هاوية الطيور الحقيني

[منآوي]

السلام عليكم


بطتي ماادري وش فيها

حركتها صايره قليله تحسينها تعبانه

وصوتها صاير غريب بالضبط مثل اللي فيهم كتمه والا صدورهم تعبانه

واكلها صاير قليل وعندها اسهال

وش اسوي لها وش اعطيها عشان تطيب

ماابيها تموت :(

المدينه اللي انا فيها مافيها بيطري :(

[! هاويه الطيور !]

عليكم السلام :") ..

اهلين مناوي
ممكن اعرف وين حاطتهم ؟
بخصوص التحميم دايما تحممينهم واي وقت ؟
بخصوص الليل هل تحطينهم بمكان دافي وتغطينهم ؟


بخصوص البطوطه هل عليها قله حركه وتلاحظين عليها منكمشه من البرد ؟
وتلاحظين عليها الخمول ؟

الواضح ماخذين برد لانه الصيصان او شهر الى شهر ونص تحتاج تدفئه ولاتصاب بالبرد
وبعضها يتجاوز هالشي وبعضها يموت

لانه الصيصان حساسه جداً :") ..

وبـ إنتظارك ..

[منآوي]

ماتت :(

انا بالليل ادفيهم واغطيهم

وهي يمكن ماخذه برد لان البطات الثانيات كبوا عليها مويه

والا انا ماحممتهم هالايام احس برد عليهم

من الصبح لقيتها ميته حزنت عليها مره :(

رحت وديت الباقيات المزرعه ماابيهم يموتون عندي مااتحمل :(


المهم عامل المزرعه يقول مانحطهم ببيت بروحهم توهم صغار لازم نحطهم مع طيور ثانيه

الدجاج مايصلح لانه بيموتهم راح حطهم مع الحمام بنفس القفص يقول هنا احسن لهم

والحمام مايأذيهم

وش رايك مناسب لهم مع الحمام والا اخليه يطلعهم ؟

[! هاويه الطيور !]

غلط حيل حيل انك وديتيهم بالمزرعه وهذا سنهم صغار

الحمامه ممكن تضربهم ضربه وحده ممكن تسبب فيه صرع وبعدها يموت اذا محد ساعده

المفروض ماتودينهم الى بعد شهرين على الاقل يشتد عودهم

والصيصان تبي دفى واكيد المزارع في الصباح والليل جوها بارد حيل

[الصمت الدافى]

لا عاااديـ ماعليــه


انتيـ يالله قولي جعلهاا باللي تخلف وخلاص لان هذي البطة دافعه بلاء

لان ممكن كاان بجيك مثلا شيء ثم جاها اهي عشاان كذاا يفضل تقولين جعلهاا باللي تخلف يالله قولي عشاان تكوون دافعه بلاء ولا تحزني ماعليه يمكن في اليوم ينتج مئة الف بطة صغيرة من ارجااء العالم يعني لو ماتوا كل بطاات المنطقة اللي انتي فيهاا لابأس لان فيه بمنااطق تكوون مزدحمه وبالملايين

[منآوي]

هاويه يعني اجيبهم من المزرعه ؟

سؤال ثاني لفيت مدينتنا كلها مالقيت ذره جافه

وش البديل عنها ؟ وش اعطيهم جريش ينفع ؟




الصمت الدافي

جعلها باللي تخلف ياارب

شكرا لك الله يعافيك

[! هاويه الطيور !]

اي افضل المزرعه خطر عليهم :") ..

بخصوص الاكل حاولي تشوفين بالمزراع عندكم اكيد فيه مكان مخصص يبيع فيه اكل

الذره مهم جداً بكل سوق موجود ..

او تعطينهم الخبز بالماء او الارز المطبوخ أفضل ..

[منآوي]

الخبز ماياكلونه بالمويه

حطيته لهم اكثر من مره ولااكلوه

الرز المطبوخ اي يحبونه وياكلونه

الذره مالقيت ابد

طيب ينفع جريش او اكل الطيور اللي تنباع بالسوبرماركت ؟