إيش جرى لهمتووورة .. جاوبوني بليززز !

[الفراشـــــة]

بسم الله الرحمن الرحيم

سلام عليكم ..

كيف الحال ؟

الله يسلمكم آنا بغيت أستشيركم في الأخت همتورة :)

( الهمستر الأنثى تبعي )

اقرأوا كلامي زين ..

البنت الله يسلمكم صايرة عصبية زياادة .. ما تبي أمسكهاا .. و تهرب و تنخش من أقل حركة مني

تركض ركض سررريع مثل ركض الفار لما بس أحرك يدي ( مو عشان امسكها ) بس لما احرك يدي

شوي تهرب ع طول و تنخش كأنهااا وزعة !

و فوق كل هذاااااا .. تصدر صوت مزعج و غريب ( مو الصوت الطبيعي للهمستر ) يعني مو مثل

صوت الصوص .. إنمااااا مثل هذا الصوت .. تيزززززززززززززززز .. و الله ان صوتها مزعج و كريه انا ما

حبيته .. خاصة لما أعاندهااا أو لمااا أحسسها بالخوف .. بس اتحملت هالصوووت عشان خاطر

البيبيززز اللي في بطنهااا .. و على فكرة كانت تمزززق بيتها اللي من كرتون و تسوي حاله

كحال النشـارة و تنقله لداخل الأنبوب تبعها و تنام عليه .. و سمحت ليها بعد عشان خاطر

اللي ببطنها :p

و هذا اللي أبي أتاكد منه .. هل هذا دليل الحمل فيهاااااااا ؟

تراها بالبداية كانت تمزق الكرتون .. بس الآن ظهرت عليها عوارض العصبية و الخوووف الشديد مني

و إصدار هذا الصوت الممل !!!!!!

تراني و الله بمووت :(

خايفة لا أنفخ روحي و أقول إنها حااااااااامل .. و بعدهـا مرة وحدة أبط روحي !

خاصة إني الآن فصلتها من قرابة يوووم و بعض اليوم عن همتارووو حبيبي ..

و على فكرة .. مرة لاحظت إن برازهااا لونه أحمرر مو أسود ( يا لطيف :eek: )

وش هذا بعد ؟

و بالمناسبة .. مرررت أكثر من تسعة أيام و انا ما لاحظت أي تغيير في شكلهااا !!!!!

جاوووبوووني ..

و أتمنى بشدة مروررر ويثيرد روززززززز عشانها الأكثر خبرة في تربية القوارض .

تحياتي للجميـع :o

[رعوود]

اختي


بالنسبه لسالفة الصوت

حجمها ما تغير


لانه ممكن تكون ولدت

لان معروف اولاد الهامسترز يطلعون اصوات شبيهه بهالصوت الي تقولين



والعصبيه دليل على الحمل وبناء العش بعد دليل على الحمل

ولو تتركينها هالفترة لانك تقولين 9 ايام يعني ممكن قربت فترة الولادة

وترى انتفاخ البطن وظهور الحلمات ما يبين الا في
الايام الاخيرة من الحمل

انطري عليها شوي

وبالنسبه للبراز احمر مو اسود


ماعرف شي عن هالسالفة ننتظر راي ويذر روز



وان شاء الله افدتك

[الفراشـــــة]

ههههههههههههههههه ..

أما لو ولدت يا رعووودي انا بموت من الضحك هههههههههههه !!!!

معقولة ؟ تولد بهالسرعة بدون سابق إنذااااررر ..

أقول ..

لو ولدت كان كنت متأكدة انها بتاكل أولادهاااااااا من كثر ما زعجتها أمس يوم تهرب المعلونة !

و الله خوفتني يا رعودي .. بس انا ما أعتقد انها ولدت ..

ترى بيتهاااا مركون في ناحية بحيث اني ما اقدر اشوف عيالها ..

و مشكوووور يا الغالي على ردك تسلـــــــــم لــي ..

و ننتظر راي ويذرد روززز .

تحياتي

[رعوود]

اختي انتي حاولي

تشوفين الي داخل البيت بدون ما تنتبه عليك

ممكن تكون ولدت

وخبرينا باخر التطورات

[الفراشـــــة]

إن شاء الله ..

[الفراشـــــة]

و الله أقول لك يا رعود لا هي حامل و لا شي ..

بس أشك أشك أشك إنها حامل .. لأن تصرفاتها واجد بعيدة عن تصرفات الذكرررر ..

