واللمبة اذا كانت برد عندكم حطلهم

[AHMAD55]

لو تجيب صورة اللي رجلة معوجه
لانوا اذا كان بوكل وبشرب وبمشي شي طبيعي بالنسبة للاكل الدجاج يوكل اي شي من البيت (خضار.حبوب .رز مطبوخ.بعض الفواكة....إلخ) وفي أيضا أعلاف خاصة بالدجاج تباع في محلات الاعلاف واللمبة اذا كانت برد عندكم حطلهم

نفس الكلام وما عليه زود
وبالتوفيق

[fawazzz_q8]

راح اصورها واحطها لكم
مشكورين على الرد
بس توني ادري ان الدجاج آفات حقيقية ياكلون طول النهار ومايشبعون ابدا

[الله معي الله ناظر إلي]

أخوي بالنسبة للي رجلة تعورة حسب الوضع فأحيانا تربط الرجلين بمطاطة التي نربط بها النقود مع ترك مسافة لتحريك الرجلين
فتشد الرجل السليمة الرجل المعاقة وكثير من هل الحالات تتعافى بإذن الله بهذه الطريقة
الطعام يعني فترة تأسيس الصيصان تحتاج عناية بنوعية العلف والفيتامين أما الذرة
فهي تعطى في الأيام الأولى من التفريخ من أجل كيس المح يعني 3 أيام فقط وبعدها العلف العادي
أما بالنسبة للمبة إذا كان الجو بارد فهي توضع للتدفئة

[صمت الأمل]

ماشاء اللهـ تباركـ اللهـ ,, الأعضاء ماقصرو بإفادتكـ ..



لكن اذا رجل الصوص ماتزعجهـ ويقدر يعيش بها اتركهـ ,, ان شاء اللهـ ماعندكـ مشكلهـ فيهـ .



وأخاف تتعبث فيهـ ثم تزيد حالتهـ . الا اذا حالتهـ الحاليهـ صعبهـ فجرب ,, ممكن تتشافى بإذن اللهـ .



واللي قال لكـ الصيصان ماتاكل الا الذرة المطحونهـ ,, الذرة تسمنهم .. وكميتها كبيرة وسعرها رخيص مقارنة بأنواع العلف الثاني .



الأفضل تعطيهم من بقايا أكل البيت والخضار والورقيات والفواكهـ .. أو خبز ومكرونهـ وعلف مشكل ..



اذا عندكـ صورة لهـ ممكن نفيدكـ أكثر ,, تحياتي لكـ وبإنتظاركـ .

[fawazzz_q8]

مشكورين اخواني على الرد كلكم
ماراح احط صورة لان الفرخ مات الله يرحمه
الوالد الله يطول بعمره قال بنظف بيتهم وراح نظف الدجاج معاهم بالماي
وقتل ( طبعا قتل عن غير عمد ) 60 فرخ من أصل 100 فرخ ومن بينهم ابو رجل معووجه

[fawazzz_q8]

عندي سؤال ثاني
كم وجبة اقدم لهم ؟ لاني اوكلهم طول اليوم ومايقولون لا لو احطلهم الخيشة كلها يخلصونها بيوم واحد ماعندهم مشكلة

[أبوأيوب الأسيف]

عندي سؤال ثاني
كم وجبة اقدم لهم ؟ لاني اوكلهم طول اليوم ومايقولون لا لو احطلهم الخيشة كلها يخلصونها بيوم واحد ماعندهم مشكلة

بما اني كويتي فاعتقد اني اقدر افيدك اكثر اللمبه مو مهمه بالصيف بس بالشتا عندنا برد ما يرحم لازم اتركب اللمبه وميزة اللمبه انه تخلي الكتاكيت ما ينامون و ياكلون ليل ونهار علشان يمتنون ويكبرون بسرعه اما الاكل فاذا تبي الكتاكيت يكبرون بسرعه لازم توكلهم كيماوي تلاقيه بمحلات الاعلاف وهو يشابه الذرة المطحونه ولازم تخلي الاكل عندهم 24 ساعه علشان تكون صحتهم حلوة وعموما الكتاكيت ياكلون كل شي ولاتنسى اتوكلهم فضلات البيت لانها مفيدة لهم

[fawazzz_q8]

مشكور ابو ايوب الاسيف
انا شريت لهم علف فيه كيماوي وفي ذرة وفيه حبوب مشكلة بس لاحظت ان اقبالهم على الذرة المطحونة اكثر من الحبوب الكاملة بس تخلص خيشتهم بشتريلهم خيشة العلف اللاحم

[rindu]

يعطيك العافية

[أبوأيوب الأسيف]

مشكور ابو ايوب الاسيف
انا شريت لهم علف فيه كيماوي وفي ذرة وفيه حبوب مشكلة بس لاحظت ان اقبالهم على الذرة المطحونة اكثر من الحبوب الكاملة بس تخلص خيشتهم بشتريلهم خيشة العلف اللاحم

ويفضل كل شهر او اسبوع انك توكلهم ثوم مدقوق بالهاون او مقطع قطع صغيرة علشان ينظف بطنهم ويعطيهم وقاية من المرض هذي خلطه سريه

[الله معي الله ناظر إلي]

أخوي بالنسبة للعلف مو من المفيد يظل العلف كل الوقت
أمام الكتاكيت مع تقديري لرأي ابو ايوب
يعني يجب وضع العلف أمام الكتاكيت عند شعورهم بالجوع هذا يزيد من إقبالهم على
العلف وتكبر الفراخ بشكل أكبر أما إبقاء العلف كل الوقت هذا سيؤدي إلى تناثر العلف في كل مكان
وعدم إقبال الكتاكيت بشهية وخاصة أخر العلف الكيماوي فالفيتامينات والمعادن تكون ناعمة وبالنهاية يكون مصيرها الأرض ودون استفادة منها لإن الطير لايقوم بتنظيف المعلف للنهاية هذا تجربة شخصية وإن شاء الله
تكون مفيدة

[fawazzz_q8]

صح كلامك اخوي انا اعاني من مشكلة اهدار العلف في التراب
شريت لهم معالف خاصة لكنها فقط قللت من الهدر ولم تنهيه
اما بالنسبة للثوم بجرب فيهم باجر اذا الله احيانا وبخلطه مع العيش
عندي سؤال ثالث
عندي فرخ صغير عزلته لانه تعبان اهوا ياكل ويشرب لكن مومثل باقي الدجاج شلون اعالجه ؟
وصف حالته باختصار : كله مغمض عينه وبطئ في الركض وبسرعة ينصاد واحس انه قليل النشاط وتعبان حتى لما يصارخ صراخه واطي جنه فيه فلونزا لكنه ياكل ويشرب بس شوية وخروجه سليم يعني مافيه اسهال ولا يلزق بمؤخرته اللي يعرف علاج هالحالة لايبخل علينا

[الله معي الله ناظر إلي]

السلام عليكم ورحمة الله وبركاته
أخوي بالنسبة للصيصان الصغيرة حديثة الفقس خلنا نقول عمر 15 يوم هذه الفترة تكون طبيعية
بالنسبة لموت كتاكيت ولكن بنسبة قليلة السبب أحيانا البيضة التي يخرج منها
الصوص تكون من دجاجة كبيرة بالعمر وتكون مدخرات البيضة ناقصة الفيتامينات
والمواد اللازمة لنو الصوص بشكل طبيعي أو الأم تعاني من مرض ما غير ظاهر وينتقل هذا المرض من الأم إلى الصيصان فتكون بعض الصيصان ضعيفة في الأيام الأولى من الفقس وهذا شي طبيعي
وفي المفاقس الكبيرة يتم فرز الصيصان الضعيفة قبل البدء بعملية التربية
ربما هذا الصوص من أم ضعيفة أو كبيرة لكن إذا أستمر الموت لأكثر من 15 يوم في الكتاكيت
الصغيرة تكون هناك مشكلة بالصيصان وإن شاء الله تكون معلومات مفيدة وبالتوفيق أخوي
والسلام عليكم ورحمة الله وبركاته

