طريقه ذبح الفار + تجميد الفار

[jassim99]

السلام عليكم
اليوم قعدت اقرا عن هالموضوع وقررت اكتب عنه بما ان مافي موضوع عن هالشي بالمنتدى
عشان تعم الفائده والجميع يستفيد
...................................................
يفظل انك تعطي ثعبانك وجبه ميته لان الوجبه الحيه ممكن انها تاذي الثعبان ( يمكن تعضه او تشمخه... الخ )

اولا هناك طريقتين لذبح الفار

الطريقه الاولا هي انك تضع الفار في كيس مخده و تضربه ضربه قويه بالطوفه ( الحائط ) وراح يموت

والطريقه الثانيه هي انك استخدام co2 (كاربون ديوكسايد) واذا ماخاب ضني اهو غاز يجمد الفار بنفس اللحضه

...................................................

بالطريقه الاولا تقدر تعطي الفار كوجبه للثعبان او اي حيوان بنفس الوقت

اما بالطريقه الثانيه لازم تخلي الفار بالفريزر لمده 7 ايام عشان تتاكد ان الغاز طلع من جسم الفار اثناء عمليه التجميد

..............................................

اعطاء الوجبه المجمده:-

الثعبان ماياكل الوجبه بارده... لازم يحس ان فيها حراره

لاتحاول انك تسخن الفار بالمايكرويف لانه ضار بالنسبه للثعبان

طريقه تسخين الفار كالاتي

تحط الفار بكيس بلاستك وتحطه بماء دافئ مو حاااااار !!!! بس عشان يكون الفار غير بارد

وراح تكون وجبه الثعبان جاهزه خلال دقائق :D
.......................................
المصادر :- مواقع اجنبيه كثيره و انا ما اتحمل مسؤوليه اذا كان في غلط بالكلام
بحاله ان في غلط او احد عنده معلومه ياريت يزودنا فيها عشان تعم الفايده للكل

[(مجهول)]

مشكور معلومات مفيده ميه ميه
ابدعت

[genan]

معلومات مفيده بس انا بصراحه لااااااااااااااااااااااااااعت كبدي وووووووووووع
سوري بس مكرويف ومدري وشو يااربي رباه بس

[mr.crocodile]

اخوي الطرق المتعارف عليها

هي كما ذكرت غاز co2 او عنطريق الصعق الكهربائي

وليس الضرب او مشابه ومشكور على الموضوع

[بادجي 2009]

صرااااااااااااااااااااااااااااااحه غريب

بجد

والف شكر

[jassim99]

تسلمون عالمرور وعلى ردودكم الحلوه

اخوي مستر كروكودايل هل افهم من كلامك ان هالطريقه غلط ؟
لان قريت اكثر من موضوع موثق ومافي احد بأوروبا غلط هالكلام بغض النظر عن الطرق الدارجه
وانا بصراحه لو بتخيرني بستخدم الضرب أسهل واسرع و أأمن من غاز او دخان يكون سام ويمكن يضر الحيوان الي عندي
اشكرلك التوضيح بس يمكن اهي طريقه مو دارجه لان محد يعرفها او محد جربها لاكنها مو غلط
لو فيها شي ياريت تنورنا وتنبهنا

[k16mh]

والله حزنت على الفار وترى حرام إنك تعذب الحيوانات أدري إنكم تقتلونه عشين تأكلو حيوانات ثانية ... بس ما لقيت عير هذي الطريقتين ... يعني مثلا ما في أكل جاهز للثعابين ... أو الفار تضربه إبره هواء أظن إنه أهون من إنك تصقعه ... والله أعلم ...

