تعالوا شوفوا فروخ الدجاج اللي شريتهم ( صور + فيديو ) حياكم بس قولوا ماشالله

[fawazzz_q8]

السلام عليكم
حاب اوريكم الطريقة اللي اربي فيها عدد 40 فرخ دجاج في البيت اغلبهم اعمارهم قريب الشهرين انا اشوفها طريقة نظيفة مافيها ذبان ولا حشرات ولا ريحة كريهه ولا تعب في التنظيف فحبيت اوريكم شغلي وابي تعليقكم على الطريقة اللي اتبعها هم عشان نستفيد من خبراتكم ونطور نفسنا في تربية الطيور .

http://www.gmrup.com/gmrup.com-9-2010/gmrup12902006462.jpg (http://www.gmrup.com/)

القفص من الخارج تقريبا مساحته مترين في متر حطيت تحتها خشب عشان يرتفع القفص عن الارض وحطيت تحته نايلون وفوقه حطيت كمية لابأس بها من التراب وفعلا الطريقة مريحة وهم الدجاج دايما ينظف نفسه بين فترة وفترة بالتراب وهم ياكل منه الظاهر انهم يحتاجون لاكل التراب بين فترة وفترة

http://www.gmrup.com/gmrup.com-9-2010/gmrup12902006451.jpg (http://www.gmrup.com/)

الطيور داخل القفص وكلهم متراكمين عند الباب لاني معودهم كل يوم الصبح اني اهدهم بالحوش عشان يمددون رجولهم وياخذون لهم حمام شمس

http://www.gmrup.com/gmrup.com-9-2010/gmrup12902006473.jpg (http://www.gmrup.com/)

طالعوا القفص الصغير هذا انا اعزل فيه طيوري المريضة لان ان مرضت دجاجة تعدي غيرها فلازم نعزلهم

http://www.gmrup.com/gmrup.com-9-2010/gmrup12902006475.jpg (http://www.gmrup.com/)

هني الدجاج وهم منتشرين في الحوش ويراكضون ويستانسون ويشمون هوا انا اعتقد ان صحة الطير الحقيقية هي في انك ماتحكره وانا مدلع دجاجي حيل من هالناحية كل يوم اطلعهم واخليهم ياخذون لهم فسحة بالكورنيش :D

http://www.gmrup.com/gmrup.com-9-2010/gmrup12902006474.jpg (http://www.gmrup.com/)

هذا ريوقهم انا مسويه بنفسي وهو خبز يابس منقع بشوربة لحم او دياي زايدة ترى مومسويها مخصوص حقهم وبصلتين كبار قصصتهم لهم بنفسي وثومة كاملة طبعا يومها صارت مباراة كرة قدم امريكية في الحوش عشان هالشوية بصل ماهقيت انهم يعرفون فوائد البصل لهلدرجة

الحين اخليكم مع الفيديو وترى الفيديو صورته بيوم ثاني وهذا للعلم فقط وتقدرون في الفيديو تركزون اكثر على طريقة القفص والتراب اللي فارشه بالارض وأأكد لكم ان مافي لاريحة ولا حشرات والتنظيف سهل حيل ماياخذ منكم وقت وترى كل هذا ماكلفني حتى 50 دينار كويتي من علف وقفص ومعالف ومشارب والقفص والفروخ

http://www.youtube.com/watch?v=_zm4IVw2z3c

هذا الرابط اذا ماطلع الفيديو عندكم
http://www.youtube.com/watch?v=_zm4IVw2z3c

اتمنى ان شغلي عجبكم

[فرّي]

الصراحة عشة مميزة ماشاء الله

[دجاج 2010]

مشاء الله ع الفروخ والقفص

بس انتبه من البس تراه غداار

[mustaf]

ما شاء الله يتربون بعزك

[محبه الحيوانات]

مشاء الله تبارك الله

شي حلوووووو

[صمت الأمل]

وعليكم السلام ورحمة اللهـ وبركاتهـ ,,



ماشاء اللهـ تباركـ اللهـ ,, اللهـ يرزقكـ خيرهم ويكفيكـ شرهم .. :)



اللهـ يجزاكـ ألف خير على اهتمامكـ بهم ورعايتهم ومراقبتهم الدائمهـ ,, وحرصكـ على صحتهم . :freind:



