تقديم الغذاء باليد

[الليل]

السلام عليكم اخواني

اسف على كثرة الاسئله ولكن اتمنى تتحملوني لان اول مره اربي كلب عموما و جرو خصوصا

اليوم اول مره اجرب اعطي الجرو الاكل بيدي قلت بجرب
طبعا اذا دخلت عليه يكون جوعان ويبغى يلعب وكل شي
جلست اقطع له قطع نقانق وخذيت حبه حبه مثلا اجي عنده اخليه يجلس اذا جلس عطيته حبه نقانق صغيره بيدي مع اني حاس انه مافهم اني عطيته عشانه جلس
اللي لاحضته انه مو مركز صح انه يجلس بس يشم الارض بعدين اشممه يدي واكون مسكر عليها ويحاول يعض بعدين اقدم له القطعه وما اشيل يدي ويحاول ياخذها بقوه لدرجه انها تطيح من يدي واحاول مره ثانيه اقدمها بشويش بيدي واحطها بفمه دخلت القطعه طبعا بس عض صبعي بقوه وما اطلقه لحد ماسحبته وجرحها يعني نزل دم
طبعا قلت يمكن عشانه جوعان ورحت حطيت له الصحن وجلس ياكل

رحت قطعت قطعه صغيره قلت بجرب بعد ما اكل وشبع هل نفس الاسلوب ولالا
قدمت له بيدي اليسار لانه جرح اللي يمين وبرضه عضها بقوه وجرحها هههههههههه

المهم السؤال وش سبب العض بقوه مع اني اذا حطيت الاكل بفمه ما اشيلها ولا شي بالعكس انا اخليها وياكلها بس بطريقة هستيرية

مـتأكد اني راح احصل الجواب عندكم بإذن الله

[Discovery]

اخي هذا شيئ طبيعي
انا بدي اجاوبك بس يا ليت لو
تعطيني باقي المعلومات عن الكلب
العمر ...
النوع ...
الجنس...
واي معلومات أخرى
وايضا لو في صور للأسنان و للكلب ايضا
لكي يتم فهم الأستفسار و الأجابه عليه
بكامل التفاصيل ...

[jakal]

اخي الكريم انت قلت انو الكلب جرو صغير .وجراء لاتقدر قوة العضة تبعها وهذا شي طبيعي و مع مرور الوقت سوف يكبر الكلب ويستوعب ويقدر مقدار قوة العضة تبعو إنشاء الله .

[الليل]

عمره 70 يوم

جيرمن شيبرد

ذكر

[جمولي]

ليس لي معرفة في الكلاب ان شاء الله يفيودنك

[jakal]

عمر الكلب اخي 70 يوم
هي لحركات عادية جدا لكلب بعمرو بلعكس كمان هذه لحركات تنقلب لقوة وشراسة بالكبر لا تخاف اخوي عليه موفق والله يخليلك يا

[الليل]

اوكي شي حلو بس نفسي اني اوكله من يدي وهو مرتاح شوي

[Musab Pro]

ممنووووع ان الجرو يعضك

ولو كان على سبيل اللعب او غيره .. لا في هذا العمر ولا غيره .

يالغالي لازم ما تخليه يظطر انه يعضك .. وقت الاكل والشرب لازم يكون مرتاح ..

يعني لما تسكر يدك انت تمنعه وتعرض يدك للخطر بنفس الوقت وهذا مو اسلوب تدريب !

اول شي يالغالي ودي انك تتطمن على سلامتك انت لان عضات الكلب بعضها خطير .

ثاني شي لا تعطي الكلب الاكل مره وحده وتخليه ياكل بنهم لان هذا الشي ممكن يسبب له

التواء بالمعده او مشاكل هضم .. الحل انك تعطيه الاكل شوي شوي او ان تحط له

بالصحن كوره او بلونه فيها مويه او اي شي يعيق سرعة الاكل .

بالنسبه للكل من اليد .. يستخدم بالتدريب وبشكل قوي .. وخلينا ناخذ مثال عشان تتضح الفكره

لنفرض اننا نبي نسوي تمرين على اسم الكلب والتركيز .

احط الاكل في يدي وخليه يشووف الاكل وو بيدي ..

مثلا امرر الاكل اما عينه بعدين ارفعه عنه الى مستوى صدري عشان يطالعني

ويكون اتجاه راسه الى الاعلى .

وانادي اسمه .. لما اشوف عيونه تغيرت من الاكل الى وجهي انزل له قطعه صغيره

وافرد يدي له واخليه ياخذها مني بدون لا يعضني .. ولو فعل لازم تنهيه بصوت عالي

عشان يعرف ان الشي اللي سواه غلط .. ولو ما فهم فهذا شي محتمل لصغر سن الكلب .

نكرر العمليه مره اخرى وكلما نضر الى وجهي اعطيه حبه .

بعد كذا مره ارمي له الاكل تحت عند رجولي .. وبعد ما ياكل بيشم الارض

انادي اسمه .. اول ما يرفع راسه ويطالع فيني ارمي له قطعه اخرى .

وهكذا ...


اتمنى انك استفدت من التمرين ومن طريقة تعديل سلوك الكلب .

[Musab Pro]

احب اضيف نقطه مهمه ايضا .. يجب ان توفر للكلب عضاضه

او كره عشان يعضها ويلعب فيها وقت الفراغ .. وتشيلها عنه اذا بغيت تمشي عشان

يفقدها ويشتاق لها وما يمل منها .

وغالبا الكلاب في سن التسنين تكون مزعجه لانه تعض اي شيء في طريقها .

يجب ان تعدل السلوك هذا عن طريق اللعبه .

[الليل]

اخوي موجود عنده كوره وعضاضه اجلس العب فيها معه ما اقصر

بس الي استغربه منه انه حتى لما افرد يدي ابغى اعطيه الاكل من زود الحركه بياكلها تطيح بالارض مدري عشانها قطعة نقانق ويحس صبعي نقانق ولا ايش ههههههههههه

[pard3y]

ياحليل عضة الجراء