اريد حل

[الليل]

السلام عليكم

شخباركم ان شالله طيبين

راح اطرح الموضوع هذا ومتأكد اني احصل الحل بهذا المنتدى الشامخ

انا عندي جرو عمره 60 يوم


بصراحه ازعجني من اول ما ادخل يركض يبغى يلحس الرجول ويعض

انا عارف انه مشتاق ويبغى يلعب بس جلست اعلمه يعني مثلا اوقف يجي عند رجلي يبغى يعضها

ابتديت ابعده بيدي كثير ويوقف مايعض بس اذا مشيت رجع مره ثانيه يبغى يعض

و اذا كنت توني داخل ينسى كل اللي علمته ويجي يبغى يعض

وبعد اذا كنت جوا المطبخ وطلعت ومعاي الاكل يحوس عند رجولي واحيانا اخاف اني ادوس عليه برجلي كذا يجلس يحوس قدام رجولي مايمشي جنبي
لدرجة اخاف ادعس عليه والاكل يطيح من يدي ومره من المراة دعست على رجله غصب وانا مو داري

عموما اتمنى احصل الحل...

[Musab Pro]

هذي حلها سهل .. المشكله يسمونها اوفر اكسايتنيق

لما تجي تدخل عليه اول ما يقرب منك حط يدك على ظهره ومسكه

وبنفس الوقت تمسح عليه وتخليه بعيد عن رجولك .

اما سالفة الاكل لازم تعلمه امر هييل وكيف يمشي جنبك كعب لكعب .

وطريقة التمرين بالليش تحط الكلب على يسارك والليش يلتف من وراك وتمسكه باليمين

وتحط الاكل فوق وجهه قدام شوي

يعني قدام ركبتك بشوي او عند صدرك وتخليه يطالع الاكل ويمشي معاك ما يتعداك .

واذا تعدك شد عليه الليش شوي خله يرجع ورى وكليوم على هالحال .

بعدين رايح يتعلم الهييل بدون لييش .

ولي عوده انشالله اوريك افلام فيديو .

[الـــــــرازم]

يرجى لفت انتباه الجرو باللعاب والكره هي المفظله

لمثل هذه الظروف >> ولاتنسى الجراء كذا فالبداية


اسمع ياالليل طاقه الجراء يتم التصرف فيها على حسب القدره

يعني بشكل عام لمن تريد ان تجعل الجرور يبذل اكبر طاقه من مجهود

فاليوم لازم توفر له بعض وسائل التدريب الجيده

مثل الكره

عضاضات وغيرها من الوسائل المتاحه

في استخدامها للجراء وعلى حسب اسنانها طبعاً

يعني لفت انتباهه بألعاب تساعده على صرف هذه الطاقه وصرف الغريزه

التي يحملها وبالمره تقدر انك تجعل منه كلب قوي بالتركيز

وبخصوص العض هذا اسمه الآن لعب يعني مش عض

هو حاليا يريد يلفت انتباهك ويلعب معاك بحنان ولطف

وخاصه ان الان هو موقف بدايه انطلاقته


http://img103.herosh.com/2010/02/26/684318086.jpg

http://www.shy22.com/upfiles/4Zi81874.jpg (http://www.shy22.com/)

http://img103.herosh.com/2010/02/26/750103084.jpg





تحياتي

[الليل]

جزاكم الله خير على الردود وبالنسبة لليش اخوي مو بدري لان عمره صغير شهرين فقط





اخوي الرازم انا جايبله كوره وعضاضه وكل شي بس المشكله اول ما ادخل يجي يصيح يبغى اكل واحيانا اجيب العضاضه احاول امشيها قدامه مايهتم له واضح انه جوعان يركض لجهتي ويترك العضاضه وانا مو مقصر معاه بالاكل وبنفس الوقت اذا طلعت من المطبخ وانا مجهزه مره يحوسني تحت رجولي

واذا خلص اكل وشبع انتباهه مشالله 100% مع العضاضه يعني يتحمس ويعضها بحماس ومع الكوره برضه بس اذا كان جوعان صعب تتفاهم معه ههههههههههههههههه



وامس سمعت منه اول نبحتين من يوم جبته وبعدها ماسمعتها شي طبيعي ولالا
وسبب النباح طبعا انا البس قفازات وهو مايبغاها دايما يبغى يعضها وقربت بلمس راسه بس رجع جسمه ونبح مرتين
يعني كأنه حالة دفاع مع انه ماقد سويت شي غلط معه بالقفازات...

[Musab Pro]

صحيح يالغالي كبيره عليه الليش .. خلها اوف لييش بدون ليش يعني

اعتذر ما انتبهت للعمر .. شوف هذا المقطع كيف تدربه على الهييل وهنا مستخدمين الاكل

تقدر تستخدم نفس الاسلوب بس باللعبه ..

في الحقيق كان فيه مقطع ثاني ابيه لجرو جيرمن شيبرد اصغر في العمر

ولكن اول ما القاه احطه لك انشالله . الهدف هو تعلم الطريقه :)

http://www.youtube.com/watch?v=RtEQ4MkO_rY

[الليل]

جزاك الله خير اخوي وبالنسبة للنقاط الثانيه اللذي ذكرتها شرايك فيها؟

[Musab Pro]

شوف يالغالي .. بالنسبه للانتباه اللي انت تطلبه منه طبيعي يكون مشتت اول ما تفلته

والتدريب يحتاج الجو المناسب :) يعني اول ما تطلعه من بيته خله يلعب ويفضي الطاقه اللي فيه

واذا كان جوه اوكي ابدا التدريب اذا حسيته مو مره اوكي خله ياكل بعدين دربه .

وبكل الحالات هو لحد الحين جرو وتوه على هالاشياء خلك حنين معه ولاحق خير باذن الله .

النسبه للقفازات ما ادري ليه يخاف منها ولكن انت بامكانك تستغل النرفزه هذي بالمستقبل

في تدريبات العض والهجوم ... او انك تحل المشكله عن طريق خلط الاشياء اللي يحبها بمخاوف الكلب

والطريقه انك تحط له الاكل بالقفاز وتخليه يكسر الحاجز شوي شوي .

وقت اللعب والدلال تقرب له القفازات شوي شوي وتشجعه وتحكحك صدره رجوله شوي شوي

لين يتعود عليه ..

القاعده تقول ان افضل طريق لكسر خوف الكلب هي انك تخليه يواجه خوفه بالطريقه السليمه .

لو بغيت امثله اكثر مثلا .

الخوف من الاماكن المرتفعه تبدآ معاه تدريجي من 10 سم ارتفاع .. الى 20 الى 50 وهكذا

مع ضرورة الانتباه الى عمر الكلب وتشجيع الكلب وتحفيزه .

الخوف من السيارات .. يقرب تدريجي للسياره ويتمشى حول السياراه وهي واقفه وياكل جنبها

تركب معه داخل السياره وتمدحه وتمسح عليه .. بعدين تخليه برى وترمي له اكل داخل السياره

لين يركبها لحاله مع اعطاءه الامر والتحفيز والتشجييع .

الخوف من الاصوات العاليه ... الخوف من الناس .. الخوف من اخشاب او حدايد او عصي

كلها لها نفس الطريقه .

اتمنى ان المعلومه وصلت بالشكل الصحيح .

[الليل]

الله يجزاك بالخير اخوي وربي ماقصرت وتشكر على مجهودك افدتني وافدت باقي الاعضاء ان شالله