واللهـ شغل نظيف ومرتب ,, مع انهـ عندي ملاحظات بسيطهـ اذا تسمح لي أذكرها :


http://www.2zoo.org/get-11-2010-2zoo_org_m23dy158.jpg (http://www.2zoo.org)


هالباب اللي يفصل بين المنطقهـ والكراج هل هو مسكر وفيهـ باب ولا لأ ؟؟



لأن كأنهـ مفتوح وهذا خطر كبير على الصيصان ,, اما ان أحد يشغل السيارهـ ويدعس احد الصيصان لاسمح اللهـ (( صار لي هالموقف ))



أو يفلتون منكـ اذا شافو باب الكراج مفتوح ويطلعون للشارع .. عشان كذا لازم يكون مسكر عليهم .



بالنسبهـ لعددهم حاليا مع حجم القفص ممتاز ,, لكن اصبر عليهم شوي وراح يكبرون ويكبر حجمهم .. القفص بيكون ضيق جدا عليهم ومافيهـ مكان مريح يبيضون فيهـ , وأيضا بيهربون بسهولهـ من السور المحيط بمكانهم . :p



الا اذا عندكـ قفص آخر أو مزرعهـ أكبر من اللي في الصورة ,, ممكن تضيفهم فيهـ اذا كبروا ان شاء اللهـ .




http://www.2zoo.org/get-11-2010-2zoo_org_nv2dbnkt.jpg (http://www.2zoo.org)


هنا في الصورة فيهـ مكان معزول للدجاج المريض ,, لكن لازم يكون موقعهـ بعيد عن الدجاج السليم ..



لازم تغير مكانهـ بعيد من موقعهـ الحالي .




http://www.2zoo.org/get-11-2010-2zoo_org_lev84dpz.jpg (http://www.2zoo.org)


في هالصورة لاحظت انكـ توكلهم على جرائد ,, وأحيانا هالجرائد يكون مكتوب عليها اسم اللهـ أو أذكار ,, ومانبغى يكون مصيرها تحت الدجاج .. فاذا تبغى تغطي المنطقهـ فيهـ يبيعون بالمكتبات ورق مقوى للكتابهـ عليها حجمها كبير وممتازهـ . اسمها لوحات اذا ماخانتني الذاكرهـ .



أو ممكن تستخدم سماط الأكل ,, لكن لازم تثبتهـ بالأرض بحصيات على أطرافها أو بثقل أو لزاق . :p



وايضا أنت توكلهم في صندوق كرتوني ,, مشكلة الكرتون مع الرطوبهـ راح يتقطع وياكلهـ الصيصان ,, وبيجيهم تلبكـ معوي لاقدر اللهـ ويموتون لأن أمعائهم ماتقدر تتخلص منهـ ..



ممكن تبدلهـ بجيكـ بلاستيكـ أو معدني كبير .. أسهل جدا في التنظيف ويعمر معكـ . :D



أعتذر لكـ على الإطالهـ ,, لكن حبيت أنبهكـ بهالنقاط لسلامتكـ وسلامة صيصانكـ ..



ألف شكر لكـ مرة أخرى على مشاركتكـ بالصور معنا ,, واللهـ يوفقكـ في تربيتهم . :freind:



تحياتي لكـ .



http://www.2zoo.org/get-11-2010-2zoo_org_0s6lzc9l.gif (http://www.2zoo.org)

[fawazzz_q8]

شكر خاص لاخواني اعضاء احلى منتدى على مروركم
اخت صمت الامل
بالنسبة للصورة الاولى ترى مومفتوح على القراج في شبك بس مومبين معاج يمكن والخشب حاطه عشان تكون هذي حدودهم وسبحان الله كأنهم فاهمين انها حدودهم يصعدون فوق الخشبة ويقعدون عليها لكن مايطمرون للجهة الاخرى يحبون يظلون مع بعض هذا الحلو فيهم
بالنسبة للملاحظات الاخرى معاج حق وراح ابعد الدجاج عنهم مع اني اشوف ان مسافة كافيه لان الدجاج اكلهم منفصل ومشاربهم منفصلة وبالنسبة للجرايد ادري خطأ ولكنها اقتصادية وبعدين جذي ولا جذي بالاخير مصيرها بتنقط بالزبالة
وترى هالعشة مجرد بداية ومع الوقت راح تتطور اكثر ان شاء الله

