اصاب حمامي عله لم اجد له دواء ((اين اهل الخبره))

[محمد الحربي 123]

السلام عليكم ورحمة الله وبركاته


صباحكم ومسائكم طاعه وسعاده

يالربع الي عنده دواء للمرض ((احنا نسميه ابو رقاب ))

سالت سالت عنه قالو ماله دواء

الي عنده حل له يفيدني

والله مات الحمام كله تقريبا
مات بنسبو 90%بالمئه من حمامي

الي مايعرف المرض ابو رقاب
تشخيص الحاله

1 - الحمام ما يطير 2- ماياكل (القي الاكل اليوم الثانيمثل ما هو ما ياكله ) 3- بس يلوي في رقبته
ويدور حول نفسه ويناظر فوق يعفت رقبته ..


الحمد لله ع الي راح بس نتعلم المره الجايه


ارجووووووووو الافاده في اسرع وقت ممكن

تمنياتي لك بالتوفيق وسلامة طيوركم من الافات

وشكرا

[الموج الازرق]

اخوي مغير توكيها على الرقبه في مكان الالتواء ان تشافت تشافت وان ماتشافت ماتشافت حضك وكل ماتأخرت عن الكوي كل صعب العلاج وأحجز الحمامه عن الحمام الباقي اما الادويه البيطريه هاذي ماتنفع مالها دواء عندهم اصلا
وشكرا

[abo lama]

اخوي يالغالي

انت حاطهن بمكان قبل جاه المرض لا زم ترشه بمبيد عشان ينضف وتموت الجراثيم

اعزل المريض على جنب

يقال انا ما جربت انك تكويه فوق راسه ويطيب ان شاءا لله

[عاشق الطـيور]

اسأل مجرب ولا تسأل طبيب

انا عندي حمام وجاني مرض هذا

هذا المرض معدي وخطير

اذا شفت الحمامه جاه مرض ابعدها عن الحمام وعلاجه يقولون الكوي على الراس لاكن ماجربت

انا اطلع الحمامه برا العشه عشان ماتعدي باقي الحمام

واشتر فيتامين وحطه بالماء يحميهم من الامراض ويعطيهم صحه

[محمد25]

السلام عليكم ورحمة الله وبركاته
أخي محمد
الله يعوضك خير في حمامك :freind:

انا عندي 2 من الحمام عازلهم نفس المشكلة والأعراض هي إلتواء في الرقبة ولا تقدر تطير
وما تاكل

المهم رحنا بها عند البيطري في المدينة المنورة في سوق الحمام
وعطانا 6 حبات عن طريق الفم كل يوم وحدة لمدة 3 أيام
هذا اليوم الثاني لها والحمام ما شاء الله تبارك الله ما نلاحظ أي إلتواء وفكينا وحدة منهم وطارت

اليوم الثلاثاء آخر يوم وبإذن الله الأعراض تروح ...اللي أبي أقوله أن هناك علاج لهذا المرض بإذن الله لأن الأعراض طلعت فيه لها أكثر من أسبوع وما بدينا في علاجها إلا السبت هذا

وبالتوفيق للجميع

[عزيز_الخرج]

بلا كوي بلا هم حاول انك تنتف الريش اللي في وسط الرقبة

راح تشوف دم فاسد هذا هو العلة خلها وحدها بعد تنتيفها

وبعد ما يكتمل الريش اللي شلته ارجع مره ثانيه نتف الريش

عشان تشفى تماما

وان شاء انه ترجع مثل واحسن

ارجو اني افدتك

واي استسفار دق ع جوالي اذا ما فهمت

0566565025

[mustaf]

السلام عليكم ورحمة الله وبركاته
أخي محمد
الله يعوضك خير في حمامك :freind:

انا عندي 2 من الحمام عازلهم نفس المشكلة والأعراض هي إلتواء في الرقبة ولا تقدر تطير
وما تاكل

المهم رحنا بها عند البيطري في المدينة المنورة في سوق الحمام
وعطانا 6 حبات عن طريق الفم كل يوم وحدة لمدة 3 أيام
هذا اليوم الثاني لها والحمام ما شاء الله تبارك الله ما نلاحظ أي إلتواء وفكينا وحدة منهم وطارت

