للخبراء في أمراض الكاسكوو

[الفراشـــــة]

السلام عليكم و رحمة الله و بركاته ..

كيف الأحوال ؟ انشالله تمام ..

أخواني

انا أعاني من مشكلة مع طيري !

ريش الطير يتساقط و مشالله على الطييررر دايما يحكحك و ينظف و الريش الداخلي يتساااقط

كل ما يحكحك في جسمه بمنقاره .. أما الريش الخارجي ( الناعم) صاررر منتوووف ..

لما شافه زوج اختي قال .. ان فيه قمل و ان ريشه معرض للتسااااقط نهائياااا ..

آنا خايفة ؟

خاصة اني اشوف بعض الحشرات تحوم حوالين القفص !

و بيني و بينكم انا انظف القفص اسبوعيااا ( مرة وحدة فقط في الاسبوع )

هل وجود الحشرات الصغيررة ( مو كثيرة ) شي خطير ؟!!!

هل يصاب الطائرر بالقمل مثل ما قال زوج اختي ؟!!!

هل عبث الطائرر في جسمه بمنقاره بالضرورة يكون مرض؟ او انها فترة تبديل الريش؟؟؟

كيف اتاكد انها مو فترة تبديل للريش؟

ارجوكم ساعدوني ..

و اذا كان لا بد ..

شنو نوع الدواء اللي لازم استخدمه ( زوج اختي يقول دواء للقضاء ع القمل ولا ادري )

ساعدوني

[يوفاوي الكويت]

اول شي عيدج مبارك

وانا زعلان حيل منج

لسبب واحد

شلون تخلين الطير اسبوع كامل بمكان وصخ

ما عندكم خدامه بالبيت انا باليوم اخلي الخدامه تنضف القفص مرتين

اما بالنسبه للريش احتمال كبير انه فيه قمل

وابي اسالج الريش الي يتساقط هو الزغب الي لونه ابيض وكانه قطن

اذا هذا فهو امر طبيعي

انا انصحج بالتشميس بعد الترويش ويكون ماي دافي الحين بالشتاء

وفيه بخاخ خاص للقمل

ونصيحه اذا ما تقدرين تهتمين بالطير حرام عليج تهملينه

[كاسكووووو]

القفص الأفضل يتنظف كل يوم او يومين اسبوع كثير تجيه الحشرات والبكتيريا لو تنزلين صورة أفضل

[فيصل المبارك]

الاخوان ماقصرو

بس مايمنع انك تحطين صوره لطير علشان نعرف نشخص نوعية المشكله الي يعاني منها طيرك

سواء اذا كان تبديل ريش او قمل او حاله نفسيه لطائر الله يستر

بس ممكن افيدك بشي واحد بالنسبه للحشرات

عليك بالنظافة اليوميه وايضا ماوصيك


بتعقيم القفص بالديتول وتعريضه لشمس علشان يتعقم

[الكاكي]

صورة علشان تكون الافاده اوضح

[سارونه..]

تلاحقي الطير

نفس مشكلتي مع طيري بس الحمدالله بدأت تخف..

وطيرك والله اعلم فيه حاله نفسيه ويمكن حساسيه

لان الطير من المفروض يكون مكانه نظيف لان تدرين جراثيم وبكتيريا..


وان شاء الله مافيه الا الخير

[المألوف]

.



مثل ما قالوا الاعضاء فوق ،
( تشمس + عظمة حبار + نظافة يومية للقفص و يفضل يكون نظافة القفص في الليل علشان ينام والقفص نظيف + فواكة وخضار + ترويشة كل عقب يومين اذا ما تحسن فيه بخاخ في الصيدلية للبكترياء و القمل ترشينه كل يوم الصبح وفي المغرب لمدة اسبوع ويروح القمل باذن الله وسلامتك )

[الفراشـــــة]

مرحبـا ..

قالوا لي انظفه بالاسبوع مرة ع الاقل

انا امشي ع حسب الكلام اللي ينقال لي

بالنسبة لتنظيف القفص بشكل شبه يومي ..

هل تقصدوون غسله بالماااااء و الصابون كل يوم أو كل يومين ؟

أو تقصدون فقط تبديل الاكل و الماي و القاعدة السفلية ؟!!!

لأن من جد بيشيب راااااااااسي اذا غسلت القفص كل يومين :confused:

بالنسبة لدواء القمل البخاخ !

تقولون من الصيدلية !

يعني لازم صيدلية بيطرية ؟ ( ادري سؤال غبي )

و بالفعل الريش اللي يتساقط على الاغلب هو الزغب اللي مثل القطن ..