[ahmad sad]

مشاء الله تبارك الله الله يخليهم لك ببس لمن يكبرو اكلنا منهم هههههههههه :88:

[moad17]

ماشالله بتوفيق
وزي كلام الاخة لو تكبر او تجيب قفص زيه
انا ماشفة مكان تبيض فيه الدجاج؟؟

[ميلودي]

ماشاء الله شو حلوووويييييننننن

[بوى فرند]

ما شاء الله تمام
لكن واضح ان القفص فى الهواء الطلق ذلك يسمح لهم بدخول تيار من الهواء ومن ثم يمرضون لقدر الله

[azozy]

شـوف أخــوي أنـآ بقـول رأيـي ...

أنـآ أشـوف انـ العشـه صغيـرة مـره لأن الدجـاج لـم يكبـر راح يصيـر حجمـه كبيـر وتكثـر الأمـراض يعنـي لو تتخـلص منهـم وتخـلي عنـدك 10 دجاجـات ولا 15 دجاجه وتـرى كـل ديـك يكفـي لـ5 دجاجـات .

أمـآ إذآ تبـي تغيـر العشـه مـع الوقت كيفـك .

[الصمت الدافى]

رائعين حلوييين يجننوون رااح تفرح وتقضي وقت معهم لاكن يارب ماتضيق منهم هههه لام مشاكلهم كباار تكثر

[fawazzz_q8]

مشاء الله تبارك الله الله يخليهم لك ببس لمن يكبرو اكلنا منهم هههههههههه :88:

هذي الساعة المباركة اخي الكريم تشرفنا والله

[fawazzz_q8]

شـوف أخــوي أنـآ بقـول رأيـي ...

أنـآ أشـوف انـ العشـه صغيـرة مـره لأن الدجـاج لـم يكبـر راح يصيـر حجمـه كبيـر وتكثـر الأمـراض يعنـي لو تتخـلص منهـم وتخـلي عنـدك 10 دجاجـات ولا 15 دجاجه وتـرى كـل ديـك يكفـي لـ5 دجاجـات .

أمـآ إذآ تبـي تغيـر العشـه مـع الوقت كيفـك .

انا اتفق معاك في هذي لما يكبرون راح اقلص العدد الى 10 فقط وربما اقل لان بصراحة تربية الدجاج متعبة لان مشاكلهم كثيرة وامراضهم كثيرة

[fawazzz_q8]

ما شاء الله تمام
لكن واضح ان القفص فى الهواء الطلق ذلك يسمح لهم بدخول تيار من الهواء ومن ثم يمرضون لقدر الله


بالليل انا اغطيهم من كل جانب واترك فتحات بسيطة للتهوية
بالنهار افتح لهم القفص من كل الجوانب

[azozy]

انا اتفق معاك في هذي لما يكبرون راح اقلص العدد الى 10 فقط وربما اقل لان بصراحة تربية الدجاج متعبة لان مشاكلهم كثيرة وامراضهم كثيرة



شـف أخــوي أنـت راح تقلـص أعـدادهـم لـكن الحيـن لا تسـوي شـي لأن من المحتـمل يعنـي ما نـدر الـي هـو راح يعيـش النـص ويمكـن وبأذن اللـه كلهـم او أقـل أنـا ما ادري بـس اذا لاحظـت أنهم متزاحميـن علـى طـــول قلل الأعــداد .