اليوم الثلاثاء آخر يوم وبإذن الله الأعراض تروح ...اللي أبي أقوله أن هناك علاج لهذا المرض بإذن الله لأن الأعراض طلعت فيه لها أكثر من أسبوع وما بدينا في علاجها إلا السبت هذا

وبالتوفيق للجميع

شو اسم الحبوب اذا سمحت

[fotoo]

انا أنظم مع الأخ عزيز الخرج في كلامه
وأنا مجرب شخصيا

[محمد25]

صباح الخير جميعا

اسم الحبوب chevitd GmbH وتصحيحا لكلامي أمس هي 12 حبة كل يوم 2 حبة لكل واحد لمدة ثلاث أيام

وبالنسبة لكلام أخي عزيز الخرج الله يعطيه العافيه ما دام أنه متأكد ومجرب يمكن أفضل من الحبوب مع العلم أنها كلفتني 15 ريال ..

تحياتي :88:

[ابوسعيد 111]

الله ياخي يقول لي واحد من الشباب ان المرض هذا صاب الحمام عنده وبدأ يموت ولكن صار يحط لها ثوم يقطعه قطع صغيره ويحطه في فم الحمامه المصابه اربع او خمس قطع صغيره ... ويقول ان اغلب الحمام عنده تشافى من المرض ....

هذا على ذمه الراوي ولكن حبيت اساعد ولو بالمعلومه ..

وفقك الله

[جلو11]

مرض ابو رقيبه مرض فيروسي بمعنى انه ينتقل عن طريق الهواء
اولا ابعاد الطير المصاب عن باقي الحمام
ثانيا نتف ريش الرقبه وتكرر بعد خروج الريش الجديد
واخيرا لا ترجع الطير مع باقي الحمام لانه في اي وقت قد يرج له المرض

[محمد الحربي 123]

بيض الله وجيهيكم جميعا ورحم الله من عقبكم

وعساكم ع القوه

ونسال الله ان يصلح شأنكم كله

[fawazzz_q8]

انا كنت اربي الحمام ولما يجيني المرض هذا كنت اظن ان هالمرض ماله دواء لكن ماهقيت ان الدواء بسيط جدا وهو فقط نتف الريش
مشكورين عالمعلومة الحلوة راح اجربها ان ربيت حمام مرة ثانية

[mustaf]

نتف ريش الرقبة فقط؟؟؟؟؟؟؟؟؟؟؟؟

[أسير الاحزان]

وعليكم السلام اسمع نصحتي

1-ابعدها واذا كان في غيره مريض مثل المرض حطه مع المريض

2-انتف ريشها الي في الوسط

3- ولاتفكر في الكوي الااخر شي

4-chevitd GmbHوعطيها الحب

[astm]

مرة صاب حمامى
وبمصر نقول على الحمام جالة نوشة
وتفضل احمنامة واقفة وتلف راسها حولين نفسها كانها دايخة
بس للاسف الحمام اللى عندى مات وقتها من المرض ده مع انى عطيتة ثوم وحطيت فيتامين بالماء

[جمولي]

ياللهول وش ذا الفيروس ان شاء الله انة يعوضك عنها

[محمد الحربي 123]

يعطيكم العافيه جميعا

ولاكن لا جديد نتفت ريشه ولا جديد

في ثنتين من وحدها تشاقت ولله الحمد

بس نشيط ماشاء الله مو متهالك
في وحده متهالكه
بس جربت الكوي فيها
الله يوفق الجميع

[عضو ماسي]

السلام عليكم

ما قصروا الإخوان في ردودهم
1- عزل المتعافي عن المصاب.. لإنه عبارة عن مرض معدي .
2- وضع الحمام المصاب في مكان تجيه الشمس .
3- نتف ريش الرقبة من الخلف(بعد الجمجمه) أو عمل حجامة للطير المصاب
هذي الطريقة لإخراج الدم الفاسد المتجمع في هذا المكان.
4- إعطاء الطيور المصابة وغير المصابة قطع من الثوم يوميا
أو دق فص (قطعة) الثوم ووضعها في الماء لمدة ساعة أو ساعتين
ثم تقدم للطيور.
5_ تنظيف قفص الطيور كاملا .

والسموحة منكم