مشكلة مع الكااااسكو

[رورو12]

السلام عليكم ورحمة الله وبركاته

اخواني انا شريت كاسكو صيد 10 شهور تقريبا المهم الطير اليوم كأنه خامل وماياكل كثير اتوقع عشانه قبل امس شاريته مابعد ألف المكان لكن لاحظت عليه انه يرتجف بقوة؟وخاصة اذا قربت منه؟هل هو طبيعي؟وكيف اخليه يألف؟وصاحبه يقول يطلع على اليد وامس بغير قفصه وعض اختي عضة محترمة؟وش رايكم كيف اتعامل معه؟؟؟؟
وجزيتم خير الجزا

[الكاكي]

الرجفه من البرد وعدم الاكل في البدايه طبيعي انت حط الاكل وهوياكل اذا مافي احد.
1-اول شي افحصه بالنظر والمتابعه .
2-وراقب اكله وبرازه اكرمك الله .
3-ضعه بمكان دافي
4-النوم 10-12 ساعه في مكان مظلم.
5-لا احد يتفرج عليه ويسير فرجه للناس(يزيد توتره)
6-وضعه بارتفاع 1.5 ولا تسوي شي حط له اكل وماء فقط لمدة 10 ايام ليطمئن ويتعود على المكان الجديد
وبعد ذالك ابدأ بالترويض.

[رورو12]

اخوي انا حاطته بمكان دافي واشوفه يرتجف واذا قربت من عنده يزيد رجفته كأنه رجفت خوف

[رورو12]

وجزاك الله خير

[مممممممم]

خله شوي يأمن المكان

[المألوف]

.



اذا تبيه ياكل حط الاكل ورح عنه ساعتين ثلاث و لا تخلي احد يشوفه او يقرب منه مثلا ً حطه في غرفه وسكر عليه الباب ..، وهو بياكل ..،
اما عن الرجفه شوي شوي ترووووح
حبه بحبه يروح الخوف وتجي المحبه :> حلوة صح

[الكاكي]

اخوي انا حاطته بمكان دافي واشوفه يرتجف واذا قربت من عنده يزيد رجفته كأنه رجفت خوف

التزم بالست نقاط وربي يوفقك

[رورو12]

جزاكم الله خير

طيب يااخوااني الحين البرد جاء واكيد بيكون كل البيت بارد خصوصا ان كله سيراميك مالحل؟؟اغطي قفصه بشي؟؟يعني كيف احافظ عليه من البرد؟

[الخيّال]

الان حطة في غرفة دافية فقط ولا تعرضة لتيارات هواء

[ام ماجد]

بالنوم حطه بغرفه دافيه وغطي القفص بشي ثقيل علشان يدفى
وانا اقيس الجو باسلاك القفص اذا كان دافي يعني اوكي اذا بارد حاول تدفيه ^^

في وقت النهار حطه في غرفة جلوسكم علشان تكون دافيه


كيف تحافظ عليه من البرد (مكان دافي - زنجبيل - ثوم ) في المشربيه كل اسبوع مره

وان شاء الله يفيدونك الاخوان الخبراء

[رورو12]

ام ماجد الله يعافيك كيف اعطيه الزنجبيل؟؟؟وش الطريقة؟
وجزاكم الله خيرا

[زيـآد]

هـلأآ فيك اختي رورو ، اول شي مبروك الطير عليك ..~

ثاني شي : مثل ما قال اخوي الكاكي في رده الاول اذا طبقتي الست نقاط الي قالها ، انشالله ما تشوفين الا كل خير مع طيرك ..~

ثالث شي ، بخصوص البرد وكيف تدفينه انا بعطيك رابط الحين تقرينه وانشالله تستفيدين ، الرابط فيه موضوع كيف نحمي ببغواتنا من برد الشتاء ، لـ اخوي سلفر ..~

على هذا الرابط http://www.2zoo.com/vb/showthread.php?t=189259 ..~

//

//

[fawzi]

اخوي الرجفه هذا من شده الخوف لان على كلامك من يوم تقرب منه يرجف ومعروف عن الافريقي انه طير حساس وخواف في نفس الوقت انت اصبر على الطير عط الطير وقت كي يتاقلم على المكان وحاول انك تخليه في مكان دفيء بعيد عن اي تيارات هوائيه بارده وان شاء الله الامور متيسره الله يوفقك ان شاء الله

[ام ماجد]

ام ماجد الله يعافيك كيف اعطيه الزنجبيل؟؟؟وش الطريقة؟
وجزاكم الله خيرا


فنجان من الزنجبيل الطازج لما تسوونه لكم بتشربون بس بدون سكر

و4 فناجين مويه

تحطهم بالمشربيه حق الطير

[رورو12]

جزاك الله خير