شكرا على الموضوع

[|| PyTHoN ||]

الضربه تكون بحديده بآخر الراس
راح يموت علطول

امممممم بالنسبه لي افضل ان الحيه نفسها تذبح ^^
و الـ CO2 يخنقه و ما يقدر يتنفس ^^

[مهووس الحيوانات]

شكرًا لك على الموضوع المفيد و الرائع :)

الفيران معقدة شوي عندنا يا راعين السحالي مانواجه مشاكل مع الجراد و الصراصير زيكم :p

=-=

بس ليش حاط الموضوع في قسم سؤال و جواب !؟

[jassim99]

K16mh اخوي مافي اكل جاهز للثعبان غير الفئران المجمده والضربه تكون قويه يموت بسرعه بدون تعذيب وبالco2 نفس الشي بسرعه بيموت


تسلم حبيبي بايثون عالتوضيح ماقصرت

مهووس الحيوانات والله مادري حسيت هني مكانه يعني الي يدورون سؤال عشان يحصلون جواب عطيتهم الجواب قبل السؤال ههههه

[سمكه صغيره]

عن طريقة الضرب اسهل و احسن
لان عدنا طلبة الطب احيان يواجهون مشكله مع الفيران المخدره
فجئه تتحرك و ما يكون من الدكتور الا انه ياخذ الفار مع ذيله و يضربه بطاولة المختبر و يرميه للطالب
يعني بدال المشوار الطويل اايد الضرب

بس انا اشوف اني اعطي الثعبان الفار بوقت الاكل و خارج الحوض و يستحسن بالشمس
و لو ما يبي ياكل اشيله عنه ولا اني اخليه معاه
لان من جد مزعجين الفيران يعضون اي شيء و راح يوسخون الحوض و يسببون لها التهابات او حشرات
و اقعد انضف و حوسه

بس التجميد كويس للايام الي ما نلاقي فيها فيران او اذا مسافر و مكلف احد ياكل الثعبان و ما يعرف وش يسوي او يخاف من الفيران تكون انسب حل
موضوع حلو

[jassim99]

تسلمين سمكه على هالمعلومات والأفكار الحلوه
اسأل مجرب ولا تسال طبيب( بيوم من الايام في احد تمنا هالفار المجمد) لوووول

[سمكه صغيره]

والله ابي هالفار المجمد بقوه بس ما اتوقع انا الي اسويها ابيه مجمد جاهز
بس بعد التفكير العميق يبي لي اجمد درزن حق 3 شهور
من الحين اشتري فريزر صغير و بربي زوجين فيران يولدون و يكبرون عيالهم
و قبل لا اسافر اكفخهم بالطوفه و احذفهم بالفريزر
علشن محد يقعد يعقد لي اموري

[jassim99]

ههههههههههههههه
انا مسويها بس مو لي هالدرجه
انا جمدت فار واحد مخليه احتياط وقت الحاجه لووووول

[مهووس الحيوانات]

طيب ليش ماتربين انتاجك يا سمكة عشان يكون حي و طازج

[|| PyTHoN ||]

اي ولله شالفرق لو انهم حيين خليهم أحسن

و بعدها وكليها بالمره 2 او 3 خلي زعفرانه تعيش حياتها :D
و اذا خايفين على حيايتكم ما تبونهم يهاجمون و مادري شلون
لبسو اي شي دس ولا لفو شي على أيدكم و مسكو الفار
من ذيله و خلو يلبط هههههههههههههه :D

و شوفو شلون ^^

[jassim99]

حلو ان الواحد يعرف قدرات حيته <<<< احم احم
بس أنا مخلي الفار المثلج احتياط مو اكثر

[|| PyTHoN ||]

انا طول عمري شغال نظام تعذيب العب فيه شوي
بعدين الحيايه يكملون عليه :D

و يلا كيفكم قعدو ثلجو بهالفيران :D

[مهووس الحيوانات]

خلاص بكيفكم مثل ماقال بايثون بس انتبهوا تعطونه الفار قبل ماتذوّبون الثلج عشان مايفكره اسكريم بالفار (بنكهة الفار)

:p

[jassim99]

كاااااااااااااااااااااااااااااااااااااااااااااااااااااااااك
هههههههههههههههههههههههههههههه
لوووووووووووووووووووووووووووووووووووول

مهووس الحيوانات صج مهووس ذبحتني من الضحك خخخخخخخخ والله دمعت عيني دمك خفيف

[فاطمة1]

مشـــــــــــــكور

[مهووس الحيوانات]

لوووووولز يا جاسم انت تمزح معي ولا من جدك ؟