( بـس أنـت احتريـهم ليـن يكبــروا وتصـرف بعـدين )

[المسكوفية]

مشالله عليك

شغل مرتب وحلووو


انا تقريبا عندي نفسك بس مو بهالنظافه اللي انت مسويها

مدري يمكن لان اللي عندي دجاج كبير وانت فراخ والفراخ يمكن مايوسخ المكان ويكب الاكل



الله يبارك لك يارب

[fawazzz_q8]

مشكورة اخت مسكوفية عالمرور
ياليت تصورين لنا دجاجج نتفرج عليه

[fawazzz_q8]

ارفع الموضوع ليقرأه الاعضاء الجدد الذين لم يقرأوه من قبل

[nemo991]

مشاء الله عشة حلوة هل هذي العشة متكلفة منك قد إيش علشان ناوي اجيب عشة زي هذي أجيب فيها فراريجي

[سميح]

السلام عليكم ماشاء الله صيصانك حلوين ولكن مثل ما قالت صمت الامل المسافة بين قفص الدجاج المريض والقفص الكبير يجب ان تكون ابعد لان اغلب الامراض الفيروسية يمكن ان تنتقل بمسافة تبلغ 5 امتار وشكرا

[ra22d]

ما شاء الله حلوين كثير
الله يخليهم

[دحوووم الحربي]

ماشاء الله

[fawazzz_q8]

مشاء الله عشة حلوة هل هذي العشة متكلفة منك قد إيش علشان ناوي اجيب عشة زي هذي أجيب فيها فراريجي

بالكويت كلفتني اقل من 50 دينار كويتي يعني 150 دولار لكن يمكن تكلف اقل عندك لان بالكويت الاسعار متضخمة
القفص 19 دينار
الفروخ 100 فرخ ب 25 دينار
يعني 44 دينار فقط
واذا كان عندك حديقة او مساحة ترابية خارج البيت فانصحك بقوة ان تربي دجاج

[دجاج 2010]

مشاء الله فروخ حلوه ومكان مرتب ونضيف لاكن :

http://up11.up-images.com/up/viewimages/e0ca558da0.jpg

ارجو تنتبه اخوي

[fawazzz_q8]

مشكورة عالتوضيح اخت دجاج 2010

[مربية جديدة]

ما شاء الله حلوين اووي يتربوا في عزك

[دجاج 2010]

ما شاء الله حلوين اووي يتربوا في عزك

ياهلا بس انا ولد :D ؟>

[ac130]

ما شاءالله تبارك الله

[حي ومانسيت]

ما شاءالله تبارك الله يتربونبعزك
عقبال1000000000000000000000000
فرخ

[الخبير نايف]

مشاء الله الله يحفظهم من كل شهر

[الخبير نايف]

مشاء الله الله يخليهم لك

[عاشق الدجاج1]

ماشاء الله حلوين

لاكن عندي ملاحظة

ذلحين الدجاج ماتدخل عليهم الشمس وهذا خطىء

صح انها مؤذية لهم لاكن في نفس الوقت مفيدة لهم بحيث انها تنظفهم من الجراثيم

وتنظف العش حقهم ولاكن مو في الظهر عاد تعرف الشمس في الظهر قوية عليهم يعني حط لهم فوق الشبك

شرشف بحيث يقعدون فية إذا كانت الشمس قوية مايسير تخليهم في ذي الكتمة وتراها مفيدة لجميع انواع


الطيور لاكن في بعض الاوقات تكون حارة هم مابيقعدون فيها بيروحون يدورون ضل وهو الشبك لإ انه اقرب شىء

لهم وهذي الملاحظة عاد وإن شاء الله افدتك

[المتمرس]

مآشآء الله تبارك اللهـ..

كلآم الآخت صمت الآمل صحيح ...

بس خوينآ طلع ضريف:p

[*قناص ارانب*]

ماشاء الله ........

[Elham]

ماشاء الله عليهم .. ربي يحفظهم لك

امبين انه تربية الدواجن ونيسة وايد << اتحمست اربي

ابصراحة احس مكانهم ممتاز ..

[fawazzz_q8]

ياهلا بس انا ولد :D ؟>

اسف بس الصورة اللي حاطها خلتني اعتقد انك بنت

[fawazzz_q8]

ماشاء الله حلوين

لاكن عندي ملاحظة

ذلحين الدجاج ماتدخل عليهم الشمس وهذا خطىء

صح انها مؤذية لهم لاكن في نفس الوقت مفيدة لهم بحيث انها تنظفهم من الجراثيم

وتنظف العش حقهم ولاكن مو في الظهر عاد تعرف الشمس في الظهر قوية عليهم يعني حط لهم فوق الشبك

شرشف بحيث يقعدون فية إذا كانت الشمس قوية مايسير تخليهم في ذي الكتمة وتراها مفيدة لجميع انواع