الذكر هادئ و حبوب و يحب ريحة يدي و يقبل ليي .. بس هي ما تبيني و لا تبي تقرب مني و

عصبية واااااااجد و كل تبي تنخششش رغم إني أعامل الاثنين بمثل المعاملة بالضبط !

تعالي يا ويذررررد ساعديني عاااااااااااااااد !

تحيــــــــــــــــاتي

[الفراشـــــة]

اليوم .. لاحظت إنها هدت عن أمس .. بس ما زالت تصدر ذاك الصوت بخلاف همتارووو !

همتارووو هادي و على حاله !

لكنها تصدر صوت مثل تزززز !!! شايف اشلون صوت الذبابة ؟ يشابهه تقريبـــــــا .

و ما يشابه صوت الصوص البريء أبدا !

هاه وش هالصوت ؟

[رعوود]

اختي ازهار

هل تاكدتي داخل البيت فيه شي او لا


لان غريبة تقولين صوت ومعروف صغار الهامسترز المولوده تصدر مثل الصوت الي تقولين

يا ليت لو تتاكدين وتخبريني شيصير

[الفراشـــــة]

لا ما فيه عياااااااال بتاتا !!!!!

[رعوود]

والله مادري شقول لك


بس ننتظر راي ويذر

[Miss lexus girl]

http://www.lexus-girl.com/Pictures/Mar7ba.gif
●● إمممم أعتقد عرفت الصوت اللي تقصدينه ^^"

مو متأكدة.. بس إذا كان مثل الإززز شي جذي.. هو مزززعج..

أنا سنوو تطلع هالصوت إذا أعاندها وأعصبها أو إذا تكون متوترة

أغلــب الظن إنها ببداية الحمل.. من جذي مو مبين.. إصبري عليها شوي.. ولا تجننينها وايد لوول ^_* ●●
http://www.lexus-girl.com/Pictures/Y7fa'6kom.gif

[الفراشـــــة]

إذا طلعت حامل صج .. بوزع عليكم حلاوة ..

هههههههههههههه ..

أدري فيكم .. مب مصدقيني ..

لكن آنا جادة في كلامي !

بوزع عليكم حلاوووووة .. وعد ..

بس بطريقتي الخاصــــــة ..

و راح تعجبكم آنا متأكدة

بس ادعوا لهاااا معاااي ..

الفراشـــــــــــة

[مهووس الحيوانات]

معليش أقدر أجاوب على سؤال واحد بس إلي هوه : ليش تخرب بيتها؟
السبب : تنمو أسنان القوارض بشكل مستمر ، لهذا تبدأ بقرض أي شيء تراه لكي لا تنمو بحجم لا يستطيع فمها اتساعه .
مع خالص تقديري و احترامي...

[Mido online]

حاااااااامل

[sweety2007]

انا الصراحة يوم شريت الذكر كنت الاعبه بيدي داخل القفص وكان يطلع مثل الصوت اللي تقصدينه تره عادي هالصوت بعض الهامسترات يطلعون مثل هالصوت.. يعني اذا انزعجوا من شي يطلعون هالصوت.. وبيت خالتي عندهم هامسترات واحنا كنا قاعدين في الصالة واهمه محطوطين بعيد عنا كنا نسمعهم يطلعون مثل هالصوت.. مثل صوت الذبابة او صوت شوط الكهرباء.. وانشالله تكون هامسترتج حامل..

[Withered Rose]

و عليكم السلام و رحمة الله وبركاته ..

تصدر صوت مزعج و غريب ( مو الصوت الطبيعي للهمستر ) يعني مو مثل

صوت الصوص .. إنمااااا مثل هذا الصوت .. تيزززززززززززززززز .. و الله ان صوتها مزعج و كريه انا ما

حبيته ..

هذا الصوت يدل على الإنزعاج من شي ما أو كنتي تلعبين معاها بوقت الغفوة أو عند دفنها للطعام ..
هل الصوت تطلعه في كل الأوقات ؟!


و على فكرة كانت تمزززق بيتها اللي من كرتون و تسوي حاله

كحال النشـارة و تنقله لداخل الأنبوب تبعها و تنام عليه

تمزق الكرتون لغرضين : أول شي إنها تقوم بواجبها اليومي :p (العض و القرض) و الثاني جعله الكرتون المقصص بمثابه عش و هذا اللي لاحظته من هامستراتي إنهم بعد ما يقرضون الكرتون يسحبونه للبيت ..


