ساعدوني يا خبراء الكاسكو مريض وعيونه بها إلتهاب يوجد صورة

[معشوق الكاسيكو]

السلام عليكم
أحد طيوري الكاسكو ما لقيته قبل يومين الا كله جالس بأسفل القفص نفس إلي حزين او كئيب وما اشوفه ياكل ولا شي وكلما أقرب منه يجعر بصوت خفيف غغغغغغغغغغغغغ ويفتح فمه لي وما يبيني اقرب منه ,مع التدقيق فيه لاحظت انه عينه اليسار الجفن محمر وفيها التهاب خفيف خفت عليه فتحت القفص دخلت ايدي احسه يقول لي تباعد عني وللحين الطير مو راضي ألمسه مع انه أليف بس سبحان الله مغير الاحوال

وسؤال لخبراء : احد صادته نفس الحالة ذي ؟؟
وهل هو معدي للطيور الباقي
هل اعزله في حجرة ثانية عن باقي الطيور الي عندي؟ ( اخاف اعزله ويموت )

والطير تراهو نشيط احسه ويتحرك طبيعي بس يتألم فمن جذي صاير نوع الشرس قليل وكله يبي يريح عينه يغمضها غصب وما ياكل ولا يشرب واذا احط له اكل تحت القفص ياخذه ويكبه وما ياكله

والطير عمره من 6 الى 7 شهور

وهذي صورة لعينه
http://srv.bahrainforums.com/up/img/2010/11/12/e4a4cb14982fcb2f7839dc2e7bdc1529.jpg
الجفن ملتهب ومحمر





وديته البيطري عطوني مضاد
هل المضاد راح يفيد معاه لوحده لأنه ما يرضى اني ألمس عينه وأحط له مرهم
وأنا صراحة وديته البيطري وقال لي المضاد وحده يفيد حتى لو بدون مرهم اذا الطير معاند وقال الطير معاه ألتهاب في حنجرته من تغير الجو ويطلع صوت خفيف
بس انا خايف عليه لأنه أحلى طيوري وفيه طفرة جينية في الريش

وانا كنت أسأل أحد مر بهالشي من قبل مع أحد طيوره وشنو كان علاجه لأن الاحمرار صاير فوق الجفن وطيري كله صاك عينه وكئيب نوعاً ما بس من اقرب له يفتحها لي واذا احط ايدي له قريبه يهاوشني لأنه يخاف ألمسها له

[fawzi]

الله يشفي طيرك اخوي حاول انك تعطيه الدواء الي صرفه لك البيطير وان شاء الله ماعليه شر

[الكاكي]

الله يشفيه
اي التهاب في العالم لابد له من مضاد حيوي علشان يشفى باذن الله الالتهاب.
المضاد يعالج اي التهاب ولكن هناك مضادات فيها مواد فعاله لمرض معين
مثلا التايلان مضاد عام ولكن فيه مواد مركبه فعاله للجهاز التنفسي .
استمر على المضاد (والافضل ان يكون صناعته اجنبيه )الي اداك البيطري ويوجد مراهم معقمه للعين ولكن اذا ماقدرت لا تسوي شي بالغصب لانه ممكن الطير يؤذي نفسه. وبعد 5 ايام يتحسن باذن الله

[SILVER LOVER]

شف وانا اخوك فيه عضو ببغائه المكاو جاع كذا

الضاهر من الغبار او توسخ او من هذا القبيل

انصحك تمسح على عينه بمويه تمسحه بمنديل

ثم جب القطره المطهره حق العيون وقطر فيها والله يشفي طيرك

[الامل]

ان قبل اسبوعين صار لببغائي كذا وعطني الدكتور مضاد له ولله الحمد ثاني يوم شفيت عينه

[tamertamer]

من الواضح ان عندة مشاكل فى الجهاز التنفسى ولان الجهاز التنفسى متصل بالعين بيحصل فى بعض الحالات التهاب كما بالصورة وهذا الطير مو7 او 8 شهور هو اكبر بكثير
ثانيا هذة حالة برد وضحة جدا ويحتاج الى مضاد حيوى ممكن تحطلة دكسىميسين او ديلة دواء بيطرى اسمة اكسدراما فعال جدا وحطة فى المية وكرر هذا الدواء لمدة عشرة ايام متواصلة

[يوفاوي الكويت]

اخوي استمر علي المضاد الحيوي

واعزل الطير

[زيـآد]

الله شفيك لك طيرك انشالله ويرجعه مثل ما كان واحسسن انشالله ..~

[neemo]

وديه لطبيب بيطري

ومايسر الا العافيه انشاء الله

تقبل مروووري

[معشوق الكاسيكو]

السلام عليكم

شكراً للاخوة عالردود الطيبة
وابشركم وديته البيطري وقال لي عنده إلتهاب في الجهاز التنفسي
وعينه سببها الالتهاب

بس بغيت مشورتكم

اي احسن مضاد للطير في هالحالة الي عندي
وهل المضادات تختلف من مضاد لمضاد والنوعيات الي ذكرتموها لي


وهل المرض معدي للطيور البقية اذا كان مجرد التهاب في الجهاز التنفسي بسبب تغير الجو او الرشح

معشوق الكاسيكو

[الكاكي]

الافضل عزل الطير لوحده وبمكان دافئ.
العلاج الامثل للجهاز التنفسي علج اسمه التايلان قيمته 45 ريال.
http://www.2zoo.org/get-11-2010-2zoo_org_i0ze6ap9.jpg (http://www.2zoo.org)