يااارب القى حل عندكم

[ملاك القلب]

صباحكم ومسائكم ورد
اخواني واخواتي انا عندي كاسكو ذبحني بالصراخ وبالعض واحيانا مايصارخ مزاجي احسه
ولاحطيت عنده العاب يصارخ كاني حاطه عنده قنبله وحطيت عنده حقت هذيك الدائرة الخشبيه
اللي نستخدمها بالخياطه والله لوتشوفونها تقولون حاطه قنبله بفجره نزل اسفل القفص وماعاد طلع ويصارخ
لحد ماوخرتها وعقب حطيت له لعبه انا مسويتها وعلقتها وبرضوا قعد تحت وعطيته كور تحت لاحطيتها صعد فوق والحل معه وش اسوي ابي نصيحتكم؟؟؟هل اخلي الالعاب عنده كل الوقت عشان يتعود والالا؟؟
بس لاعطيته اعواد الشوي عادي يلعب فيها ياخدها بس شي ثاني مايبي:(:(

[زيـآد]

انا اشوف ، انه طبيعي بيخاف ، من شي جـديد ، لئنه ما تعود عليها ..~

انا بقولك طريقه وانشالله تنفع معاك ، اول مره حطيها برآ القفص بحيث ان الطير يقدر يشوفها بس تكون خارج القفص ..~

خليها يومين ثلاثه ، بعدين حاولي تدخلينها القفص ، وانشالله بيكون توالف عليها ..~

هو يخاف منها لئنه شي اول مره يشوف ما تألف عليه ..~

وانشالله يجون الخبرا يفدونك اكثر ..~

[ملاك القلب]

انا اشوف ، انه طبيعي بيخاف ، من شي جـديد ، لئنه ما تعود عليها ..~

انا بقولك طريقه وانشالله تنفع معاك ، اول مره حطيها برآ القفص بحيث ان الطير يقدر يشوفها بس تكون خارج القفص ..~

خليها يومين ثلاثه ، بعدين حاولي تدخلينها القفص ، وانشالله بيكون توالف عليها ..~

هو يخاف منها لئنه شي اول مره يشوف ما تألف عليه ..~

وانشالله يجون الخبرا يفدونك اكثر ..~

هلافيك اخوي
شلون احطها برى يعني مالي الا احطها فوق القفص اوجنبه
لانها تتعلق ووين بعلقها واحط بجنبها؟؟
مشكور على المعلومه بحاول واشوف احطها بر القفص واعلقها

[زيـآد]

طـيب ، لأ تعصـبين عـلي ، بفهمك شلون ^_^ ..~

يعني خذي اللعبه الي بتحطينها في القفص وخليها في اي مكان خارج القفص بحيث ان الببغاء يقدر يشوفه ..~

عـلقيها ، حطيها على طاوله ، الي تشوفينه مناسب سويه ، بس غلط تحطينها فوق القفص لئنه بعد بيخاف ..~

المقصد من الطريقه : انك تبعدين عنه اللعبه عشان ما يخاف وفي نفس الوقت يشوفها عشان يتألف عليها ..~

[1Njood]

هههههههههههههههههه يا ملحه
^ الحل نفس ما قال
او لو ما زانت الطريقه خلاص اتركيه ما يبي يلعب
انا حقي يزاعق الصبح باعلى صوته اذا قمت سكت -.- ودك كذا تشوتينه ذاك الشوته
لو هو جديد اصبري عليه كم يوم او اشتري له ستاند يمكن ما يحب الفص ومعصب
او دربيه عشان يالف عليك في طريق بالمنتدى

[ام ماجد]

اهم شي الصبر سايسيه قربي منه الشي والعبي فيها قدامه

انا اذا جبت له لعبه جديده يبعد كأني جايبه له شي خايس بس يلف رقبته ورا

اقوله بس طالعها شوي عطنا وجه ههههههه

بعد دقايق نتهاوش عليها هو يسحب يبيها وانا اسحبها منه هههههههه

[ملاك القلب]

يسلمووو ع الردود بحاول معه ههاي مع انه عصبي ومزاجي هو يقهرني
وياارب تعجبه ويلعب فيها