هل هذا التواء في الرقبه؟؟ (صور)

[محب الأرانب]

السلام عليكم
انا ارنبي عمره 6_7 شهور انا شريته وكان عمره 3شهور

ولما شريته شريته مع عدة ارانب فحصتهم فحص سريع
رحت البيت لاحظت عليه شي غريب من بين اخوانه راسه مايل على جنب
استغربت ليش مسكت راسه اشوف ايش فيه دلكت رقبته لكن ما تغير شي

هذي الصوره هو الأخير على اليسار

http://www12.0zz0.com/2010/11/18/23/173893657.jpg (http://www.0zz0.com)

اتمنى انكم تفيدوني
واذي فيه علاج لا تبخلون علي قولولي وش العلاج

[marshmallow]

هـل يدور فـي دوآإئـر ..؟

وهــل لـآإحظت تصمـغ دآإخـل الإذن ..؟

[محب الأرانب]

ما فهمت السؤال الاول

لكن اذنه سليم

[marshmallow]

يعنــي هـل يدور حـول نفسـهـ ..؟

[محب الأرانب]

لا ما يدور حول نفسه

[yes-we-can]

ربما يعاني من شد عضلي او روماتيزم من النوم

استمر في تدليكه وضع مرهم حول رقبته

[marshmallow]

عنـدهـ والله أعـلم ليستـيريـآإ .. أو بـآإستيريـلآ ..

ويصعب التفـريق بينهــمآإ ..

والبـآإستيريلآ تـأتي نتيجة إلتهـآإب الأذن الوسطـى ..

أمـآإ الليستيـريـآإ نتيـجة طفيليـآإت ..

إعــزل الأرنب لحـآإلهـ ..

ووديــهـ للبيطـري يحقنـهـ بـإبـر العــلآج ..

ولــكن الليستيـريـآإ مـآإ تشفـى دآإئمـآإ ..

[مشاعل الرياض]

اذنه فيها تصمغ والتهاب وده بيطري ينظفها ويعطيه ابره لان التصمغ يألمه ويخلي راسه مايل ويمكن يموت لانها تألمه وده بيطري شاطر واي خدمه انا حاظره

[محب الأرانب]

لا يا اخوان
اذنه سليمه انا لما اشيله مثل الطفل الرضيع راسه يلميل على جنب مو يلتفت او يحرك رقبته

وواضح انه الأنحف بين الأرانب الي معي مع انه يكل نفس المقدار الي ياكلونه

[احساس بنوته]

اخوي اسمعني عدل

اول شيء تروح للمحل ووتأكد اذا هو كان كذا من زمان ولا لا اذا كان امسك الرجال طقه طق لين يعقل ويبيع ارانب عدله وارميه فيه وجهه >>> لا جد روح اسأل

اما اذا تصمغ فهو ماله داعي

اما هو عنده التوااء في رقبته من صغره

اما اذا شفته متضايق مرره من الاتوااء وده الطبيب بسرعه هائله ولا تتاخر يمكن يكون كسر مثل ارنبنا لما كسر رجله متضايق مره ويصيح

اما اذا حاولت تحرك رااسه للجهه الثانيه وصاح اعرف انه تعور فقوووم بكل يوم التدلييك على رقبته وتحاول تجيب لك شيء وتحطه بالجانب مثل لعبه او جيب له صوف لفه ولفه لين تسي معك كوره وغريها وبعدين خلي حبل طويل الارانب دايما تنخدع بالصوف ^__^ وتحط اللعبه بمكان الي مافيها المليان عشان يحاول يطالع ويتعود ويسير يتصلح

انشاء الله افدتك اخوي ^____^ بس لا تنسى تضرب الرجال

[مشاعل الرياض]

سو مثل مالقلتلك احسن وده بيطري قبل لايموت من الالم علاجه بسيط ان شاء الله بس لاتاخر عليه

[محب الأرانب]

الأرنب كذا من صغره طالعو في السؤال صح انا شريته وعمره3 شهور
لكن ما كان الألتواء بهذي الشده لما اخذته
وهو عايش حياة طبيعية للغايه زيه زي اي ارنب عندي يتزاوج ويركض ويلعب لكن اذا وقف ما يطيل وقوفه
لكن انا اخاف مايبان ضرره مستقبلا

[ميلودي]

استمر في تدليكه وضع مرهم حول رقبته