و شكرا

[وليد كاسكو]

اختي الكريمه عليكي بتنظيف القفص بشكل يومي او يوم بعد يوم وان تروشي الطير او ترشيه بالماء مع التنويع بالتغذيه وعلاج تساقط ونتف الريش هو الصبار يقشر ويوضع عليه ماء وقليل زيت زيتون ويرش به الطير بالتوفيق

[الفراشـــــة]

هذي هي صور طيري

ركزززواااااااا على الامكان اللي حطيت فوقها دائرة ..

و قولوا لي عن حالة الطيرررر

هل هو مصاب بالقمل؟ تقدرون تحكمون ؟؟؟؟؟؟؟؟؟؟؟؟

http://www.2zoo.org/get-11-2010-2zoo_org_tuza15by.jpg (http://www.2zoo.org)

http://www.2zoo.org/get-11-2010-2zoo_org_1hh3zraa.jpg (http://www.2zoo.org)

[الكاكي]

هذا مو حساسيه لان الحساسيه يكون الجلد محمر.
الحمد لله النتف بسيط وسهل
حافضي على الاتي:
رش الطائر بالماء 1 اسبرعيا (لعدم الجفاف)
الالعاب داخل القفص(ليلتهي عن النتف)
عضمة الحبار (لاحتوائها على الكاليسوم المفيد لريش)
النظافه للقفص

بعيدن فيه مبيد عند البيطري لطيور يحل بالماء يرش كل شهر مره حتى لو ان الطير سليم

[الفراشـــــة]

سلام

مشكووووووور اخوي كاكي ما تقصررررر

و راح اروح للبيطري و آخذ منه المبيد هذاااا ..

و بانتظار راي البقية بليززززززز افيدوني

[الفراشـــــة]

يلااااااااااااااااااااااااااا ردوووووووووووووووووا

up

[فيصل المبارك]

اختي فراشه


كلام اخوي الكاكي عين الصواب اعملي على النقاط الي وضحها لك

وماوصيك الله الله بالنظافة

وحاولي تعطين طيرك من وقتك شوي لان اهمال الطائر صدقيني يجعل المشكله تتأزم اكثر واكثر


واسأليني عانيت مع ببغائي بسبب أهمالي وانشغالي

صار الببغاء لحمه بدون ولا ريشه بس يالله ربك يفرجها ويشفي ببغائك ويشفي بعد الي عندي


موفقه اختي

[الفراشـــــة]

مشكور اخوي و ما تقصررررر

راح آخذ له الرش في اقرب وقت ممكن

لان احتمال كبيررر يكون فيه قمل

و بالاضافة الى ذلك جسمه كله قشررررررررررة

[Rosella]

من صوره الطير اقدر اقول الطير نظيف ومافيه الا العافيه انشالله

اذا شكيتي من وجود قمل في الطير شوفي في الليل بكشاف نور على العمود بالقفص
قمل الريش يعيش على الاعمده وينزل بالليل ولونه اسود صغير

وفيه بمحلات الطيور الكبرى بخاخ مضاد للفاش(قمل الريش) ممكن يوضع تحت جناحين الطائر وفي منطقه فوق الذيل (منطقه الغده الزيتيه ) عشان يقضى على القمل.

اذا كان الريش الكبير يتساقط والريش ميت (لايوجد فيه دم) معناته الطير يمر بمرحله متأخره من القلش ( تغيير الريش) وهذا طبيعي .

بودره الريش في الافريقي طبيعيه جدا ولونها ابيض وممكن تخففين من ظهورها بالاستحمام الجيد للطير وتعريضه لحمام شمسي مايتجاوز نص ساعه في شمس الصباح .

ايضا من اسباب تساقط الريش المرض النفسي واسبابه عدم اللعب مع الطير اذا كان اليف
او عدم توفير الامان للطير اذا كان وحشي .

اخيرا اذا كان هناك تشوهات في الريش قد يكون سببها عدم توازن الاكل ونقص الفيتامينات المغذيه للريش الجديد وعلاجها تعطين الطير فواكه وخضار .

في الحالات الشديده للتساقط قد يكون السبب فيروس خطير اسمه BFD وليس له علاج وغالبا يكون معدي للطيور الاخرى وعلاجه القتل الرحيم للطير قبل لايستفحل عليه المرض .

بالتوفيق

[الفراشـــــة]

العزيز .. روزيلا

مشكور و ما تقصررررررررر ..

الصراحة اللي يسأل عندكم - يحصل الجواب الوافي و زيادة ..

أفدتني إفادة عظمى

و كذلك بالنسبة لبقية الأعضاء الكراااااام ..

مشكورين اخواني :o