الطيور لاكن في بعض الاوقات تكون حارة هم مابيقعدون فيها بيروحون يدورون ضل وهو الشبك لإ انه اقرب شىء

لهم وهذي الملاحظة عاد وإن شاء الله افدتك

عاشق الدجاج انا اتفق معاك
وانا مشبعهم شمس لاتخاف مو حاكرهم كلش
واهما برا القفص على طول بس من تغيب الشمس يدخلون بروحهم داخل بيتهم ويصعدون فوق ويتلزقون مع بعض وينامون

[عبدالله العسيري]

الأخت صمت الأمل كفت ووفت بس عند ملاحظتين لو سمحت لي ::
1- الجرايد تقدر تستغني عنها بما يسمى (( منقل )) عبارة عن أداة مصنوعة من الحديد أو الزنك تستخدم لوضع أكل الأغنام والدجاج والطيور بأنواعها وإذا على قولتك كل ذي اللي عندك ب 50 دينار أجل المنقل ب 2 دينار فقط
2- التربة لازم تغيرها كل فترة لأن الدجاج لمن تنظف جسمها بالتراب أجلكم الله تنتقل البراغث والحشرات الى التربة
آآآآآآآسف على الإطاله ولكن من باب المناصحة ونقل الخبرات

[عبدالله العسيري]

http://www.2zoo.org/get-6-2011-2zoo_org_hze1hat6.jpg (http://www.2zoo.org)
كما في هذه الصورة تستخدمها لسنوات تقبل مروري ......

[fawazzz_q8]

جزاك الله خير اخوي عبدالله اشكرك على هذي المعلومات الجديدة

[UAE_FOX]

هذا ريوقهم انا مسويه بنفسي وهو خبز يابس منقع بشوربة لحم او دياي زايدة ترى مومسويها مخصوص حقهم وبصلتين كبار قصصتهم لهم بنفسي وثومة كاملة طبعا يومها صارت مباراة كرة قدم امريكية في الحوش عشان هالشوية بصل ماهقيت انهم يعرفون فوائد البصل لهلدرجة



لاتعليق على الي بالخط الاحمر

انا اريد اعرف في حد يعطي للدجاج لحم ودجاج تخليهم ياكلون انفسهم

لا تعليق ومسوي نفسك خبرة في الدواجن

وتاكلهم دجاج ولحم

الله يعين الدجاج الي عندك حالتهم مأساوية :(

[fawazzz_q8]

هذا ريوقهم انا مسويه بنفسي وهو خبز يابس منقع بشوربة لحم او دياي زايدة ترى مومسويها مخصوص حقهم وبصلتين كبار قصصتهم لهم بنفسي وثومة كاملة طبعا يومها صارت مباراة كرة قدم امريكية في الحوش عشان هالشوية بصل ماهقيت انهم يعرفون فوائد البصل لهلدرجة



لاتعليق على الي بالخط الاحمر

انا اريد اعرف في حد يعطي للدجاج لحم ودجاج تخليهم ياكلون انفسهم

لا تعليق ومسوي نفسك خبرة في الدواجن

وتاكلهم دجاج ولحم

الله يعين الدجاج الي عندك حالتهم مأساوية :(


هههههههههههههههه والله ضحكتني
يبا اي شي زايد من اكل البيت بدال مانقطه بالزبالة اهما ياكلونه
اي اوكلهم دجاج ولحم وسمك وربيان بعد اي شي يزيد اهما ياكلونه
وياكلون صراصير حتى مصارين السمك ياكلونها ويقطعونها تقطع

[anamml]

ماشاء الله تبارك الله

[fawazzz_q8]

حياك الله اخوي انمل

[أبوعزام]

مشاء الله تبارك الله حلووووين مره ههههه الليه يخليهم لك

[هاوي صيصان]

صيصانك حلوين وجوعانين:D ه شكرا على الموضوع

[bata11]

مره يذننون بس ممكن سؤال :confused:

هل الأكل يقعد معهم طول الوقت ولا تشيل وترجعه أنا الصراحة أخليه لهم طول اليوم ياكلون
لما يقولون بس بس ييزي هههههه:88:

[mosen6]

ما شاء الله الله يحفظهم لك:freind: