السبات الشتوي +التزاوج عند السلاحف

[sheero]

سلام عليكم

كيف الحال

انا عندي سلحفاة بريه حجمها صغير

دحين الجو بدا يبرد وبعرف كيف الوضع عند السلاحف في الشتا

وازا ابغى اجيب احد يونسها كيف اعرف ازا مناسب مايتضاربوو في امل انو الاقي بيض ؟؟؟؟

احتاج خبرتكم

[مهووس الحيوانات]

ماجبتلها ونيس إلا في وقت البيات ؟ :p

في فترة البيات الشتوي تكون السلاحف نايمة معظم الوقت و يقل أكلها و شربها و حركتها

و لازم توفرلها الدفء و حتى الأكل و الشرب لأنها ماتصوم مرة وحدة بس تقلل :D

=-=

بس عمومًا لو تبغى تجيبلها ونيس من الجنس الثاني لازم طبعًا تعرف جنس سلحفاتك و تعرف كيف تفرق بين الجنسين

و هذا انكتب أكثر من مرة في المنتدى و بالصور بعد :)

لكن باختصار هو الذكر حجمه أكبر ذيله أطول و مايل لليمين أو اليسار

و صدفته مضغوطة من الحواف ، و الأنثى ذيلها قصير و صدفتها مفتوحة من الحواف أكثر من الذكر

و الذكر في صدفته من تحت ( تحديدا الجهة القريبة من الذيل ) فيه انضغاط شوي

أما الأنثى صدفتها من تحت مستوية كلها :)

هذا الكلام في السلاحف البرية :)

[sheero]

شكرا
جزاك الله خير

بخصوص الاكل انا احط الاكل مرره وحده خس و طماطم شويه بس احس انو عندها قابليه انها تاكل اكتر من الازم هوا دا طبيعي يعني زي السمك ياكلو ياكلو ياكلو مايوقفوا ولا حقتي اكلها زاايد عن اللزوم ؟؟؟؟


بس ماعرفت احدد جنسها
هادي الصور

http://www.alm5zn.com/upfiles/1TP18188.jpg (http://www.alm5zn.com/)

http://www.alm5zn.com/upfiles/jMS18188.jpg (http://www.alm5zn.com/)

http://www.alm5zn.com/upfiles/qZm18189.jpg (http://www.alm5zn.com/)

[مهووس الحيوانات]

بالنسبة للأكل أكيد هي لازم تاكل كثير لأن الجو للحين ماقد بدأ البرودة و البيات الشتوي ما بدأ

فاتركها تاكل كثير مثل ماتبغى تجهيز للبيات الشتوي ، لأنها بعدين في البيات ماعادت بتاكل الا شوووي

بس تأكد ان الأكل طازج و قابل للأكل من قبل الانسان ، يعني ماتعطيها شي معفن أو يابس :)

=-=

و بالنسبة للجنس

أنا ماعرفت أحدد بالضبط خاصة ان الصور مو واضحة و السلحفاة صغيرة :)

و على فكرة تراها صغيرة ماتتزاوج الا بعد وقت طويل :)

[*حامي الحيوان*]

ما قصر الغالي بالافادة

بالنسبة للبيات الشتوي

مافي شيء أسمه بيات شتوي بالاسر

لانك انت المتحكم بالجو

يعني لو الجو شتاء وتحط لها لمبة حرارية

بتشوفها نشيطة وتأكل بشكل طبيعي بدون خمول

.
.
.