استفسار عن جرو...

[الليل]

السلام عليكم اخواني

انا عندي جرو عمره تقريبا 55 يوم

وحبيت استفسر انا امس عطيته عظم غنم يعني مافيه امل يتكسر
المهم شفت الجرو اقبل عليه بشراهه واول مره اشوفه كذا مايطلقه ومو معبرني ابد
يعني قبل كنت احط له اكل ياكل شوي ويجي يبغى يلعب اما العظم لا مره مو معبرني ههههههه
فحبيت استفسر اذا طلعت هل اخذ العظمه عنه ولا اخليها عنده كل اليوم؟ طبعا انا اجلس عنده ساعه

وبخصوص البيت بصراحه الجرو مايعرف بيته ابد ابد يعني احطه بالبيت يطلع وينام بمكان مكشوف ولا هل عشانه جرو عادي وهل فيه طريقه اعلمه

اتمنى الافاده

[mr cazanova]

لا يا اخي
عليك باخذ العضمه منه
خوفا من ان تصيبه بسوء
لا قدر الله

و بالنسبة للبيت انا كان عندي نفس المشكلة
و لكن الاخوان ردوا علي بمنتهى الكرم و الاخلاث
و ها هو الحل بين يديك
الكاتب الأخ musab pro



ما قصروا الاخوان والاخت معك من ناحية العلاج ..

اما بالنسبه للبييت فانا اراهن ان الكلب يعتبره سجن وهذا غلط !

وفر سبل الراحه داخل البيت من نضافه واضائه وتبريد .. هذا اول شي

بعدين درب الكلب انه يدخل ويطلع وهذي تجي عن طريق التشويق بالاكل واللعب .

لا تسكر عليه الباب .. يعني يصير البيت له ملجأ امن ومريح يدخله متى ما يبي

ويطلع منه متى ما يبي .. الى ان يعتاد عليه وبعدين قفله .. يعني عطه شهر

او لين تحس الجرو حب المكان وصار يلجأ له وقت الراحه .

حبب الكلب بالبيت وحط العابه فيه و الاكل فيه واستمر معه و راح يتعلم عليه انشالله

اصبر و وسع صدرك ولا تفقد الامل وتعصب عليه وتجبره .. لان دفع الكلب للبيت غصب

يخليه يكرهه !!

[الليل]

الله يعطيك العافيه اخوي

[Musab Pro]

ما قصر بالاجابه غالينا كازانوفا

ودي اضيف شي بسييط بالنسبه للعضم .. يجب انك تستغل حب كلبك للعضم بالشكل الصحيح

وتزيد من حبه للعضم وتوجه هذا الحب بالتدريب :)

يعني خل العضم معك وهو بيجيك وينطط عليك يبي العضم واعطه اي امر مثل سيت ..

لما يطبق الامر صح اعطه العضم .. راح يفهم ان عضمي الحبييييب هو مكافئتي لاني جلست صح

و يوميا على هالحال التدريب عن طريق العضم = التدريب بواسطة اللعبه .

ولما تخلص من التدريب خذ العضم معك وخله يشوفك وانت تاخذه عشان يشتااق له

لما تخليه عنده وتمشي راح يمل منه مع الوقت .

تقبلو مروري

[الليل]

الله يعطيك العافيه اخوي بس الجرو عمره تقريبا الحين 57 يوم وبدري على التدريب لانه مايفهم الا حاجه بسيطه ولا؟

[الليل]

يعطيك العافيه