سؤال لمربي الكاسكو؟؟

[عاشقة حبوبي]

السلام عليكم ورحمة الله وبركاته

انا عندي كاسكو الرمادي عمره تقريبا 3 سنوات صاره 4 ايام ما يتكلم ولا يصفر واكله صار خفيفه بالبدايه حسبته زعلان ومتضايق بعدين تكلم وصوته حييل ثقيل اكتشفت انه جايسه برد ومو عارفه شلون اعالجه عطيته قطعة ليمون تكلم شوي بس رجع سكت اللي يعرف شنو عالجه يساعدني والله يجزيه الخير .. انا مااعرف شي عن تربية الكاسيكو و صار له عندي 4 شهور بس

كل الشكر للي يرد على سؤالي واستفساري ..

[مجنون فلته]

السلام عليكم

اختي راجعي هذا الموضوع راح يفيدك كثير

حاليا ابعدي الطير عن اي تيارات هوائيه ولو تغطي القفص بمنشفه افضل شوي عشان يرتاح واتبعي معاه العلاج المذكور بالوصله

http://www.2zoo.com/vb/showthread.php?t=66594

[عاشقة حبوبي]

مشكور اخوي وما قصرت الله يجزيك الخير على ردك ..

[ابو الهش]

انا في الحقيقة والواقع
والحديقة والشارع

مالي خبرة في الكاسكو

بس رديت عشنك رديتي على موضوعي


الله يشفيه ان شاء الله وما يشوف شر
ازمة وتعدي

[S7R]

ابعديه عن الهوى البارد
ولا تعطينه لا اكل ولا شرب بارد
ولا تحممينه لحد مايشوف العافيه
وزي ما قال ابو الهش ... ازمه وتعدي بأذن الله

بس اذا استمرت الحاله او صارت اقوى
انصحك انك توديه لبيطري
خاصه اذا ابتدى يطلع صوت صفير بآنفاسه او تحسيه ينكتم


تحياتي :)

[يوفاوي الكويت]

اهم شي تبعدينه علي الهواء البارد

وانصحج باستخدام مضاد حيوي

ومن افضل المضادات التايلان

[ابودحيم2010]

الله يشفيه ان شاء الله وتلقين له علاح

[fawzi]

الله يشفيه ان شاء الله ونفس ماقالو الاخوان افضل علاج هو التايلان وهو من اقوى المضادات الحيويه نصيحه اختي خلي الطير في مكان دافيء بعيد عن اي هواء بارد ويفضل تغطيه الطير بقطعه قماش ثقيله

[محب الكروان]

زي ما وصاك الاخوان

التايلان ثم التايلان ثم التايلان

يوضع مع ماء الشرب

الله يشافيه لك يا رب