و هذا اللي أبي أتاكد منه .. هل هذا دليل الحمل فيهاااااااا ؟

قد يكون دليل ..
منى أخر مرة حطيتيها عند الذكر ؟؟ حاولي تمسكينها من الجلده خلف الرقبه و على خفيف تقدرين تفحصين بطنها إذا مر 10 أيام من الحمل راح تلاحظين الإنتفاخ واضح و لكن ديري بالج على خفيف الفحص لا تضرين الأجنه ..


و على فكرة .. مرة لاحظت إن برازهااا لونه أحمرر مو أسود ( يا لطيف )

وش هذا بعد ؟

شنو تاكل همتورة ؟!
لاحظتي عليها الخمول و قله الدوران بالعجله ؟



و عندي سؤال بعد .. همتوره عمرها بحدود جم ؟
و قبل الولاده بيومين راح يبين واااضح الانتفاخ بحيث تصير كلها مثل الكره يعني لا تخافين راح تعرفين متى راح تولد ..

و آسفه على التأخير بالرد .. و بالتوفيق :)

[الفراشـــــة]

بسم الله الرحمن الرحيم

مشكوريييييييييين أخواني رعودي و ميس ليكسوزة ما ادري شسمهااا و ويذرد روووووزززز .

و هذي الإجابة على أسئلتج ..

نعم .. لاحظت عليهاااااا كثرة النوم و الإختباء بعد أسبوع أو ثمانية أيام من أول ما جبتها .

و بالنسبة لهذا الصوت .. نعم .. هي تصدره في كل وقت !

تاكل جزررررر أكثر شي و الحبوب الجااااف :)

بصراحة .. بعد ثمانية أيام أعتقد آنا فصلتهم عن بعض و الحين هم في اليوم الثالث و بعد أربعة أيام

إلا ساعتين بردهم حق بعض :(

لأني مو متأكدة مئة بالمئة إنها حامل !

و على فكرة ما أقدر أمسكها من جلدتهاا بسهولة واجد واجد واجد شيطااانة و كل تبي تعض !

تحيـــــــــــــاتي

[الفراشـــــة]

أنتظر الإجابة يا ويذرررد !

[Withered Rose]

نعم .. لاحظت عليهاااااا كثرة النوم و الإختباء بعد أسبوع أو ثمانية أيام من أول ما جبتها .

و بالنسبة لهذا الصوت .. نعم .. هي تصدره في كل وقت !

أول ما يبتيها كانت على نفس الحاله كثيرة النوم و تصدر الأصوات ؟؟ اذا كانت على نفس الحاله أعتقد محتاجه ترويض زياده و اهيا خايفه ..


تاكل جزررررر أكثر شي و الحبوب الجااااف

ممتاز .. و لكن حاولي تنوعين بالخضروات و بمعدل يومين إلى 3 أيام بالإسبوع ..


بصراحة .. بعد ثمانية أيام أعتقد آنا فصلتهم عن بعض و الحين هم في اليوم الثالث و بعد أربعة أيام

إلا ساعتين بردهم حق بعض

الـ 8 أيام راح يبين الحمل .. إذا رديتيها بعد الفصل و هيا حامل راح تهاجم زوجها أو تبعده بعيد أما إذا ما هاجمته ممكن تكون مو حامل ..


و على فكرة ما أقدر أمسكها من جلدتهاا بسهولة واجد واجد واجد شيطااانة و كل تبي تعض !

حاولي تدربينها زياده لأن مبين إنها بعدها خايفه ..


و أي إستفسار إحنا حاضرين .. :)

[الفراشـــــة]

و الله كلج خير و بركة ..

بس لما رجعت همتارو حق همتورة ..

بصراحة .. مات فيها و ماتت فيه ..

يشمها و يلثمهاااا و هي مايلة له وااااااااايد ..

بالعكس اليوم الصبح تراكض وراه كأنها مينونة ..

يعني هذا دليل قاطع إن الأخت مو حااااااامل :(

و إن شاء الله تحمل دامني رجعتهم لبعض الحين بعد 96 ساعة .

تحياتي لج

[Withered Rose]

إن شاء الله .. :)

بس المده الصحيحه هي 94 ساعه ما فرق وايد بس تعتبر الفترة المثاليه أقل من 4 أيام بساعتين .. و الله يوفقج .. :)