[fawazzz_q8]

اخي الكريم ماعندي دجاج يموت الحمدلله كلهم صحتهم حلوة ماشالله عليهم
بس قبل فترة الوالد قتل اكثر من نصفهم بسبب قلة خبرته في تربية الفروخ
بس فرخ واحد احس ان حركته قليله وجسمه هزيل

[الله معي الله ناظر إلي]

أنا كتبت لك أخوي أنو ممكن هل الفرخ
من بيضة نتجت من أم كبيرة بالعمر أو لديها مرض غير ظاهر
يعني مشكلة وهو بالبيضة أخوي وبالتوفيق أخوي

[fawazzz_q8]

اليوم طلعت لي مشكلة جديدة
عندي دجاجة عينها ورمت فجأة وصارت علطول مسكرة وتطالع من عين وحدة بس والورم امتد الى نصف وجهها حتى منقارها صار مايتسكر من التورم وماادري شصار بالضبط هل دجاجة ضربتها بمنقارها ام مرض مفاجئ
ياليت من اهل الخبرة يفيدونا وكيفيه علاج هذي الحالات
بصراحة الدجاج تربيته متعبة جدا ومشاكلهم وامراضهم كثيرة نخلص من مشكلة ندش بمشكلة الحمام حيل ارحم

[الله معي الله ناظر إلي]

أخوي الورم في معاه إفرازات ولا لا
ممكن الدجاجة تعرضت للسعة حشرة
هل هناك مادة متجبنة صفاء داخل العين عند فتحها ------------

[fawazzz_q8]

لايوجد مادة متجبنة صفراء
بس العين مدمعه
والحين شكلها حيل يكسر الخاطر ورمت اكثر من اول
نصف وجهها مشوه ومتورم والنصف الاخر سليم ياساتر خلتني العن الساعة اللي شريت فيها دجاج
ومااعتقد لسعتها حشرة لان انا مربيهم ببيت وليس بمزرعه وماكو حشرات باستثناء قليل من الذبان ومهتم حيل بنظافة مكانهم

[الله معي الله ناظر إلي]

والله أعلم أخوي هذا نوع من أنواع الرشح وتحتاج مضاد حيوي
وربنا يعافيلك إياها وبالتوفيق

[fawazzz_q8]

صارت ماتقدر تاكل انا صرت اوكلها بنفسي ومنقارها علطول مبطل لان الورم امتد للداخل
وقمت امسح وجهها بمعقم اللي لونه ازرق مال الجروح ويحرقها
ونشوف يمكن يجيب نتيجة بعد كم يوم

[الله معي الله ناظر إلي]

يعني إن شاء الله أخوي بالمعقم يمشي الحال بس الحقيقة
أخوي يعني هذا إلتهاب داخلي ويحتاج إلى معالجة من داخل الطير وهذا المعقم هو خارجي والله
أعلم

[fawazzz_q8]

الحين صار طير ثاني يطلع صديد من عينه وياخوفي يورم مثل اللي قبله
الدجاج هم اسوأ تجربة مرت عليي كل يوم مرض مع اني مومقصر معاهم بالاكل ولا بالسكن ولا بالنظافة

[الله معي الله ناظر إلي]

أخوي يعني نصيحة لا أطول على طيورك
وفيك تاخذ إحدى الطيور للطبيب البيطري ويرشدك للإجراءات المطلوبة لهذه المشكلة
ويوصف لك الدواء المناسب وبالتوفيق أخوي

[fawazzz_q8]

رحت للبيطري وسويت موضوع مستقل عن الدوا الخاص لعلاجهم يشرفني مرورك فيه

[عاشق ومعشوق]

افضل شي الأكل للصيصان الاراسكو اللحم خاص للصيصان لان فيه الفيتمينات والاملاح اللزمه للصوص والصوص ايضأ ياكل الخضروان والرز والعيش الناشف مع الماء احياناص وليس دائما لانه ممكن يسبب مشاكل صحيه لديهم